حسيتها مو مربحه ابدا
لان 12 شقه لو كل وحده اجارها 25 الف طلعت 300 الف اخر السنه الي هو اجار الشقق كلها
غير انك ماتضمن تاجرها كلها وغير كذا الاجارات نظامها مقدم اقل شي راح يطلب دفعه ست شهور مقدما وذا مره مره كان متعاون ممكن يقبل ثلاث شهور مقدما اما بدون اجار متاخر ماتوقع
بالتوفيق لك ان شاء الله

خيتي ملكه بمملكتها بما انك في الرياض وتفكرين تاجرين العماره بالسنه فمن وجهة نظري ان المشروع غير مربح بل انه قد يكون مخسر لان هناك عقبات ستواجهينه وهي كالاتي
1 _ في العاده الي ياجرون عمايرهم يكون لانه عمارة مفروشه وطريقة اجاره مثل ما قلتلك في الرد الاول فهم يتجهون لايجار العماره عشان يوفرو على انفسهم التعب ومتابعة العمارة ومتابعة التاجير اليومي للشقق في الموسم يعني يبغى ياخذ مبلغ مقدم ويريح راسه اما ان كانت عمارته ايجاره سنوي فما راح ياجره لان العماره السنوي ما يبغاله متابعه
2 _ لو افترضنا انك وجدت العمارة ووجدت من يؤجر لك ومن يتعاون معك في الدفعات يعني ممكن دفعه كل ثلاثة اشهر فما تقدريين انتي تخاطرين ويمكن ماحد يستاجر منك
في الاخير اقولك ان كثير من اللذين يدخلون في هذا المشاريع هم يدخلون ويقومون بتشغيل العماره مثل الطريقه التي ذكرته لك في الرد السابق لانهم يعولون كثيرا على الايجار في الموسم اكثر من ايجار السنه الدراسيه بمعنى ان ايجار السنه الدراسيه يكون اعتمادهم عليه فقط في تحمل التكاليف بل ان بعضهم يستاجر العماره وقت الموسم فقط ويشغله ويطلع ربح ويرجع العماره لصاحبه بعد انتهاء الموسم
وعلى فكره ايضا في الرياض هناك في مواسم تشتغل فيه العماير بل انه بعض الاحيان في الصيف تكون الشقق فل وانا جربتي الشيئ هذا*
اخيرا نصيحتي لك اذا كنت بتدخل فهذا المشروع فهو مشروع مربح ولكن بالطريقه الي ذكرته لك
وتمنيات لك بالتوفيق من كل قلبي

اختي بالنسبه للمياه والصرف تختلف من منطقه لمنطقه اذا المنطقه الي فيها العماره واصلها شبكه الصرف

مابيكون فيه مشاكل اذا العماره فيها مغسله بيزيد المشاكل لأن المويه بالخزان بتخلص يعني تفرق

بحسب المنطقه وتوفر المياه وخدمات الصرف فيها زي العماره حقتنا عندنا مشكله بالصرف يعني لو واحد

يصير عنده تهريب ولا يسافر ويحدث تهريب مياه راح يكب مويه الخزان كلها واضطر اجيب وايت مويه

وبنفس الوقت البياره الله يكرمك راح تمتلي وبتضطر تجيب وايت شفط والشيء ممكن يكلف على حسب

المنطقه وسعر وايت المويه ووايت الشفط

اتمنى المعلومه وصلت الله يوفقك