السلام عليكم ورحمة الله وبركاته :

عندي أخوي عمره 28 عاطل عن العمل ولم يكمل دراسته بعد المتوسطه ,, ماخذ السلطه على البيت بالكامل ,, ويعاملنا معامله سيئه .. وخاصة اختي اللي عمرها 32 يفرض شخصيته عليها ,, بعدماتخرجت وتوظفت معلمه اجبرها على سحب قرض 200 الف بيشتري سياره ويتزوج ,, واختي رفضت وبعدها حرمها تطلع للمدرسه الى ماجاها انذار بالفصل وبعدها طي قيد !

المشكله بدا يتمادى على اختي اكثر ويشك فيها و يهددها ياخذ اللاب توب منها والجوال ,,

صارت نفسيتها كئيبه مافي احد نقدر نخليه يساعدنا نهااااااااااائي ,,

كل يوم حياتنا تنقلب لكآبه وحزن وصار المستقبل مجهوووول ماادري الى متى ..

أبوي متوفي وأمي لاحول لها ولاقوه .. ولاحتى حاولت توقف بوجهه ,,

لما يبدا يتهجم على اختي انا يتقطع قلبي ودي ارد وادافع بس اخاف من ردة فعله لان هو عديم الضمير مايخاف ربه ابدا ابدا ابـــــــــــــــــــــــدا ممكن يسوي اي شي لاقدر الله ,,,

ماودي أزيد النار حطب
لكن حرام عليه يحرم أخته من الوظيفه
بأي حق وبأي صفه يقطعها من رزقها

لاحول ولاقوة الا بالله

الله يصبركم على بلواكم
ويصبر قلب الام المسكينه

انا اشوف راي العمدة صائب بلغوا الشرطة صح صعبة وفضائح واكيد تخافي من الخطوة هذي لكن هذا هو الراي المناسب
في وحدة اعرفها كانت تعاني من نفس المشكلة ولجات لله ثم للخاطبات وفعلا جابولها الرجل المناسب واتزوجت وارتاحت حاولي تتواصلي مع خاطبات مافيها شي واتزوجوا انت واختك وارتاحوا من المشاكل

لاحول ولاقوة الابالله انتم اللي خليتوه يتسلط عليكن
بسبب خضوعكم له وخوفكم منه من البداية وتنفيذطلباته
لازم تقفون بوجه وقفة حازمه..
الله يهديه غصب عنه الله يكفيكن شرقهرالرجال
احزنتني حالتكم يارب يفرج همكم .

__________________
"لله دُر أمي إذا ابتسمت
تهادت جروح قلبي والتئمت"

والله المشكلة الي ذكرتها مو سهله ومحتاجة للتبليغ هذا حرامي قاعد يستغل ضعفكم وخوفكم منه

لا تخافون منة ولا تصيرون ضعاف وبعدين اذا مو قادرين توقفونة عند حدة وخايفين منه بلغو عليه حقوق الانسان

طيب اذا بكرا بغيت تتزوج ولا اختك بيقعد يتدخل فيكم ويزوجكم على كيفه طيب افرض بكرا جاب عريس لاختك هو له مصلحة منه يجبرها تتزوجة وش بتسون هالنوعية هذى حركاتهم ..

من الحين علموة حدوده هذا قاعد يستغلكم

الله يعينكم ويفرجها يارب

عليكم بكثرة الدعاء الله يهديه واقرواء سورة البقره اخذها بركه وتركها حسره كل ليلة اقرواء وعليكم بثلثً الاخير ربي قادر ع تبديل الاحوال واذا لكم عم او خال خلوه يكلمه والله يفرج عليكم

الله يهديه ان شاء الله مافى الاالدعاااء خصوصا الوالدين يحاولون يدعوله بالهداية دائمااا

سهله وانا اختك خلوه يروح يقدم بالجمعيات اللي تساعد الشباب عالزواج وان شاءالله يتزوج وينشغل بحياته ويكفيكن شره ترى موغيراخوكن اللي يشك كثير يشكون لمايشوفوا عند البنات لاب تووب اذكرقصه لاحدي البنات كان اخوها مجننها عاللابتوب ويقطع حتى سلك التليفون وفصلها حتى من دراستها بس ماالتفتت له كملت حياتها وتجنبته والله عطاهاعلى قدنيتهاوفقهالانها هي تصرف عالبيت وشايله حتى مسئووليته وهولاشغله ولاعمله غيرمتكل عليها وعلى مساعدة الجمعيه والضمان بالاخيرقام يضربها ودخلت على زوج اختها يحميها قام وطرد الولدمن البيت وضربه زي ضربه لاخته وقال هاه حسيت بااحساس المسكينه اللي كسرتها بالضرب وغيراقفال البيت ورجع الاخ بعدفتره واعتذر لاخته ومشت الامورعلى خيروالبنت تزوجت واللابتوب خلى اختك تبطل تشتغل عليه لين تهدأ الامور والله يصلح الحال وامك خليها تكلمه بهدوء عن وضع اختك وان طلبه للقرض موسهل تتحمله المسكينه وتنفصل من عملها عشان قرض ماتقدرحتى تسدده وش بيضمن سداده

والله مدري وش اقولك

الحل مثل ما قالوا اخواتي تبلغي عليه واحد من اخواني من ابوي كان كذا بس الحمدلله انا وخواتي وقفناه عند حده

وبعدين هالبطاله الي خلته كذا تبين نصيحتي لاتسكتون ولا راح يتمادى ويوهقكم