تجمع قوات الطوارئ الخاصة 1434 ( جميع المناطق )

السفيرالعمراني · #**5931** (**permalink**) 07-12-2013, 02:31 AM

اقتباس:

المشاركة الأصلية كتبت بواسطة ملحوس الرويلي

الف مبروك للجميع يارب وعاد شدو حيلكم وساندو بعض
وانشاء الله تمر عليكم سريع سريع وابعدو عنكم شغل النفسيات
وعليكم بالصلاه وذكر الله ولاتنسو تاخذو مصاحف معكم

ودعواتكم لي بالقبول بقوات الامن الخاصه

الله يبا

رك فيك و يوفقك في قوات الامن الخاصة

السفيرالعمراني · #**5932** (**permalink**) 07-12-2013, 02:32 AM

اقتباس:

المشاركة الأصلية كتبت بواسطة مطنوخ مكه

هههههههههه الف مبروك للي جآهم الاتصال ,

والباقين يصبرو لانهم بيدخلون بعدهم ب اسبوع او اسبوعين ويكونو المسستفيدين ,

بنسسبه لطواري الرياض ,

اهم شي كثرو من الفلالين عشان الجو بارد

وعاد من عند الباب بيسستلمونكم بالنفسيه
لاحد ينفس علينا ,

ويحتاج شي انا بدوره 10 الفصيل الثاني , ض1

اسالو عن ناموسه ويدلونك

شسمه سالفه دخان ومش عارف ايه انتبهو احد ينقفط لانه بيكره اليوم الي دخل فيه

وموفقينننننننن

لاتوصي حرصين وماعليك بتبوك بيوفرون كل شي

السفيرالعمراني · #**5933** (**permalink**) 07-12-2013, 02:35 AM

اقتباس:

المشاركة الأصلية كتبت بواسطة لالاللبطاله

السلام عليكم
ههههههههه اعجبني تفصيل الوقت جابر والوعد ان شاءالله
يوم الاحد الميدان
وموفقين ياشباب
ودمتم بخير

او كيه اوكيه والميدان يا حميدان ابي اشوفك انت ولبسك الازرق اللي شبه السنافر بس ينقصك طاقيه بيضا
ههههههههههههههههههههه

السفيرالعمراني · #**5934** (**permalink**) 07-12-2013, 02:37 AM

اقتباس:

المشاركة الأصلية كتبت بواسطة عاطل باطل طفش

السلام عليكم و رحمة الله و بركاته

الف الف الف مبروك القبول النهائي
و عقبال ما نشوفكم وحوش بالميدان
و اللي ما انقبل اقوله لا تيأس
و ادع ربك و لا توقف قدم في كل مكان

انا اخوكم خريج 1434 هـ
عندي بعض النصائح و بعض النقاط و بعض الامور
واجهتها و ودي ااقولكم عليها عشان تمر الدوره على خير

*اولا
احرص على صلاتك
بتقول كل العالم تصلي !! انا اقولك فيه ناس تصلي لربها و فيها ناس تصلي بدون وضوء و عشان المدربين
انت ما عليك منهم صل فرضك و ادع ربك و بتلقى وقت للسواليف و الضحك وكل شي

*ثانيا
حاول ختم المصحف
تقدر ترا في خلال ال45 انا اعرف ناس ختموا المصحف و مهو شرط انه يكون مطوع او كذا
بس منها انك تشغل وقتك بالطاعه و منها انك تبعد عن القيل و القال

*ثالثا
احرص على اغراضك و ممتلكاتك
يعني فلوس او اغراض شخصية و من هالامور مثل ملابس او شامبو او مزيل عرق او امواس حلاقه
تقريبا دولابك بشكل عام
يوم تشتري بنطلون رياضة خيط مخبأ داخلي عن اقرب خياط
تحط فيه فلوسك و اثباتك

*رابعا
مكان نومك حاول ترتبه تحت سريرك لا يصير فيه اوساخ و كذا
لان اول ما تدخل بيعلومكم طريقة ربط الشرشف بالطراحه اللي تنام عليها و احرص انها تكون نظيفه دايم
لان فيها تسجيل اسماء و جزا و طوابير اضافيه و توصل للحجز اخر الاسبوع

