حلمي من يقدر يساعدني في تحقيقه

يارب حقق أمنيتي · #1 (**permalink**) 15-11-2012, 02:50 AM

إسلام عليكم ورحمه الله
عندي مشروع أتمنى من كل قلبي انه يتحقق وآمن مستقبل عيالي
لان الوضع المادي لزوجي يمشي الحال بس وكل الي حوالينا ماشالله عليهم
انا راضيه الحمد لله بس عيالي يكسرون خاطري مابي شي ينقصهم
وأتمنى منكم تساعدوني وسجلت بالمنتدى عشان أخذ رأيكم وهاذي اول
مشاركه لي ومابي اطول عليكم المهم
انا اصمم ازياء وعندي ذوق رفيع من كنت صغيره بالابتدائي
والبنات الكبار ياخذون رأيي ورسامه وقلت ليش ماستفيد من موهبتي
وفكرت اسوي مشروع اصمم فساتين سهره وزفاف وفساتين وأطفال
مبدأي وأنا اعرف اصمم كل أنواع الملابس بس فكرتي أني استأجر محلين
محل يكون بأي مكان أسويه معمل صغير يعني يخيطون فيه العمال
والمحل الثاني يكون موقعه زين وابيع فيه الفساتين المطلوب منكم اخواني الإجابة عن بعض الأسئلة:
- كم احتاج من الخياطين 2 او أكثر لأني ابي ابدأ مشروعي صغير واكبره حبه حبه أن شالله
- كم يستطيع الخياط خياطه فستان بالأسبوع
- كيف أدبر راس المال سمعت عن شركات تدرس المشاريع النسائية
وإذا كان ناجح تعطيها قرض وأنا حاليا معي 10 آلاف
- من وين اشتري الأقمشة بالجملة والمعدات
- راتب الخياط ثابت او لا
-كم تتوقعون يكلف علي المشروع وأكرر انا ابي بدايه صغيره

وأخيرا إخواني الي عنده معلومه لا يبخل علي حتى لو رفع لمعنوياتي ولله يجزاكم خير

طموحة كل يوم · #2 (**permalink**) 15-11-2012, 02:52 AM

الله يوفقكيارب ويفتحها بوجهك ويرزقك من حيث لاتحتسبين

عاطل مع · #3 (**permalink**) 15-11-2012, 02:54 AM

الله يرزقك من فضلة

رفع

فلانه طفشانه · #4 (**permalink**) 15-11-2012, 03:09 AM

رفـــــع

خورافي · #5 (**permalink**) 15-11-2012, 03:26 AM

اول شي نصيحه لك لازم تزيدين من خبرتك
فأنصحك تشتغلين في مشغل يسون فيه مرايل للبنات وكذا
شوي شوي بعدين تفتحين لك معمل في شقتك او في بيتك غرفه صغيره
وتجيبين لك فلبينيه تعرف تخيط طبعا تعطينها راتب حب خبرتها من 1200 الا 1500
تخيط وخدامه كمان :> جنبك وحواليك
وانتي قلتي تبين بدايته صغيره مايحتاج محل ولا شي
بيعيه ع الناس بدون محلات وريهم اياها شوي شوي وحده تشتري وتصيرين معروفه
اذا جمعتي راس مال حلو افتحي محل ويلا اشتغلي وجيبي عماله زياده وكذا

وعسسسسى ربي يووفقققك والصراحهه افكارك ممتازه بسس انصحك تبدين من البدايه
وبلاها فتحت محل دامك تبين البدايه صغيره

جانيت · #6 (**permalink**) 15-11-2012, 03:33 AM

دام رأس المال صغير
ابدئي من النت..
حتى لو انت عليك التصميم بس والخياطة ع الزبونة..
أو اذا تعرفين خياط شاطر في مشغل اتفقي معاه ..وربي يوفقك يارب

نايف السالمي · #7 (**permalink**) 15-11-2012, 07:32 AM

عسى الله يوفقك إن شاء الله

ابدائ من بيتك واعرضي بالنت جميع اعمالك لان الحين 80% عن طريق النت

رواسي الرياض · #8 (**permalink**) 15-11-2012, 08:44 AM

البدايه تكون من النت واعرضي بعض تصميماتك وخذي راي البنات ولو تشمل تصاميمك البنات الصغيرات اتوقع بتلاقين اقبال اكثر وادخلي منتديات نسائيه وافتحي لك متجر فيها وشوي شوي بيكون لك زباين بالبدايه ماله داعي المحل والله يزقنا وياك

جاي بملفه · #9 (**permalink**) 15-11-2012, 09:59 AM

اسمعي انا بعطيكي حل قبل ماتبدين

اول شي اشتغلي بمشغل واكتسبي خبره

وشاوري اهل المشغل في نقاط تستفيدي منها

وبعدين فكري وابدي المشروع

اهم شي تكتسبين خبره من واقع تجربه قبل كل شي

[ نبي دعواتك عاطل 4 سنين ]

يارب حقق أمنيتي · #10 (**permalink**) 15-11-2012, 11:05 AM

ماقصرتوا حبايبي بس كل افكاركم الي قبل فكرت فيها مده طويله بس ماراح تضبط معي المشكلة انا ماقدر اشتغل خارج البيت وبعدين الخياطه ماعرف لها بتفاصيلها بس انا اصمم بس
والخياطين يفصلوا وإذا بديت على النت صعب البنات يثقون بالمصداقيه
فقلت اسوي المعمل باي مكان ماراح يكلف علي ومأحتاج الا ماكينتين واحطهم بأي مكان يفصلون واحطهم بمحل
والمحل استأجره بس بالمواسم واحط الفساتين بالمحل كأنها جاهزه وابيعها
ولا وش رأيكم انا من زمان افكر بكم طريقه بس هاذا الحل المناسب لي بس ابي معلومات أكثر قبل لا ابتدأ
والي عنده خلفيه يعلمني الله يجز أكم خير