وكيف اشتغل واحظى بحياة كريمة بعيدة عن الذل وسؤال الناس

دور لك اي وظيفة ..؟

دورنا وظيفة والتراب كم ..؟
3500

اجار شقه 1500 شقه متهالكة متر بمترين ﻻكن ربك ييسر
قسط زواج 750 ريال يسددها اخوي طلبوني من الشرطة وﻻرحت من وين اسددهم من وين

مصروف الطفل الغلبان 500 يبقى 1500

البقالة 600 ريال والتلفون 199 ومصاريف شخصية 200 لي و200 لام العيال وبنزين وسيارة متهاكلة كل يوم تطلب
اين الحياة الكريمة

تدرون يا اخواني اني متسلف اليوم 73 ريال حق حليب والحفايظ صرنا نغسلها احيانا

اتصلت عل الجمعيه قالو فيه سلة غذاءةغير اطلب الله قلت سحقا لهذا الزمن الاغبر

وش نسوي بالضبط احنا بوقت صعب وكلةشي سعره طاير وحياة تعاسة هل ندفن انفسنا احياء ام ماذا نفعل بالله اجيبوني يعلم الله مارجيت احد دونه وﻻ سواه وﻻ كتبت موضوعي لطلب شفقة احد او غير ﻻكني محتار ومن كث التفكير جاني الاكتئاب والصداع والهم

وينك ياعادل فقيه اطلع واجة الامة واجة الشعب واجة العالطين والعاطﻻت ياحق الحرمه اطلع منها مدموم مذحورا اذا مانت كفو لمنصبك في غيرك اكفئ وفوق كل ذي علم عليم اطلع لاتحمل امانة ومسؤلية لست بحجمها

لاحول ولاقوة الله الابالله

والله ياستاذى الله يكون باعون كلنا والله متوهقين

قسم بالله عندى اخوى مسكين 4 وظائف يدخل ويطلع منها بسب الاجانب ومرة بسبب سعودى مايحب

الاجماعته والله ان اخر شى طفش اخذ اختى وطلع بعثة خارج المملكة

ومسكين كل ما دقينة عليهم نتطمن تخيل يقولون مانى راجعين ابدااا زهقوا شكلهم وهج مرة وحدة

ويقول وانا بديت افكر بالموضوع شكلى والله بالحقهم وافتك

اسال الله العلى القدير ان يفرج همك يارب ويسهل امرك ياحى ياقيوم ويرزقك من حيث لاتحتسب

الله يبلهم بالامراض النفسية اللى تسببوا فيها لخلق الله

تنشد عن الحال هذا هو الحال .. و اذا تكلمنا قالوا لا تسمحون لاعداء البلد يخربونكم بهالكلام ..

والله ان اعداء الوطن موجودين بيننا .. و ياكلون و يشربون و عايشين بقصور و لهم حراسات و ماخذينها بالطول و العرض .. و اولهم عادل فقيه و شلته ..

حسبنا الله و نعم الوكيل ..

حسبي الله ونعم الوكيل لاوظيفة ولازوجة ولاشي فقط الستر والعافيه

ان حكينا ندمنا وان سكتنا قهر

عسى ربي يفرج همك


ويبدله فرح و سرور


دام الله موجود فلا تحزن

الله يفتحا بوجهك ويرزقك فوق ما تمني


وش يجلسك علي راتب 3500

يا خوي اشتغل كداد ادري فيه خطوره وفيها وفيها

بس احسن من 3500


تقول سيارتك خربانه ما فيه حيل تتحرك

استاجر وكد ابوها لين ما تدخل لك ملغ محترم


اما تجلس علي هالحاله

والله مشكله

اكثر من
استغفر الله

الحمدلله على كل حال ... الله يرزقنا ويرزقك اخوي من واسع فضله

عسى ربي يفرج همك