ياخي المشروع لك ولا للناس اذا انت جاد سو دراسه جدوى لو مبسطه ورح اسأل واسأل واسأل وراح تحصل كل شي من الارباح والعقبات والتعامل مع الزباين بالكاش وبالدين وغيرها من الامور اللي مو واضحه لك الحين بالنسبه للسرقات من العمال جب جهاز كاشير واجرد بضاعتك كلها وخزنها بالجهاز ويطلعلك وش بعت وش باقي من المخزون وكل فتره سو جرد حتى لو وهمي اذا منت فاضي عشان يخاف العامل ياخذ شي من بضاعتك... وبالتويق اخوووي

ان شاء الله اشوفك يوم من اكبر تجار البلد

والله لو تسمع لفلان وفلان وفلان ماراح تنجز

كما قال اخي كل الحكايه ادرس مشروعك وكن ايجابي واعمل واترك الباقي على الله

ولاتنسى الأستغفار >> والله عن تجربه يفتح فيوزات مقفله في المخ

هذا المثل جميل جداً : من اراد في مستقبله ان يرفع الجبال فليتحرك الان في حاضره ويحمل الاحجار

خذ بالاسباب واعمل وان شاء الله تتيسر معك

نصيحه اخي الغالي اذا بغيت تسوي شيء خصوصاً العائله والأقارب والاصدقاء

استعينو على قضاء حوائجكم بالسر والكتمان

التجاره شطاره وبلخصها لك بنقطتين

النقطه الأولى : شغلك يكون نظامي يعني سجل تجاري واستقدام عماله من برا اذا حبيت محد يسرقك
وتبدأ شغلك بطريقه سليمه ومحد ياكلك بالنسبه لردود الأخوان هنا اكثرهم تجاربه فاشله لأنه اشترى
محل بسرعه وماعنده عمال وراح جاب من الشارع ولا سرق له من محل عامل وبكذا العامل الي يجي معك اكيد ماعنده ذمه لأنه هرب من غيرك وجاك وغالبيتهم طماعين .

النقطه الثانيه : تعرف مادخل ومخارج العماله والشغل مثلاً الشغل بالمنطقه الشرقيه تعرف كيف تتعامل
مع موزعين الجمله وكيف تحسب بضاعتك وتعرف وش تجيب والي ماتجيب وتمشي على طلب السوق وليس على رغباتك واهوائك الشخصيه ويكون لك شخصيه أمام العامل كمدير محل وليس كشخص يبغا
ياخذ اي مبلغ وخلاص وتكون عينك عليه وقريب منه وماتخليه يقرأ شخصيتك يعني لا تعطيه وجه أكثر من الازم خلك زي الشرطه السعوديه مشغل السفتي دائم يسوي عشان ماتنزل هيبته .


الله يوفقك يارب

تاجر الفلس , بدال الفلس لو خليته كنق التجار لانك مفكر ومبدع سراحه , المهم , اذا الشي انت مقتنع فيه وراضي ودرسته دراسة كاملة وشفت السوق كيف ماشي لمجال الي تبي تسوي , افتح وتوكل على ربك وستغفر ربك واهم شي لاتنسى الصدقه الصدقه أهم من كل شي والعذر وسموحه ع الأطاله.

إذابتتقيد بكلام الناس بتتعب..

المال السائب يعلم السرقة

التجارة فيها تسعة اعشار الرزق
قبل ماتبدا المشروع اول شي استعن بالله وادعو الله ان ييسر امرك وخلي والديك يدعولك بالتوفيق والبركة وتوكل على الله في كل امورك وقبل ماتستأجر الموقع أسأل جيران المحل كم الايجارات عشان صاحب العمارة لا يغلي عليك وقبل ماتفتح النشاط اللي تبيه أسأل اهل الخبرة في ذا المجال وحاول حاول حاول أن يكونوا من اقاربك او معارفك ولازم يكونوا عندهم أمانة عشان يعطوك الكلام المزبوط في الموضوع وكذلك اللوحة لازم البعيد قبل القريب يعرف انو هنا مثلا مغسلة او مطعم او اي شي لانو احيانا تبي محل وتجي الين عنده وما تشوفه والمشكلة المحل جديد بسبب انو لوحته باهته ومخفية يعني مثلا اذا تبي تفتح محل تفصيل مفاتيح وانت ماشي بالسيارة تدور على علامة المفتاح اذا شفتها على طول توقف واحيانا توقف وبعدين تنتبه انو المحل مغلق للتقبيل مثلا عشان كذا اللوحة من اهم الاشياء اللي تبرز المحل والنظافة من الاشياء الجدا مهمة واذا كان شي متعلق بالاكل لازم تجرب المعلمين تجرب اكلهم وتنتبه من الكميات اللي يصرفونها يعني قبل فترة فتحت مطعم واول معلم عندي كان الطلب حق نفرين يعطيه الزبون على انو اساس نفر وانا ما اعرف لانو ماعندي خبرة بالكميات بس سبحان الله اهلي واصحابي اللي كانوا يجوا المطعم يقولوا يافلان ايش هذا النفر كأنو نفرين وبعضهم يقول اخذت نفر من عندكم جلست انا واهلي ناكل فيه يومين وانا اقول المطعم ماشي كويس بس مافي دخل يعني كنت باليوم ادخل الف وخمسمية ريال واصرف عشان المقاضي 1300 ريال وكم يوم يجيك حق البارد يبغاله فلوس ويجيك حق الانابيب يبغى فلوس طيب والحل وكنت ادفع من جيبي المهم المعلم سوى مشاكل وغيرته والحمد لله المعلم الجديد طلباته تعادل ربع اللي كان قبله صح انو بعض الزباين زعلوا بس هم عارفين كيف النفر فالحمد لله مستمرين معانا معليش طولت عليك بس نصيحة محب
اهم شي اللوحة والتسويق والنظافة ولو كان الكاشير سعودي جدا ممتاز لان الناس تبسط وتفرح تشوف سعودي على الكاشير او جيب يمني مولود وعايش بالسعودية يعني اللي يشوفه يقول سعودي ترا جدا ممتاز واذا كان مطعم ضيف للاشياء اللي قلتها لك جودة الاكل وقبل كل شي واثناءه وبعده توكل على الله لان كلوا على الله ولا تقول سويت والباقي على الله هذي الجملة خطأ قول كله على الله ولاتنسى الصدقة اليومية حتى لو بريال وبالتوفيق

هل ستجلس تداري السوبر ماركت بنفسك لين يكبر و تعرف وين الثغرات اللي يسرقون منها العمال و تسدها .. إن كنت ستفعل ذلك فتوكل على الله و ابدأ

لكن إن كنت مثل الكثير من الشباب سيفتح مشروع و ما يمر عليه إلا مرة في الأسبوع فنصيحة الإخوة تسويقار و غيره في محلها .. راح ينفضونك العمال نفض فلا تجازف