السلام عليكم ورحمة الله وبركاته
مساء الخير لكل اعضاء هذا المنتدى الجميل والنافع

طبعا انا عضو جديد في المنتدى وقراة الكثير من المواضيع في هذا القسم بالذات واستفدت منكم الكثير وشاركت ببعض الردود وكانت لدي فكرة طبعا ليست بالجديدة ولكني اريد طرحها ومناقشتها معكم فان كتب الله لنا خير وقمنا بتنفيذها خير على خير واذا لم تكن كذلك ممكن يستفيد منها سعوديون اخرون ... طولت عليكم بالمقدمة

الفكرة بسيطة الا وهي المشاركة في التجارة بين عدد من المواطنين السعوديين يعني مشروع تعرض فكرته وتكون تكلفته مثلا 150 الف ريال ولا يستطيع صاحب الفكرة او من يريد تطبيقها ان يؤمن المبلغ فيتشارك اتنان او ثلاثة او اكثر به ويوظفون فيه سعوديين اكثر من الاجانب وياحبذا لو كانوا هم نفسهم الموظفين فيه يعني مشروع تجاري ناجح باذن الله + وظيفة
مثل الجمعيات الغذائية في الكويت مشتركة بين المواطنين الكويتين وهكذا...

رجعنا للموضوع الذي هو الخوف وعدم الثقة بين السعوديين في الاشتراك بالتجارة .
الحين حنا تطورنا وصرنا نعرف المحامي وش هي مهمته وصرنا نعرف نكتب المؤسسة او الشركة او المحل باسم شركاء يعني محد يقدر يتلاعب ويخون في احد ابدا


الان نبي منكم الهمة ياخوان بالافكار والمشاريع ومن يقدر يدخل شريك ونحدد بعض المشاريع وبعض الاشخاص القادرين على تمويل وبعض الاشخاص الي ودهم يتوظفون فقط والخ..

ولكم فائق الحترام والتقدير


القادم افضل و احسن باذن الله

الله يوفقك

وعليكم السسلام

لو إني ولد وعندي مبلغ مثل آلمطلوب كآن شآركتك ^_^

الله يوفقكك ويرزقكك ..~

فكرتك لاشك انها جبارة
وأأؤيد الفكره مليونين بالميه

لاكن بوضح لك الفكره من ناحيتي انا شخصيا بعدم الرغبه بعض الأحيان من شراكه
ولا اقول كل الشراكات لا
في الشراكه لازم تبحث عن الإنسان الصدوق الخلوق المؤمن بالله قبل كل شي
وانا عن نفسي اضيف فوق هذا ان يكون ليس صاحب سفريات
ممكن تقول ليش
لأن راعي السفريات وخاصتن الشباب الحين يسافرون على أشياء محرمه والعياذ بالله
وهذا انسان مايعررف يوفر فلوسه
لما يطفر الشاب بيرجع للمبلغ اللي مشترك فيه
صح بيكون بينا عقد شراكه يتجدد سنويا
لاكن ولو ليه ادخل بقروب وأسس على أساسه بعدين نختلف وأدور على شريك جديد

ولا أخفيك أبحث حاليا عن شركاء والحمد الله حصلت واحد أساسي والثاني يرتب وضعه
راح نتشارك في شراء الأراضي وبيعها لو بمكاسب بسيطه
والمكاسب البسيطه طبعاً لأن البيع راح يكون سريع
وأنا اللي راح أترئس المجموعه هذي وحاط شروط فيها تناسب جميع الأطراف

وأن توفقنا أنا وأصحابي بإذن الله بحاول ادخلهم شراكات في مشاريع انا أرغبها

والله يوفق الجميع لما يحب ويرضى
والله يهدي جميع الشباب
والله يوظفهم ويعينهم يارب

تحياتي :~

شكراً لك على طرح هذا الموضوع

الله يرعاك

قالو قدر الشراكه مايفوح لان كل شريك سيوجه العمل حسب رايه وتتضارب الاراء والقرارات وتضيع الطاسه ويذهب راس المال ادراج الرياح اما الشراكه في راس المال فقط لها فوائد عظيمه والشراكه بادارته مهلكه لراس المال وهادمه لكل شي بين الشركاء ونهايتها العداوه والكره بينهم
لابد عند الشراكه وضع الثقه في شخص واحد من الشركاء او من خارجهم يكون هو من يضع سياسه العمل ويشرف عليها دون تدخل الشركاء وان تكون الملاحظات والانتقادات في جلسه بها جميع الشركاء على فترات زمنيه معلومه للجميع ومناسبه لطبيعه نوع التجاره

بتوفيق لكم جميعا

الشراكة تخوف صراحه