25-12-2012, 02:01 AM
|
 |
عضو نشيط
|
|
تاريخ التسجيل: Nov 2011
المشاركات: 179
معدل تقييم المستوى: 286337
|
|
اقتباس:
المشاركة الأصلية كتبت بواسطة أرض الاشواك
معلومات عامه عن الطوارئ الخاصة
ان شاء الله يكون ردي كافي ووافي
بالنسبه للطوارئ فهي فعلاً تسمى صقور نايف ورواتبهم تعد الاعلى من بين القطاعات الامنية
بعد المباحث والمخدرات .
وهناك تصحيح لمعلومه ذكرها احد الاخوه انهم مفصولين عن الامن العام وهذا غير صحيح ماغير الدورة
فقط مفصوله لا اكثر وارتباطهم مباشر بالامن العام ولو كان ارتباطانا بالداخليه على طول راح نعين خير
اكثر واكثر .
مدة الدورة حالياً 4 اشهر فترة تدريب مستجد [ فرد اساسي ] بالاضافه الى شهر دورة مكافحة شغب وشهر
اما تكون عمليات خاصه او دورة غازات تختلف من منطقة الى منطقة وعلى حسب احتياج قوة المنطقة لذلك
التقديم بكل صراحه عندك واسطه تدخل ماعندك عاد بأمر الله ولان الارقام تكون سريه والتقديم بأي وقت ومتى
ماجا دورك جيت [ طبعاً على حسب قوة الواسطة ] والا مصير ملفك [الرمي] بدون زعل يااخوان هذا الواقع المر
افضل دورة لها تعقد بمنطقةالرياض والعن دورة لها تعقد بمنطقة مكه المكرمة بالاضافه الى الشرقية
شيء يميز الطوارئ انك من اول يوم في الدورة تعتبر عسكري ولا تعتبر طالب وذلك في شيء واحد فقط
وهو الراتب طبعاً الراتب كأول مربوط يكون على النحو التالي
3220 راتب اساسي + 400 والان صارت 600 بدل خطر + 400 والحين صارت 500 بدل نقل
بالاضه الى 805 مكافحة إرهاب + 805 بدل أمن راح يكون المجموع 6330
طبعاً الرواتب هذي فقط لمدة اربعة اشهر بعد كذا تقدر تضيف بدل شهادة الثانوية العامة 300 ريال
وتاخذ الاعاشة كاملة اذا كنت في القيادة 500 اما اذا كنت في القوة 275 ليصبح مجموع الراتب 7130
بالاضافه الى اذا كان عندك حاسب آلي لايقل عن 3 اشهر تاخذ صنف 750 وكل مازادت عدد اشهر تخصص
الحاسب زادت العلاوة .
دورتها عادية جداً للي يحب الفله وياخذها بروح رياضية اما الي نفسيه ما انصحه فيها لان تعتمد على
التعذيب النفسي اكثر من الجسدي وخاصه في اول اسبوع كنك داخل صاعقه مصغرة .
بعد الدوة على المكان الي انت فيه طبعاً راح اتكلم عن ان تعيينك في القوة لان القيادة من كل دورة
ماتاخذ الا 3 بالكثير يعني اقوى الواسطات تروح القيادة .
القوة تختلف شعبها واقسامها واشهرها : الكتيبة هذي نوم بمعنى تحمل الكلمة من معنى بس خذ باالك اردى ناس
تحصلهم فيها دوامهم يوم في العمل ويومين منبطح في البيت عملهم يتمركز في حفظ الامن بشكل عام في اوقات
المباريات حضورهم للملعب وزي كذا فض تجمهر .
المهمات وهي اخطر قسم في قوة الطوارئ الخاصة عملهم الاساسي تمشيط الاماكن الخطرة والمداهمه
وتنقسم الى عدة شعب الغازات ، القناصة ، الاقتحام . عملهم دوام يوم وراحة ثلاثة ايام بس حط ببالك
ان اي وقت تحضر تكون على التلفون طبعا الحالة نادرة انهم يتصلون وتجي
باقي الاقسام نفسها في اي مكان عسكري بس ذكرت لك المهم فيه منها الدوام اليومي واجازة خميس وجمعه
وفيه منها دوام الفجر وتطلع 11 الصباح وخميس وجمعه ماتجي الا اذا كنت مستلم وفيه منها دوام
8 ساعات في اي وقت يعني خفارة وتريح يوم كامل وكل اربعه ايام او ثلاثة ايام تاخذ 3 ايام اجازة
اتمنى اني افدتك ونصيحه اذا لك احد فيها يقدر يخدمك توكل على الله وصدقني ماراح تندم
|
اارض الاشواك ..
الله يعطيك العافيه ماقصرت ..
مجهود تشكر عليه .. لاهنت يابعدي ..
عسى الله يوفقكم ان شاء الله ..
وتدخلون الدورات وتحققون الي ببالكم ..
ومواضيع الطوارئ غاليه علي والمنتدى عموم ..
انا من رواد موضوع الادميرالي الله يذكره بالخير ..
العام الماضي ..
الحمدلله الادميرالي دخل الدوره وقريب يتخرج ..
وانا وجرح يشكي وحاط مستقبله بكيس ..
اللهم لك الحمد والشكر دخلنا بدوره وحده وتخرجنا الحين ..
العقبالكم ان شاء الله ..
حبيت اسلم عليكم واخذ اخباركم واشوف اذا باقي احد ..
من الشباب ولا لا ..
وحاضر وممنون باي استفسار يخص الطوارئ او غيرها ..
|
العرض العادي
