السلام عليكم
فكرتين لمشروعين يدخلون ذهب
الاول راس ماله 50 الف ودخله الشهري بحدود 10 الاف ريال
والثاني راس ماله 20 الف ودخل ثابت 1500 ريال شهري

المشروع الاول :
ملحمه (جزار)
مشروع يدخل ذهب والله على مااقول شهيد
لمن اراد ان يفتح المشروع بنفسه اعطيه نصايح تهمه
واللي يبيني اخدمه وهو في بيته من فتح المحل حتى استلام الارباح الشهريه احولها لحسابه مقابل 40٪ يراسلني على الخاص

المشروع الثاني :
بيع وشراء الاغنام
راس المال 20 الف والارباح 1500 شهريا
،،،،،،،،،،،،،

للجادين على الخاص يوجد دراسة جدوى من واقع خبره

تصدق ملحمه فكره حلوه والمكان الي انا فيه مافي الا ملحمه وحده
بس ياخوي هل انت متاكد ان الارباح بهذا الحجم يعني الصراحه الملحمه الي اقولك رغم ان مافيه الا هي لكن ما قد مريت وعندها احد انا طبعا ادري انه يربح ولا كان قفل لكن مااتوقع انه بهذي الدرجه
واعتقد ان الملحمه لو تكون في المحلات الكبيره مثل بنده والعثيم والمحلات ذي بتمشي احسن يعني لو الواحد يروح للمحلات ذي ويستاجر منهم ويشغله هو افضل من انه يستاجر محل ويحط الملحمه فيه
والا وش رايك

انا ابيع واشتري في الحلال وكنت اورد للملاحم
يشترون الحاشي مني ب ٤٥٠٠ ويبيعونه ب ٦٧٥٠
وفيه ملاحم في حارتنا تذبح يوميا ٤ او ٣ وعليك الحساب
غير الخرفان والتيوس وانا مسوي دراسه من واقع تجربه طويله
ولو عندي راس مال كان فتحت من زمان
حبيت افيد واستفيد

الله يرزقك ان شاء الله ويوفقك
انت من اي مدينة

الرياض .......

بالتوفيق حبيبي والله انك حطيته في بالي

ارجوا ارسال دراسة الجدوى على الخاص .. لانني لا استطيع مراسلتك ..

فكره جميله والي يشتغل يشتغل فيها الثنتين منها تجاره الغنم ومنها التجزئه والقصابه والله يوفقكم يارب

سؤالي اخوي هل الحاشي مستورد ولا بلدي لأن اكثر الي فاتحين مستورد
وفيه محل عندنا بالقصيم كبير ومشهور لكن سكر يقول ما عاد فيه فائدة بالرغم انه يجيب من مصر
والله اعلم
والله يجزاك خير

الحاشي بلدي