سلام عليكم
يا اخوان انا جاني قبول مبدئي في القوات الخاصة وموعدي الاسبوع الجاي ابي شوركم
انا الان طالب في الجامعة توي في اول سنة ابغى شوركم وش رايكم في القوات الخاصة من عدة جوانب
اولاً : الراتب
ثانياُ : طبيعة العمل بد التخرج
ثالثاُ :مدة الدورة
رابعاُ: تتوقعون وين بتكون الدورة

وش تنصحوني به اترك الجامعة واروح لها ولا اكمل جامعة

اخوي بدال تاخذ جندي كمل لك سنه حرام تروح على الفاضي وخذ رقيب وشف الفرق كيف موفق

اذا ماعندك ارتباطات تجبرك على العسكرية انصحك تكمل دراسه.
بالنسبة لي انا خاطب و ادرس اتصالات لكن لو انقبل باي قطاع راح اسحب من الدراسه وادخله لاني مرتبط بزواج, والا والله لو ماني مرتبط بشيء لاكمل دراسة الدبلوم وادخل جامعه في نفس التخصص واخذ بكالوريوس واتوظف باطنخ راتب.
والله ييسر امري وامرك

وآلله إذى آنت هآوي آلدرآسه وعندك طوح وضعك آلمآدي تمآم وعمرك صغير كمل درآستك آفضل

آمآ إذى عكس ذآلك لآوآلله رح للقوآت آلخآصه وآستخير ربك قبل كل شي

بآلنسبه لروآتب / طبعآً على حسب يفرق من تخصص إلى تخصص لآكن آقل رآتب آتوقع فوق آلسبعة آلآف

طبيعة آلعمل بعد آلتخرج / نفس آلشي كل تخصص له مهآم ممكن تكون حمآية شخصيآت يكون عملك في

آلإمآره آو على آلقصور ويمكن تكون شرطه عسكريه آو آمن وحمآيه طبعآً آمن وحمآيه روآتبهآ طيبه لآكن مآآعلم

عن طبيعة عملهم وفي آمن طآئره عملهم ظبط آلآمن على متن آلطآئره

. وفي تخصصآت كثيره لآكن مآآعلم عنهآ شي مثل آبطآل آلمتفجرآت ومكآفحة آرهآب وغيرهآ

مدة آلدوره / آلي آعرفه 4 شهور فرد آسآسي 3شهور آعمآل قوآت آعتقد هآذي آسآسيه بآلدوره وفي دورآت تخصصيه مآآعلم عنهآ شي

مكآن آلدوره / آلي آعرفه دورتهم في آلريآض في صلبوخ

وآقولك مره ثآنيه آستخير ربك قبل كل شي ... آلله يوفقك آخوي

وعليكم السلام

اخوي الكريم \

انا مريت بمثل حالتك قبل ٦ سنوات كنت محتار مابين الجامعه والوظيفه

ولله الحمد والمنه اكملت دراسة الجامعة ودخلت الكليه الامنيه

لا انسى معروف من قدم لي النصيحه قبل الجامعه قال لي ( لو تدخل اي وظيفه مصيرك بتكمل الجامعه وبتقول ياليتني ماخذها قبل )

شهاده الجامعه راح تفتح قدامك فرص وظيفيه كثثيره وخصوصا اذا كنت ترغب بالمجال العسكري


واخيرا اسأل الله لنا ولك التوفيق بالدارين

وعليكم السلام

اذا حالتك المادية مستورة ، اكمل البكالوريس وتخرج بمعدل طيب وبعدها كل عام تفتح القطاعات العسكريه أبوابها ، فتحصل على رتبة عسكرية افضل بكثير من تقديمك بالثانويه العامه ، فيمكن بعد سنة او سنتين ، يحضر صديقك ايام الجامعة بعد مايتخرج ويقدم ، يصير رقيب عليك ، لحظتها بتحس ثمن السنه او السنتين بالجامعة الي تركتها،
صدقني اخي الكريم الشهادة كل ماارتفعت ارتفع قدر الشخص الوظيفي ، بشهادة الجامعه ، تحصل على مرتبة وظيفية لشخص له عشر او عشرين سنه وصل لها بسبب تدني الشهادة التي تقدم لها للوظيفة ، اكبر مثال نحن في قطاع التدريس فرق كبير بين مدرس يحمل شهادة البكالوريس وبين مدرس يحمل شهادة الدكتوراه .


وفقك الله ودعوة من ظهر الغيب نفعنا الله بعلمك ونفعنا بعلمنا للخير

آلله يوووووووفقك

موفق بإذن الله ... لك مني أجمل تحية .

بلا عسكرية بلا هم

كمل دراستك اول شي ..

اذا تقفلت معك من كل النواحي ادخل عسكري ..

غير كذا لا تفكر تدخل عسكريه ..

كمل دراستك ..