والله اني ضيعت كذا وظيفه بسببهم
وشكلي بسحب عليهم اول وظيفه تجيني بروحها
وش هالاستخبارات الي تدقق في الاوراق اكثر من شهرين الي اعرفه استخبارات بطقة زر يجيبون العلم في يوم وليله مو في شهور
والله لو اني اسامه بن لادن يارجال
هذا غير الكشف الطبي والبصمات

الله كريم
موفقين جميعا

السلام عليكم
اليوم اتصلت عليهم ورد علي واحد اخلاقه مثل وجهه وواضح ان مديره لعن خيره
اقوله اخوي ورقة الاستخبارت ماجتكم للحين لانه لها اكثر من شهر الحين
قال راح تجلس 3 شهور و 5 شهور بعد روح دورلك وظيفه وبعدين قفلت في وجهه ^_^

موفقين

أحلى شي إنك قفلت في وجهه

تنبيه يا شباب لا تتصلون عليهم من جوالاتكم اللي مسجله عندهم ممكن يعقدون المتصل اذا حصل موقف مثل هذا

فالحذر واجب

والله يعين العاطلين

الامور طيبه ياشباب انا لى خوى في نفس الاداره بس وهو كاتب سئالته وش صار مع المسح الامنى يقول انها تاخذ في وزارة الداخليه شهر وترجع تاخذ شهر في نفس الاداره تحت الاجراءت ........ وعلى العموم يقول يمكن شهر ويجيكم اتصالهم بخصوص البصمات والكشف الطبي والله يوفق الجميع

السلام عليكم واللة فرصة انكم مسوين هذا التجمع انا سويت حقت الاستخبارات وللحين انتظر خفت يكونون سحبوا علي بس ما دام كلنا باقي فالله ييسر للجميع
قالوا لي في السليل مدري احد قالوا لة معي هناك ووين السليل هذي وشكرا

إبحث عنها بقوقل ايرث

اللحين سؤال اللي سوى مقابله بس بدون مايعبي اوراق ولا حاجه قالو لي انتظر الاتصال ،،يعني يتوكل على الله ولا ينتظرهم ولا في امل ، احس انها طرده غير مباشره ههههههههه

يا شباب أنسوا انكم قدمتوا على هذي الوظيفه

وحطوا في أذهانكم أنكم ما عمركم سمعتوا عن هذي الوظيفه ودوروا غيرها
كذا تهونون على أنفسكم المده , يعلم الله أني قدمت على أكثر من وظيفه بعد هذي مع العلم بأني قبلت نهائيا بنبه كبيره , ومع ذلك والله لو ما جات هذي الوظيفه أني لن أتحسف عليها أبدا

عليكم بالاستخاره يا شباب قبل توقيع العقد ( مهم جدا )

أسئل الله التوفيق والنجاح للجميع

الله يعيــن ..
مر شهر الحين ننتظر هالشهر يمكن يرن الجوال

أخ : احساس الكون .. معاك ف السليل ^_*