السلام عليكم ورحمة الله ..
أبي واااحد مسؤول يجاوبني ،، وياريت الكل يتفاعل معي بالموضوع
الحين مسمى وظيفة (مساعدة ادارية) اليست خاصة بخريجات البكالوريوس التربويات فقط !؟
طيب – اللي كانت متعينة على بند وأثبتت من خريجات (الدبلوم والثانوية العامة ) ،، ليه اعطوهن نفس المسمى مع ان شهاداتهم أقل من الجامعي ؟ .. ممكن احد يقنعني !
انا في عملي معي اثنتين واحدة دبلوم ، والثانية ثانوية عامة كانتا على بند وترسمت كلاهما على مساعدة ادارية ؟!
كيف حدث ذلك ؟ وين العدل ؟ .. لابد من وجود خطأ / او واسطاات شغالة .. لابد من فتح تحقيق في هذا الموضوع
في جميع مناطق المملكة . احنا انتظرنا سنوات طويلة محرومات من الوظيفة حتى على بند ، واللي شهاداتهم اقل منا توظفن بالواسطات ! ويوم يتم تعيينا بأقل من مستوانا يجن ويأخذن نفس المسمى !؟ والله هذا ظلم عظيم بحقنا احنا يالتربويات ؟!!
ورجاء لا احد يقول هذا حسد ! .. هذا (تظلم) !!
اناشد المسؤولين بالتحري ومحاسبة المفسدين وحتى مديرات المدارس المتسترات على ذلك ! مستحيل مديرة ما تعرف شهادات ومؤهلات موظفاتها .هن شريكات معهن في ذلك ؟!
اما يتم تعديل مستوانا الى الخامس ، او سحب مسمى وظيفة المساعدة الادارية ممن شهاداتهم اقل من البكالوريوس التربوي .. ممكن يتم ترسيمهن على ( مراقب طلبة ) او (كاتب ) .
يا ليت احد يوصل شكواي وتظلمي للمسؤولين . وتتخذ الاجراءات اللازمة بشأن هؤلاء .

منقول من منتدى آخر تتوقعوا الكلام صحيح ؟

كل شئ جايز دام الوضع سايب

اذا البنت بتتكلم عن الظلم

اصلا التربويه ليش تصير مساعدة إدارية

التربويه تصير مدرسه

غير التربويه إدارريه

ماااافي عداله ولا مصداقيه..وما أستبعد هالشي يصير أبداً

لاحول ولا قوة الابالله

اكيد واسطة الي اعرفه ان الي تعين مساعد اداري جامعيات ياليت الخبر يوصل لمكافحة الفساد اشوفهم بدو يشتغلوا جد امس ماسكين مسؤول بجامعة الجوف لعدة مخالفات ومنها استغلال النفوذ الوظيفي بتوظيف احد اقاربه بالجامعه لاحد يقول رزقهم ولا مادري وشو هذولا اخذو حق غيرهم بالتوظيف بالواسطات حقتهم والله ماضيعنا ولطعنا ببيوتنا غير هالواسطات

المسمى مساعد اداري بس المرتبة تكون اقل على الرابعة مثلا
واذا كانت جامعية تصير مساعد اداري على المرتبة السادسة
والعبرة بالمرتبة وليست بالمسمى

يابنت الحلال وش تحقيق وماتحقيق

معروف من قبل مايستحدثون الوظايف الإدارية للتربويات إن المساعد إداري

مسمى عام يعني يتوظفون عليه جميع الشهادات لكن الفرق في المرتبة الجامعية عالسادسة

وحاملة الدبلوم عالخامسة والماجستير عالثامنة وهكذا مايبيلها كل هذا مثل التدريس

التربوية عالمستوى الخامس والغير تربوية عالرابع والماجستير عالسادس والوظيفة مسماها واحد

معلمة هدي ي وخيتي واسألي الله البركة في الرزق والخيرة في الأمر والله ييسر يارب.

وإذا على سحب المسمى ممن هم أقل فهذا مستحيل لأن نص المملكة بتصير بلا مسمى وظيفي

يعني هم من أول مساعدات إداريات واحنا الجامعيات التربويات اللي جديدات على هالمسمى ^_^ .