انا كان عندي موعد بتاريخ 3/1 والحمدالله انقبلت مبدئيا واعطوني ثاني يوم موعد المقابله الشخصيه والحمدالله انقبلت

اعطوني صحيفة الادله الجنائيه والكرت الاصفر وموعد الكشف الطبي وخطاب للاحوال

السؤال الاول هو الصحيفه الي من عندهم وديتها للشرطه الي بالمدينه الي انا فيها وقالو نغير لك الصحيفه ونحط صورتك بصحيفه من عندنا ونسوي لك البصمات وترجعها للقوات انا قلت لهم طيب القوات يمكن ماتقبلها قالو لي يقبلونها المهم بعد ماخرجت من عندهم جالس اعبي الكرت الاصفر وشفت ملاحظه انه اي استماره ماعليها ختم القوات لاتقبل وخايف ارجع لهم مايقبلون الي ماعليها ختم علما الصحيفه الي من عندهم عليها ختم

السؤال الثاني سمعت ان مافي دورات في ذهبان كلها راح تكون بالرياض هل هذا صحيح ولا

السؤال الثالث الرقيب قالي مافي كشف بالغربيه اختار اي منطقه ثانيه واخترت الرياض الي يعرف السبب انه مافي بالغربيه ليه يفيدنا والكرت الازرق الصغير الي فيه موعد حق المستشفى يعني اروح المستشفى بنفس الموعد ولا اي وقت ومتى اسلم الاوراق
تكفون افيدوني الله يجزاكم بالخير

يجي من[align=center][/align] يفيدك

للرفع . وينكم يارجال عطوه خبر وعلم .
بتوفيق لك

اخوي تقول علما انه عليه ختم
:
وشو نوع الختم ؟ القواة او الأمن
:
وايضا ليه ماعبو لك الورقة ماعطوك اياها القوات
:
الا انها مهمه ع العموم مادري هل هم بيرجعونك علشانها او لا
:
بس الأفضل انك تخليهم يعبون نفس الأوراق اللي استلمتها من القوات
:
بالنسبة لسؤال الثاني ماعندي اجابة يجي من يفيدك
:
والسؤال الثالث مآ آدري عن سبب عدم وجود فيه منطقة الغربية لكن بالنسبة للمستشفى تجي بنفس الموعد اللي عطوك اياه
:
لم الرياض بمستشفى قوات الأمن ومدته ثلاث ايام حسب الموعد اللي معطينك اياه
:
اول يوم قياس طول ووزن واشعه
:
ثاني يوم تحليل بول ودم
:
ثالث يوم كشف نظر و اسنان وحنجره وانف وجراحة