[align=center]السلام عليكم ورحمة الله وبركاتة

أسعد الله جميع اوقاتكم بالخير والمسرات

زي ماهو واضح بالعنوان عندي مشروع بسيط ومايكلف شئ سوى الوقت اللي اتعبه وامضيه قدام شاشة الجهاز او الكمبيوتر

مشروعي باختصار شديد اقوم بالحجز على الخطوط السعودية داخليا وخارجيا واخذ عموله حاليا 30ريال للتذكرة الواحدة ووقت الذروة والمناسبات والاجازات تكون العمولة من 70ريال الى 100 ريال للرحلات الداخلية

بينما الرحلات الخارجية لها عمولة ثانيه لاتقل عن 100 ريال الى 200 ريال للتذكرة الواحدة

بيقولي اي واحد عادي يقدر الواحد يحجز عن طريق الانترنت موقع الخطوط او عن طريق الاتصال عليهم او عن طريق مكتب سياحي ماهو بحاجة يحجز عن طريقك

بقوله يابعدي انا شغلي غير ميزتي ولله الحمد اذا الواحد ماحصل حجز نهائيا ابدا لا في الخطوط ولا مكاتب السياحة اقدر اجيبله حجزه ان شاءالله بنسبة تفوق 90% وهذا سر المهنه

وللعلم لست موظف بالخطوط السعودية ولا اعرف فيها احد نهائيا ولكن رجال لي خبرتي الطويلة في الحجوزات وخصوصا الحجوزات اللي ماتلقى فيها مقاعد شاغره هذي لعبتي اقدر اجيبلك حجزك وبطريقة نضامية بدون ماضر احد ولا احذف حجز احد والله سبحانه وتعالى هو العالم بشغلي


المهم نجي الزبدة اللي يبي يشتغل معي تكون نسبتة 50% على كل زبون

يعني مثلا جابلي زبون يبغى تذكرتين ذهاب فقط تكون العمولة 60ريال حلو نصها لي لأتعابي وبحثي واصطيادي للمقاعد ونصها 30ريال عمولتك انت اللي تبي تشتغل معي

طريقة شغلك معي سو لنا اعلانات بأي مكان او منتدى او حتى عندي اقاربك مافيها شئ الشغل مو عيب وجب لي زبائن ونسبتك 50% من عمولتي على كل شخص
حسابي على بنك الراجحي وعمولتك تاصلك اولا بأول بدون تأخير ان شاءالله
وارقد امن ان شاءالله انا ابو عيال ومابي اخلي عيالي ياكلو او يشربو شئ حرام وحقك محفوظ والله العالم بذلك


والحمدلله شغال لي فتره ومحصل منها خير ورزق ولله الحمد والمنه

ولكن خلني استفيد وافيد غيري بكسب ورزق حلال

واللي يبي يشتغل معي يراسلني على الخاص

ولمشاهده اعلاناتي يوجد لدي اعلان هنا بمنتدى البطالة في قسم البيع والشراء
ويوجد لدي اعلانات اخرى في بعض المواقع

تحياتي للجميع[/align]

فكره رائعه بس وينك جاي بعد ماخلصت الاجازه

انا راح علي الحجز ومالقيت الا على يوم السبت

والله لو انت موجود كان اخذت منك

الله يرزقك ويوفقك ونسبتك معقوله

بالتوفيق اخوي

ليتني عرفتك قبل الاجازه خخخخخخ كنا نبي حجزين اضافيات لدبي
الله يوفقك وشغلتك مره ممتازه

ياليت تحط ايميلك والا رقم تلفونك << ممكن احتاجك يوم من الايام

حلو جدا
مستعد*للتسويق

السلام عليكم ورحمة الله وبركاته


اخ مردقوش ياليت تتواصل معايه على الايميل