بكرة التحضير : ونصيحه قبل ما احضر للجدد والمستجدين اللي بيدخلون الدورة ان شاء الله
لليلة التحضير بيلعب برأسك ابليس ويقولك يرجل بطل وشتبي بالعسكرية بتلقاء احسن منها
بس صدقني مافي احد بيدخل الدورة الا مرت عليه وحس ب شعور غريب مع انه كان متحمس انه يتم قبوله ،
بس بقولك على شغله لا جاء يوم تحضيرك تذكر أنك رجل وما تم قبولك الا لأنك رجل ووحش ، والايام الاولى صدقني يوم يومين فـ االـ 45 الا انت متكيف وبالعكس بتعيش ايام احلى من اللي برى ، بس ادخل ونفسيتك عاليه واعرف انها ايام وبتعدي و اخرها بتستلم راتب وبتعيش حياتك ، اذا بتتزوج ، اذا بتطلع سياره ، عاد وظيفه ولا تجلس عاطل بشركات ولا على باب الله ،
واتمنى للجميع التوفيق ، وبذات اخوي أرض الاشواك ، وان شاء الله كل من ينتظر اتصال يفرح قريب ،

كل مشاركاتي بالمنتدا ، لاني فيوم كنت مثلكم وعشت اللي عشتوه ، وان شاء الله كلكم تنقبلون ونصير زملاء واخويا ، ودعواتكم يا زقرت فمان الله

السلام عليكم ورحمة لله وبركاته انا ياخوان عندي استفسار عن طواري مكه متى تبدا الدوره وهل فيه احد دقو عليه لاني ماسمعة غير انهم رفعوا اوراق المقدمين ولسى ماجاء رد اي احد عنده قريب في الطواري يشوف وش السالفه ويجيب معلومات انتظر ردودكم ارجو التفاعل ولكم دعوه في ظهر الغيب ان يرزق كل عاطل الوظيفه الي يبيها

يجي من يفيدك

أسأل الله بهالوقت الفضيل أن يجعل الاسبوع القادم اسبوع خير لجميع المتقدمين ،،، وأسأله عز وجل بأن تنفرج همومنا وتتيسر امورنا ،،،

أكثروا من الدعاء بهالوقت وبالصلاة على النبي صلى الله عليه وسلم

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