بسم الله الرحمن الرحيم
السلآمم عليكم


أخواني وأخواتي الكرامم مسآكمم الله بكل خير

أنا سمعت قصص كثير عن سوق الخضار وكيف ناس بنت بيوت وتزوجت بفضل الله ثم تجارة الخضار

فقلنآ بنتوكل على الله وبندخل هالمجال لأني تعبت من الشركات استنزاف طاقاتنا ورواتب مااش

أبغى استفسر من أهل الخبرة وين أفضل لي سوق الخضار في الدمام أو الأحساء أنا عندي سكن في المدينتين واذا شريت من المزاد اقدر أبيع في سوق الخضار نفسه بربح حلو لأني ما املك وانيت علشان ابيع عليه


وأيضا بالنسبة للعمالة الأجنبية اللي مكتسحة سوق الخضار وتأذي السعوديين كيف ممكن أتحاشاهم و أسلم من شرهمم

ومشكورين

رففففففففففففع

اسال الله لك ولجميع الاخوان والاخوات التوفيق والرزق الحلال

بخصوص المدن التي ذكرت لا اعلم انا من مدينة جدة والوالد الله يحفظه يشتغل من 15 سنه في الحلقه وكانت انزل معاه الحراج الصباح بدري مثل يوم يشتري 200 كرتون طماطم ويبيعها وهو في مكانه خلال ساعه بالكثير والي يزيد يروح يبيعه في المساجد والبقالات صدقني الخضار فيها خير كثير وانا اشوف في عين يعني لو عندك باص بضاعه او وانيت مصندق تقدر تشتري كميه وتوزعها على محلات الخضار والبقالات صدقني بالميت بيطلعلك بعد توفيق الله من ستة الى عشره الف بس انت اجتهد .

بخصوص الاجانب ممنوع يدخل المزاد مع السعوديين عندك الوالد كم مره يزود عليه اجنبي يجيب الشرطه والبلديه والجوزات لهم صار الاجانب مايزودن في حضوره او حضور الشرطه والبلديه ،بس فيه سعوديين يخدمون الاجانب وكذا ضاعت العلوم .

اي خدمه انا جاهز واسال الله النجاح

والله الخضره ذهب وراس مالها بسيط يعني الربح الدبل اذا مو اكثر

لكن يعتمد على الموقع بالمرتبه الاولى يعني شوف لك حي مافيه محل خضره وافتح فيه محل او تكون معك ديانا او ونيت وشوف الشغل

انا اؤيد المشروع بقوه ومافيه خساره بإذن الله نسبه الخساره جدا منخفضه

انا اعرف ناس كثير كانو مجرد عمال في الخضره وفتحو محلات والحين من الهوامير في البلد

بالتوفيق