ياعيال كيف ادخل بدورات مثل الصاعقه او مضلات وغيرها لو فيه بالطواري .. تكفووون الجواااب لاهنتوو

معلومات عامه عن الطوارئ الخاصة

ان شاء الله يكون ردي كافي ووافي
بالنسبه للطوارئ فهي فعلاً تسمى صقور نايف ورواتبهم تعد الاعلى من بين القطاعات الامنية

بعد المباحث والمخدرات .

وهناك تصحيح لمعلومه ذكرها احد الاخوه انهم مفصولين عن الامن العام وهذا غير صحيح ماغير الدورة
فقط مفصوله لا اكثر وارتباطهم مباشر بالامن العام ولو كان ارتباطانا بالداخليه على طول راح نعين خير

اكثر واكثر .

مدة الدورة حالياً 4 اشهر فترة تدريب مستجد [ فرد اساسي ] بالاضافه الى شهر دورة مكافحة شغب وشهر

اما تكون عمليات خاصه او دورة غازات تختلف من منطقة الى منطقة وعلى حسب احتياج قوة المنطقة لذلك

التقديم بكل صراحه عندك واسطه تدخل ماعندك عاد بأمر الله ولان الارقام تكون سريه والتقديم بأي وقت ومتى

ماجا دورك جيت [ طبعاً على حسب قوة الواسطة ] والا مصير ملفك [الرمي] بدون زعل يااخوان هذا الواقع المر

افضل دورة لها تعقد بمنطقةالرياض والعن دورة لها تعقد بمنطقة مكه المكرمة بالاضافه الى الشرقية

شيء يميز الطوارئ انك من اول يوم في الدورة تعتبر عسكري ولا تعتبر طالب وذلك في شيء واحد فقط

وهو الراتب طبعاً الراتب كأول مربوط يكون على النحو التالي

3220 راتب اساسي + 400 والان صارت 600 بدل خطر + 400 والحين صارت 500 بدل نقل

بالاضه الى 805 مكافحة إرهاب + 805 بدل أمن راح يكون المجموع 6330

طبعاً الرواتب هذي فقط لمدة اربعة اشهر بعد كذا تقدر تضيف بدل شهادة الثانوية العامة 300 ريال

وتاخذ الاعاشة كاملة اذا كنت في القيادة 500 اما اذا كنت في القوة 275 ليصبح مجموع الراتب 7130

بالاضافه الى اذا كان عندك حاسب آلي لايقل عن 3 اشهر تاخذ صنف 750 وكل مازادت عدد اشهر تخصص

الحاسب زادت العلاوة .

دورتها عادية جداً للي يحب الفله وياخذها بروح رياضية اما الي نفسيه ما انصحه فيها لان تعتمد على

التعذيب النفسي اكثر من الجسدي وخاصه في اول اسبوع كنك داخل صاعقه مصغرة .

بعد الدوة على المكان الي انت فيه طبعاً راح اتكلم عن ان تعيينك في القوة لان القيادة من كل دورة

ماتاخذ الا 3 بالكثير يعني اقوى الواسطات تروح القيادة .

القوة تختلف شعبها واقسامها واشهرها : الكتيبة هذي نوم بمعنى تحمل الكلمة من معنى بس خذ باالك اردى ناس

تحصلهم فيها دوامهم يوم في العمل ويومين منبطح في البيت عملهم يتمركز في حفظ الامن بشكل عام في اوقات

المباريات حضورهم للملعب وزي كذا فض تجمهر .

المهمات وهي اخطر قسم في قوة الطوارئ الخاصة عملهم الاساسي تمشيط الاماكن الخطرة والمداهمه

وتنقسم الى عدة شعب الغازات ، القناصة ، الاقتحام . عملهم دوام يوم وراحة ثلاثة ايام بس حط ببالك

ان اي وقت تحضر تكون على التلفون طبعا الحالة نادرة انهم يتصلون وتجي

باقي الاقسام نفسها في اي مكان عسكري بس ذكرت لك المهم فيه منها الدوام اليومي واجازة خميس وجمعه

وفيه منها دوام الفجر وتطلع 11 الصباح وخميس وجمعه ماتجي الا اذا كنت مستلم وفيه منها دوام

8 ساعات في اي وقت يعني خفارة وتريح يوم كامل وكل اربعه ايام او ثلاثة ايام تاخذ 3 ايام اجازة

اتمنى اني افدتك ونصيحه اذا لك احد فيها يقدر يخدمك توكل على الله وصدقني ماراح تندم












للأمانة منقول: https://www.btalah.com/showthread.*****..#ixzz2erT6ObLy

اللي يسأل دورة الطوارئ كم شهر - وماهي التخصصات - وكم رواتب الجندي والجندي اول والعريف

1 - دورة الطوارئ قديم 6 اشهر ، الحين 8 اشهر مع الخمسه واربعين يوم طبعاً
4 شهور فرد اساس - 4 شهور دوراة تخصصيه " شغب + عمليات خاصه
ماهي التخصصات : مافيه تخصصات غير " كتايب + مهام وواجبات "
وفي مرجعك ممكن يصير تشكيل ويوزعون مجموعات كتايب و مكاتب وشرطه عسكرية وكذا .
راتب الجندي : 6900 وكسور عليها
الجندي الاول : 7100 وكسور وتوصل ممكن الى ميتين
العريف : 7300 الى 7500 وكسور
( كل الرواتب هاذي اثناء الدورة طبعاً )
اذا تخرجت هناك بدلات مثل بدل الشهاده وبدل المعيشه وبدل تعيين اذا مو في منطقتك تداوم ، وبدل خطر
وكثير بدلات
المهم ان رواتب الطوارئ حلوه جداً

للأمانة منقول: https://www.btalah.com/showthread.*****..#ixzz2erUFvXiQ

المهمات / على اسمها مهام ، يعني اي مهمه تكون متواجد ، فيه شغب مظاهرات حج رمضان اول ناس انتم تروحون ، وبعدكم الكتايب ، مافيه فرق بالرواتب . بس اذا اخذت دورات راح يزيد راتبك .
مثل دورة سلاح ، متفجرات ، مكافحه ارهاب وهذي صعبه شوي ، صاعقه ايضاً ، هي اللي تفرق بالراتب فقط .


للأمانة منقول: https://www.btalah.com/showthread.*****..#ixzz2erUtkeT5

بالنسبة لراتب الجندي ب قوات الطوارى الخاصة .. الرواتب تختلف في الطوارى مافيه راتب معين للجنود كل شخص وحسب تخصصه بعضهم مهماات وواجبات وهاذا ياخذ راتب زيادة وعلاوه على خيره وبعضهم تخصصه بيكون مكافحة ارهاب وهاذا ايضا يختلف وفيه زيادات وعلاوات له وبعضهم بالكتايب الكتايب اعرف راتبها الجندي عايدي ياخذ 7600 ريال تقريبا اذا كان عنده شهاده غير الثانوية مثلن حاسب او غيرها بياخذ راتب يوصل 8100 ريال هاذا راتب اكثر جندي في قوات الطوارى بشهادات طبعا والباقين من تحت ال8100 الى 7600 ريال والطوارى من افضل القطاعات من هاذه الناحيه ...

للأمانة منقول: https://www.btalah.com/showthread.*****..#ixzz2erVxtSNs

الرجوء تثبيت الموضوع

يعطيك الف عافيه عالمجهود الرائع ونتمى من المراقبين تثبيت الموضوع

بيض اللة وجهك ما قصرت