وزارة العمل تعلن عن توفر 452 وظيفة شاغرة في مختلف مناطق المملكة

فيصل العبدالرحمن · #**681** (**permalink**) 29-11-2012, 03:32 PM

اقتباس:

المشاركة الأصلية كتبت بواسطة راحتي في طاعتي

معقولة اختلاط
ان كان اختلاط فحسبي الله على من يريد ان يجبر ويجر بنات الناس للاختلاط
الله حسيبهم يوم القيامة ضيقوا علينا اغلب الوظائف الىن اختلاط يعني اما نشتغل مع الرجال او نجلس عاطلات

ياليت احد يفيدني

اذا توظفتي إن شاء الله في الوزارة ما راح تلاقين ذاك الاختلاط اللي تتخيلينه فيه واحد موظف في الوزارة يقول مكاتب مستقله للنساء والاختلاط بسيط جدا وبعض الاماكن ما فيها اختلاط بالمره

بالنسبه لسؤالك عن طريقة التحميل

روحي لتحميل الوثائق + إضافة

هذا شكل الصفحة

في المستطيل المكتوب فيه Document اكتبي فيه إسم الورقة اللي بترفعينها مثلا (( وثيقة ))

بعدين إضغطي على تحميل الملف

بعد كذا

إضغط على Browse لتحديد مكان الملف

الله يوفقك

فيصل العبدالرحمن · #**682** (**permalink**) 29-11-2012, 03:36 PM

اقتباس:

المشاركة الأصلية كتبت بواسطة انتظرالفرج

السلام عليكم ورحمة الله........كم باقي وينتهي التقديم الله يجزاكم خيييييير

وعليكم السلام باقي 15 يوم تقريبا

فيصل العبدالرحمن · #**683** (**permalink**) 29-11-2012, 03:54 PM

اقتباس:

المشاركة الأصلية كتبت بواسطة مردنا لله

يا اخوان انا سجلت وسويت السيره الذاتيه وحملت الوثايق وكل شي ... بس الوظائف بصراحه اقل من مستواي التعليمي الجامعي ..

فما قدمت على شي .. مافي شي يستاهل ..

هل انتظر اتصال منهم او مافائدة السيره الذاتيه على موقعهم ؟؟ يعني هل هم يشوفون السيره الذاتيه ويتصلون على والا لا ؟؟

قدم بالثانوي على وظيفة شروطها متوفرة فيك (( وبكره بس ربي يوفقك وتتوظف عندهم قدم لهم الجامعة وإن شاء الله يحسنون من مستواك ويرقونك ))

حتى لو ما رقوك يجي يوم وتترقى بالنظام على مؤهلك الجامعي مرتبة 6

نصيحتي لك قدم بالثانوي وحذاري إنك تقدم بالجامعة لوظيفة من شروطها ثانوية راح يستبعدونك هذا اللي فهمته من بعض الاعضاء
هذا رقمهم دق عليهم وتأكد 01200666 تحويلة 1103

تقول أنتظر منهم إتصال (( محد راح يدق عليك اذا ما قدمت على وظيفة وجالك لقد تم ارسال طلبك بنجاح بشرط تكون مستوفي الشروط من ناحية المؤهل والشروط اذا فيه شروط للوظيفة اللي بتقدم عليها ))

وأكيد يناظرون لكل السير (( بشرط تقدم على وظيفة من وظائف الوزاره )) هذا بخصوص وظائف الوزاره ...

اما لو ما تبي وظائف الوزاره ففيه أصحاب عمل ثانين (( قد يكونوا قطاع خاص او حكومي تعاقد او موظف الله أعلم )) يبحثون في السير في موقع الوزاره ويمكن يدقون عليك ...
لكن من البديهي الواحد ما قدم في موقع الوزاره إلا لجل الوظائف اللي طرحتها الوزاره اللي عددها 452 وظيفة حكومية ...

واذا ما جالك نصيب في وظائف الوزاره المعلن عنها فيمكن يجيلك نصيب في غيرها دام سيرتك موجودة

(( وكل شوي ادخل لسيرتك وحدثها تلاقي ايقونه بجنب سيرتك مكتوب عليها تحديث اضغط عليها ))

بس مثل ما قلت لك الحين قدم بالثانوي دام مافيه وظيفة تناسب مؤهلك الحالي ...

