السلام عليكم ورحمة الله وبركاته جمعة مباركة
يااخوان جتني فكرة التجمع هاذي عشان الكل يستفيدوخصوصا الي حاطين تقوييم اسنان والي نااوييين يحطون تقويم مثلي طبعاا
واتمنى فضلا لاامرا ان الادارة تدعمة وتثبته

للفائدة

ياجماعة الخير انا ناوية احط تقويم لان اسناني بارزة وعندي مشاكل ثانية
بالفك السفلي الاسنان عند الانياب متداخلة

ومتخوفة بعد تفكير وتمحيص لقيت انني لازم اغامر واسوي تقويم وامري لله
فعشان كذا بارك الله فيكم ابيكم تدلوني على احسن دكتور ممتاز بالرياض ورخيص يعني سعرة معقول ورخييص يعني بالنسبه لي من الفين وشوي او ثلاث الاف ضروري الله يخليكم
وحياكم

هلا هلا < عجبتني تجمع ^^

المهم انا احدا الناوين مدري الناويات لعمل تقويم ولو سويته من اول ماقالو لي يمديني الحين فاكته لكن التردد الله لا يبلانا + انا اشوف الحاله ماتستدعي يعني خسارة قروش بس
ناب مستعصي مو راضي ينزل ويشوف الدنيا
اضافه ان المبلغ غالي 6 الاف عشان ناب سلااامات

احجز واسحـــب عليهم
الحين لو برجع له بيقول لو بمليون ماسويت لك <فيه نيه ارجع


وتراي مو من الرياض ولا اعرف احد بس حبيت ارفع موضوعك بهذرتي اعلاه

وسلامتكم ..

انا مسوي تقويم لي تقريبا 5 شهور اقصاد شهريا سوي ربط لهن ودفع300 ريال بالبدايه نسيت كم دفعة بس توقع 2000 مجموع المبلغ 5000 او 4000 براجع الاوراق وعطيكم العلم الاكيد ذاكره الله يخلف ممسحه
اول سبوعين متعب جدا جدا بعده يصير الوضع عادي

أنا اللي أعرفه إنك تدفعين دفعه أولى والباقي أقساط يعني تقريباً كل شهر 250 .. بس أهم شي تأكدي من الدكتور اللي بيسوي تقويمك هذي أسنان مو لعبه الواحد مايقدر يجازف فيها ..

لا اله الا الله الموضوع حصلته بالصفحة 3 شاتوة الاعضاء شوته مهب هينة
عيني باااردة عليكم
المهم
اي ادري انه تعب وحوسة بس الحاجة تستطلب ذالك طيب انصحوني بدكتورثقة
وحياكم كلياتكون

حياك الله
بالنسبة للعيادة ماعندي علم لأني مو من الرياض
وبخصوص التقويم انصحك تسوينه حتى لا تتطور المشكلة ويصعب حلها ,
والمادّة بإمكانك الإتفاق مع العيادة على التقسيط حسب الراتب او المقدرة

واهم شيء روحي للي مجربينه ناس من حولك ومضمون
حتى ماتخسرين وانتظمي للمواعيد وتنظيف الاسنان بعد كل وجبة
فالك التوفيق

اخوي عمله عند الدكتور ايمن مجيد اللي في مركز هاو الطبي
ب3000ريال وتقسيط 200 ريال شهرياً دفعه اولى 1000ريال

الدكتور ايمن شاطر وخبره 9 سنوات في فرنسا