*خامسا
اخوياك و جيرانك بالغرفه انت بتنام طوووول مدة الدورة في غرفه فيها 30 او 28 سرير
يعني حاول تكون خلوق و محترم معهم بتلقى نفسيات و بتلقى اللي مخربها و بتلقى اللي حاله بحال نفسه ولا له بأحد حتى ان اخطى عليك احد لا تنزل مستواك و ترد عليه
و دور خوي مضبوط تتعاون معاه و يكون لكم دولاب واحد تحطون اغراضكم فيه
و تكون حريص على اغراضة و اغراضك وهو نفس الشي احرص ان يكون دولابك دايم مقفل بالقفل

*سادسا
النظافة الشخصية و المستلزمات الخاصة بالدورة

لا تشتري غير شرابات اصليه و ابوات رياضة اصليه و مهو لازم ابيض سادة بس يكون اللون الغالب ابيض (ديداس او لوتوس او نايك) هذي افضل الانواع صحيح غالية لكن هي لراحتك في النهاية
و اشتري من الصيدليه مرهم عضلات و مضاد حيوي و بندول و دوا كحه و دوا سخونه و لصق جروح
و اشتري دعسة طبية من الصيدليه تجي على مقاس رجولك < تنفعك بالثبوت و الهروله لأنك طووول اليوم تكون لابس البوت الرياضي
واشتري من بنده او اسواق العثيم حلاوة فيكس بالكرز اسمها هولز تغنيك عن العطش و برادة الموية
لأن زحححمه موت و ناس تتكسر اسنانها من التدافع و كذا
هذا ان لحقت تشرب!!
اشتري ملابسك الداخليه تكون نوعيتها جيده و قطن و حاول تاخذ اكبر من مقاسك بشوي عشان ترتاح
خل استحمامك بشكل يومي وتصيد الاوقات اللي تكون فيها دورات المياه فاضية (الظهر افضل وقت)
لا تتكاسل انك تتروش او تقول مرتين بالاسبوع او كذا لأن دايم بتعرق و دايم بتهرول و دايم بتتمرن و ممكن يجيك جزا او شي و تصير امورك محيوسه
احرص على النظافه و ما عليك بغيرك الا لو انه يجهل علمه لان فيه ناس ما تدري ليه يستخدم مزيل عرق او كذا
و بخصوص ريحة البوت الرياضي او البسطار عندي الحل
فواحة بالكرز شكل العلبه زي علبة التونه تلقاها في محل زينة السيارات
هي ثلاث قطع كبيره تكفيك شهر انت و اخوياك
تاخذ منها شوي شي لا يذكر و تنثره داخل البوت و البس و ترا بتقعد ريحة الكرز في البوت او البسطار اسبوع كامل
طبعا اول ما تفك البوت او البسطار تغسل رجولك بصابون و افضل شي لكل يوم او يومين شراب جديد

*سابعا
المدربين
خل تعاملك معاه رسمي جدا و على قد غرضك يعني لا تحتك فيهم كثير
لا تعطيه وجه يعني
لأن يوم خويك و يوم يجازيك و يوم يتملعن عليك
و الجزا لا تنفذ بشكل صحيح عشان لا تتعب
لا تعصي على مدرب مهما كان الوضع
لا تبين للمدرب انك تعبت لأنه بيكرفك لين يطيح راسك
ينقهر المدرب اكثر لو كان فيها جزا و شافك نشيط

*ثامنا
خلك منضبط ولا عليك الا من نفسك
و المدرب لا يعرف اسمك ابد يعني لا تصير مبزوط
خلك ذيب<<<<<<
ولا تسوي راعي فزعات و تشيلها عن الفصيل او اي مجموعه لو فيها جزا او شي ترا هم اللي بيرتاحوا و يتركونك ما يباكلها غيرك

ما اقولك لا تتعاون معهم بالعكس خلك معهم و كذا بس الشي اللي فيه خطر عليك لا تسويه ابد
و اماكن تجمعات دخان و غيره ابعد عنها حتى لو انك الله مبتليك بالدخان دخن لحالك عشان ما يتكون مع مجموعه و تنصاد و انت تدخن او ما تدخن الشر يعم و الخير يخص
و للمعلومية ترا فيه جزا بال45 بس مهو بالبداية
و فيها تأخير يوم او يومين بعد ال45 يعني اخوياك يطلعوا 10 ايام وانت تتأخر و كلها جزا و ملعنه و لعب نفسيات

*تاسعا
التدريب العسكري
لا تشد على نفسك سواء في مشاه او استعداد و استراحه او هروله
يقولك المدرب ابي غبار الميدان يطلع ما علك منه لان انت اللي بتشوف ضررها اخر الليل و اليوم اللي بعده

ولا تصير دايم بالواجهه ولا بالاخير خلك بالوسط في كل شي

طبعا هذي اجتهادات مني وان اخطيك ارجوا المعذرة
و ان بغيتوا شي تحت امركم و انشالله بأكون متواجد بالمنتدى بشكل شبه يومي

منقــــــــــــــــــــــــــــــــــــــــول للافاده

جزاااااك الله الف خير والله يوفقك

السفيرالعمراني · #**5935** (**permalink**) 07-12-2013, 02:38 AM

اقتباس:

المشاركة الأصلية كتبت بواسطة مردها عسكريه

بارك الله فيك ^

ياليت احد يعطينا من هالمعلومات وعن الدوره وكيف نعديها بسلام

ابشر تعال شوفني بالدورة واتعلم
هههههههههههه

السفيرالعمراني · #**5936** (**permalink**) 07-12-2013, 02:41 AM

اقتباس:

المشاركة الأصلية كتبت بواسطة الخط الاصفر

الحمداللة الحمداللة الحمداللة اليوم جاني رسالة قبول الموعد الاثنيين استلام الطلبات طوارئ مكة (المغمس)

الف الف مبروك وعقبال دخول الدورة والتخرج منها

السفيرالعمراني · #**5937** (**permalink**) 07-12-2013, 02:42 AM

اقتباس:

المشاركة الأصلية كتبت بواسطة اروع جليس

عزيزي المتقدم/يرجى مراجعة مركز التدريب التخصصي بالشراع لإستلام طلبات الدورة والمباشرة يوم الإثنين الموافق 1435/2/6هــ مع تسديد المخالفات المرورية الجديدة وإحضار أصل الهوية الوطنية .......الحمد لله جتني رساله بس لاهنتو شباب اللي يعرف طلبات الدور ينزلها .....وشكراً

الف الف مبروك وعقبال دخول الدورة والتخرج منها

السفيرالعمراني · #**5938** (**permalink**) 07-12-2013, 02:45 AM

اقتباس:

المشاركة الأصلية كتبت بواسطة وفقنآ يآرب

السلام عليكم

الله يعافيكم ابي استفسر عن شغلة اللي ممكن إنو فيه ناس تدخل بعد اسبوعين
بعد اللي توهم داخلين
والشي الثاني هل فيه قبول احتياط يعني ناس على قوائم الإنتظار

انا اتكلم عن طوارئ الحفر ارجو الإفادة

وجزاكم الله خير

فيه ناس يدخلون بعد اسبوع او اسبوعين من بداية الدورة بس حسب الواسطة اللي عندك واذا انت بدون واسطة انساها اكيد كل تقديم لازم فيه احتياط

السفيرالعمراني · #**5939** (**permalink**) 07-12-2013, 04:29 AM

شباب الف الف مبروك للي انقبلوا في قوات الطوارى الخاصة سواا اتصلوا عليهم ام لم يتصلوا عليهم واهديكم
هذه المقاطع علشان تحضروا للدورة
وشباب للمعلوميه عندي لكم بعض المقاطع ترفع لكم الحماس وتخليكم تستعدون للدوره

السفيرالعمراني · #**5940** (**permalink**) 07-12-2013, 04:33 AM

احمد انا حاس ان وحدة من الثنتين هذي بتصير
1- اني ماراح اروح الدوره
2- اخاف اني افرك من الــ 45 يوم الاولى
واذا ماصارت ولا وحده منها ذكرني ان اول فطور علي بعد الـــ 45 يوم الاولى
وانا شكلي قربت اوسوس
ههههههههههههه

تجمع قوات الطوارئ الخاصة 1434 ( جميع المناطق )

تجمع قوات الطوارئ الخاصة 1434 ( جميع المناطق )

إستفسارات ونتائج الوظائف العسكرية

معلومات عن قوة الطوارئ الخاصه: تستخدم قوات الطواري الخاصة في عمليات حفظ النظام كتفريق المظاهرات , وإنقاذ الرهائن والمخطوفين ومقاومة الاعتصام ومكافحة...

تسجيل الدخول

تجمع قوات الطوارئ الخاصة 1434 ( جميع المناطق )

إستفسارات ونتائج الوظائف العسكرية

معلومات عن قوة الطوارئ الخاصه: تستخدم قوات الطواري الخاصة في عمليات حفظ النظام كتفريق المظاهرات , وإنقاذ الرهائن والمخطوفين ومقاومة الاعتصام ومكافحة...

تجمع قوات الطوارئ الخاصة 1434 ( جميع المناطق )