وإرفق شهادة الثانوي في تحميل الملفات وخلي الجامعة على جنب اوكيه

بعد ما ينتهي التقديم والناس تتوظف وربي ماكتب لك نصيب بالثانوي عدل على سيرتك وارفق شهادة الجامعة واحذف الثانوي مثل ما قلت لك فيه ناس غير الوزارة او يمكن الوزاره تنزل وظائف ثانية ويلاقون سيرتك ومؤهلك جامعي ويدقون عليك ...

واذا كنت غلطان وواحد شاف ردي وعنده معلومه يقلنا

ملاحظة

اذا موقع الوزاره يقبل التعديل بعد ما يتم الانتهاء من الوظائف المعلن عنها وإنت كنت مقدم بالثانوي

وبعد ما يتم توظيف المتقدمين على هاذي الوظائف
غيَر على سيرتك وإحذف الثانوي وشهادة الثانوي من المرفقات وحط الجامعة
الله يوفقك

فيصل العبدالرحمن · #**684** (**permalink**) 29-11-2012, 04:10 PM

اقتباس:

المشاركة الأصلية كتبت بواسطة عاطل بالشمال

كيف اعرف الوظيفة التي قدمة عليها ومن فين

ما جالك رساله على الايميل من وازرة العمل بعد ما قدمت عليهم ؟ اذا جالك رساله تلاقي مسمى وظيفتك واسم المدينة في الرسالة

او يمكن انا ما فهمت قصدك !

بعض الناس اللي قدموا جتهم رساله إنت شيك على ايميلك وشوف

عاطل بالشمال · #**685** (**permalink**) 29-11-2012, 04:12 PM

اقتباس:

المشاركة الأصلية كتبت بواسطة عاطل بالشمال

كيف اعرف الوظيفة التي قدمة عليها ومن فين

مامن رد ياخوان وياخوات ارجوا المساعده

عاطل بالشمال · #**686** (**permalink**) 29-11-2012, 04:13 PM

مشكور نواز ماجاني شيء مادري ليه

عاطل بالشمال · #**687** (**permalink**) 29-11-2012, 04:14 PM

طيب اروح لم الوظيفة اللي ابي اقدم عليها وارعص التقديم الان
هي كذا الطريقة ام لا

فيصل العبدالرحمن · #**688** (**permalink**) 29-11-2012, 04:21 PM

اقتباس:

المشاركة الأصلية كتبت بواسطة ياعين هلي الدمع

السلان عليكم

لو سمحتو لقيت سيرتي مغير فيها ومحيوسه وممسوحه شهادتي ؟؟

ماحد يعرف اي شي من الارقام السريه

حسبي الله ونعم الوكييييييييييييييييل فيهم

وابي اسال انا تم بحثها 1 يعني فيه امل للوظيفه ؟؟ واذا حدثت بيناتي يصير شي اولا ؟؟

والمعرفون كتبت ابوي ومعلوماته عادي ؟؟؟

مغير فيها كيف ! (( انت اعطيت كلمة المرور لأحد ))

اذا لا

الطريقة سهلة

لما تجي لإدخال اسم المستخدم وكلمة المرور

يجيلك مكتوب

هل نسيت بيانات الدخول (( او جملة مثل كذا ))

اضغط عليه ينقلك لصفحة يقلك

أدخل عنوان بريدك الإلكتروني (الذي استعملته عند الانتساب) في الخانة التالية، وسوف يصلك اسم المستخدم، وكلمة السرّ عبر هذا العنوان.

حط الايميل ويرسلون لك المعلومات على ايميلك

وسيرتك فيه ناس اطلعوا عليها دام مكتوب تم بحثها 1 اذا ما خاب ظني

والتحديث الافضل إنك تحدث كل شوي لجل تكون سيرتك في المقدمه (( على حسب كلام الناس ))

والمعرفون عادي ابوك او اخوك او صديق عادي

فيصل العبدالرحمن · #**689** (**permalink**) 29-11-2012, 04:33 PM

اقتباس:

المشاركة الأصلية كتبت بواسطة عاطل بالشمال

طيب اروح لم الوظيفة اللي ابي اقدم عليها وارعص التقديم الان
هي كذا الطريقة ام لا

عندي طريقة دق على الوزاره الرقم تلاقيه هنا

راسل واحد إسمه وولدعبدالعزيز موظف في الوزاره وقله
راسل واحد اسمه (( ابك )) في تجمع المتقدمين على وظائف الوزاره في قسم استفسارات الوظائف المدنيه

اذا ما طلعت بنتيجة

(( احذف سيرتك وقدم من جديد )) هذا رايي انا خذفت سيرتي وقدمت من جديد لأني كنت مقدم على 5 او 4 وظائف