30-11-2012, 02:32 AM
|
عضو موثوق به
|
|
تاريخ التسجيل: Dec 2011
المشاركات: 5,877
معدل تقييم المستوى: 4901989
|
|
اقتباس:
المشاركة الأصلية كتبت بواسطة 2008
أخ نواز شريف
|
اقتباس:
المشاركة الأصلية كتبت بواسطة 2008
أهم اساسيات القبول عندهم من خلال خبرتك...
التخصصات الاكثر قبول..؟
طريقتهم بالمقابلة وو...؟
ولك جزيل الشكر
|
يارجل ورى تقول خبرتك فيه بنات وشباب هنا عندهم خبره مهب عندي لأنهم مقدمين كذا مره على الوزاره
(( لا تعطيني أكبر من حجمي ))
والله ما عندي اي خبره وانا اول مره اقدم على الوزاره
لكن لتذكر الاخ ابك (( موظف في الوزارة )) رد عليك في التجمع ونزل رابطين عن كيفية الاسئلة للحين ما ناظرته مضبوط
حتى تجيني رساله بدخول الاختبار
في التجمع صفحة 32
https://www.btalah.com/showthread.php?t=471851&page=32
مع هذا بنسخ اللي في الرابطين هنا لجل الغير ما يتعب نفسه ويدخل على الرابط
سلام عليكم وصباح الخير
المعذرة إذا فيه تأخير لكن الويك أند
عمومًا, ماأدري وش مكتوب بعد آخر رد لي الظهر لكن خذوا عندكم عالسريع:
الأسئلة 100 والمدة 50 دقيقة, يعني 30 ثانية لكل سؤال.
طريقة الأسئلة:
80 إختياري مقسمة على الآتي وبالترتيب/
20 أسئلة شخصية
( عن نفسك, ليه قدمت في الوظيفة, طموحك من الوظيفة, قدرة تحملك, إستيعابك وإتخاذ القرار)
10 لغة إنقليزي
( كلها في القرامر وبصراحة تافهة )
10 في الحساب أو الرياضيات
( جمع وقسمة وفيه كم فقرة عن النسب المئوية وحسابها )
10 لغوي
( معاني كلمات, مرادفات, وتشبيهات )
10 حاسب
( علامات شريط الأدوات في الوورد راجعوها زين )
20 عن التخصص
( أكتبوا نظام العمل والعمال السعودي فيه معلومات مهمة عن التفتيش وطبيعة عقود العمال والأجور وأصحاب العمل.. خذوا نظرة عامة وأفهموها )
20 صح وخطأ
( أغلب الفقرات تدور حول وش تسوي إذا كان شفت مشكلة في العمل, خصوصيات المفتش, وكللل الصح والخطأ عن التفتيش ومهامه وصفاته وشروطه وخرابيطه بالعام )
***
نقاط عامة في الإختبار:
- تعالوا بدري لأن المبنى كلب جدًا, والواحد يفرفر فيه لين تنفك رجوله والقاعة محشورة في الركن البعيد الهادي وهي قاعة الإحتفالات.
- الإختبار أخذ 50 دقيقة بالضبط.. لكن لكاعة التنظيم بدأ الدخول للقاعات 4 وشوي, بدأنا إختبار 5 وشوي, إنتهينا 6 تقريبا
- بلاش فلسفة وتجيبون ملفاتكم كاملة وصور ومدري وش, مايطلبون إلا أصل الهوية وأصل الشهادة أو الوثيقة الجامعية والي ماعنده وثيقة جامعية أو ع الأقل كشف درجات وإستمارة متوقع تخرجه.. ماأتوقع يدخل.
- مافي موية ولا شيء الي يعطشون بسرعة جيبوا معاكم.
- مايحتاج أقلام لأن الإختبار إختيارات ويعطونكم ورقة ومرسام
- لايفوتكم سؤال رقم 94 صح وخطأ.. يمين بالله فقرة ياأنا أهبل يوم قريتها يا هم مايفهمون, أقروها وأحكموا لأنها من طقة تعرف أحد يعرف أحد يعرفني ههههههه؟
وللمعلومية يانسوان:
وظائفكم 13 وظيفة فقط!
5 في الرياض, 3 في عسير, 3 في جدة, 2 في المدينة.. وبتشوفون بعيونكم اليوم
***
بالنسبة للي وصلتهم أكثر من رسالة على جدة أو الرياض, لازم يختار المدينة الي يفاضل عليها ويكتبها في ورقة الإختبار يعني زي ماقلت قبل, المسابقة الوظيفية وحدة وإختيارك لوظيفة وحدة فقط في مدينة وحدة.. وبلاش حسادة.
مابقي شيء, أعتقد كفيت ووفيت وزدت بعد
بالتوفيق للجميع.. ويارب واحد مننا ينقبل فيها
.................................................. ...
الرابط الثاني
السلام عليكم ورحمة الله وبركاته
اللي يسأل عن الاسئله وهل هي صعبه او سهله اقول له والله سهله بس تبيك سريع لانها 100 سؤال وكل سؤال له 26 ثانيه باضبط !!!!!
طريقته مثل القياس تظليل ... والاسئله على جهاز بروجكتر واذا عدى السؤال خلاااص راحت عليك شوف اللي بعده .
والاسئله مقسمه كتالي
اول عشره اسئله بيانات شخصيه ..مثل ليش اخترت العمل مع وزارة العمل ؟ مدري ليشى قالوا شخصيه؟! ومثل و مثل هذا السؤال بقية العشره الاسئله
و بقية الاسئله اختيارات وصح وخطئ واغلبها عن انظمة العمل والعمال وماتحتاج مذاكره للاشخاص اللي دارسين قانون واما اللي دارسين ادارة اعمال فراح يتذكرون بعض الاشياء ايام الدراسه ومنها اسئله لغة انجليزيه بسييييطه جدا (قواعد ) مثلWhat .....your name
ويعطيك خيارات : is > are < these وانت اختار الصحيح منها وعدد الاسئله اللي جت عن اللغة الانجليزيه حوالي 10 اسئله وكلها عن القواعد هذا اللي اذكره عن الاختباررر واي سؤال انا حاضر
ملاحظه : سالت مستشار التوظيف عن التوظيف في غير المنطقه اللي قدمت عليها قال اللي قدم على محافضه يكتب اسمها وما نقبل اكثر من محافظه وهم يطلبون تسجل اسمها في ورقة الاجابه وعددنا كان حوالي 200 شخص!!!! بالتوفيق للجميع
احتمال ما ارد على اي استفسار الا بكره لان مواصل من امس ومسافر بكره العصر من جده يعني المغرب كحد اقصى
|
العرض العادي
