08-11-2012, 06:50 PM
|
 |
|
|
تاريخ التسجيل: Aug 2012
الدولة: الرياض
المشاركات: 4,124
معدل تقييم المستوى: 11098981
|
|
اقتباس:
المشاركة الأصلية كتبت بواسطة إبتهآل
السلام عليكم ورحمة الله وبركاته
احب افيدكم اني من ثلاث سنين ادور وظيفه محترمه وطبعاً لقيت في مدرسه اهليه بالعام الماضي
ومسكوني 30 حصه والراتب 1500 وشاطفين منه تأمينات غير تشرطهم علي يبغون بروجيكتر وشغلات كثير على حسابي
المهم هجيت منهم ماقدرت اتحمل الضغط راتبي كله ماكان يكفي حتى السواق
السنه هذي دورت لي مدارس برضوا بس بعد الزياده كلها صارت شغل واسطات
وبالحيله وبالعافيه اتوظفت بمدرسه قالت لنا المديره انه ماراح نوقع العقد الجديد غير بعد الحج
واعتبرتنا من شهر 10 متدربات بدون راتب وكرفتنا كرف
ولاخلتنا نوقع على عقود ولا علي اي حاجه وفوق هذا تقول تجون يوم الخميس ابتداء من بعد الحج
واللي ماتجي بطيرها وعاد كلنا مستخسرين يروح تعبنا الشهرين اللي راحو ع الفاضي وقلنا راح الكثير ومابقي غير القليل
اللي حصل ان امي مرضت اول يوم في عيد الحج وانا الوحيده كنت مرافقه معاها بالمستشفى علماً انها ماخرجت للحين اضطريت اغيب اول ثلاث ايام وكلمت المستشفى يعطوني اجازة مرافق
واتصلت على المديره ابلغها بضرفي ماترد ارسلت لها مسج شرحت فيه وضعي وبرضها ماترد
فأتصلت عليها يوم الثلاثاء الصباح ردت وقالت يابنتي نامي عند امك لاتجين استغنينا عن خدماتك اذا حابه تجي وتاخذي شهادة تدريب لمدة شهرين حق تعبك ماعندي مانع بس انك تغيبي وتتعذري بأمك فانا ما احب اضغطك اكثر معي مهما كانت ضروفك << مسويه انسانيه مع اني كلمتها اني باخذ اجازة مرافق وقلت لها اني اشتغل عندها بدون راتب ومالها حق تتمنن علي بكم يوم اضطريت اخذ فيها اجازة لظروف امي الصحيه
مع العلم ان امي تحتاجني 24 ساعه اكون جمبها يعني مو لعب ع الفاضي مقابلتها مثل ماحضرتها تفكر
فتركتهم وقلت بنتظر لحد ماتخرج امي واروح للمدرسه اخذ شهادة تدريب واصكها بدعوة تهز بدنها هز لو فيها ذرة ضمير وخوف من الله ،،،،،، وانا مستخيره ربيي وقلت لو نيتهم استغلال يارب اصرفني عنهم ،، البنات الجدد حاطتهم متدربات واللي عندها من اول تعطيهم 1500 بسسسسس واللي تغيب منهم تنقصها هههههه ومعشمة الكل براتب الموارد اللي ماشففناه والعالم اللي عندها مصدقين
وسبحان الله يوم الاربعاء علطول اتصلت علي مدرسه حكومية كنت تاركه رقمي عندهم من زمان في حالة احتاجو موظفة ادخال بيانات ورصد درجات وهالخرابيط وامس كلمتني الوكيله وكانت جداً محترمه قالت لي تعالي يابنتي المدرسه عشان نتفق معاك وعلمتني بالجوال انها راح تعطيني راتب 2000 ثابت + زيادة اذا ساعدت بعض المعلمات + شهادة خبره،، رحت للمدرسه بعد ماطلعت روحي وانا ادور لي سواق واول ماوصلت قابلتني المديره وجلست تسأل عن مؤهلاتي فقلت لها عن شهاداتي + التدريب اللي بالمدرسه الاهليه وقلت قريب راح اجيب لك شهادته من نفس المدرسه فقالت لي اشتغلتي ببلاش قلت لها ايوه الكل يستغل حاجتنا لشهادة الخبره وماكنت اشتغل ببلاش برضاي بس كنا موعودين بتوقيع العقود الجديده ، ودخلت الوكيله وتناقشت معي قدامها ولما وصلنا للراتب قالت لها الوكيله انه راح يكون 2000 صرخت المديره وقالت كثيييييييييييير مره مره كثيييييييييير ليش 2000 اعطوها 1500 اعطيتها نظرة من فوق لتحت وقلت لها طز بالماديات فقامت الحرمه تعند وتقول احنا راح ادربك ست شهور على 1500 بعد كذا راح يصير راتبك 2000 ههههههههههههههه مع اني اصلاً جايتهم فل مهاراتي بالحاسب كويسه ومعي شهادة حتى في برنامج نور بس صاير التدريب عذر وحجه يستغلونا فيها
انا مدري كم باقي اصلاً وتخلص السنه الدراسيه قالت ست شهور قالت
المهم اللي احترمتها كثير الوكيله وهي وعدتني بشهادة خبره وانها راح تمشيلي الراتب 2000
وقالت لي انه راح يكون علي ضغط ايام الاختبارات فماني عارفه اقبل ولا ارفض
انا ماحب احد يكرفني ولا يستغل حاجتي للعمل وشهادات الخبره ؟ ولا احب راتبي يكون قطية من معلمات وكمان مستكثرينه علي
تنصحوني استمر معاهم ولا اكنسل
لاني تعبت من استغلالهم البشع لي لاالقطاع الاهلي يرحم ولاحتى معلمات الحكومي يرحمون
اش السواة الله يوفقكم فيدوني قبل يوم الجمعه عشان اقرر لاني اصلاً ماعندي خلفيه عن طريقة تعاملهم مع مدخلة البيانات اللي يقطون لها من رواتبهم هالمعلمات !!
|
هذه هى المدارس الاهلية من يوم عرفتهم ظلم و اكل اموال الناس وكرف واهانة
وذول وتقطيع ارزاق واستعباد لناس مااقول غير حسبى الله ونعم الوكيل فيهم
حقا من امن العقوبة اساء الادب لان ماوراهم لاحسيب ولا رقيب
اختى اتركيهم وبعدين من المدارس الاهلية نصب ماطبقوا النظام يجبون عقود ويقولون راح
ان شاء الله تجيكم الزيادة ماشفت شى
مااقول غير الله يشفيك الوالدة يارب وربى يعوض صبرك خير ويرزقك وظيفة حكومية ويغنيك باذن
الله قولى اامين
|
العرض العادي
