انا توني مكلمهم ورد على موظف وشحليله وربي كلامه يبرد القلب وسالته عدد من أسئلة ومن ضمنها عن الاوراق اللي ارسلوهاا للخدمة المدنية قالي الخدمة المدنية تصادق على الأوراق بس يعني مالهم اي دخل في اختيار الشخص
يعني الأختيار يتم عن طريق الجامعة قلت له كيف؟ قال نرسل اوراق أساسية و اوراق أحتياطية قلت له وش معنا الاوراق اساسية واحتياطية قال؟

1- الأوراق الأساسية هي الاوراق التي حصلت على درجات عالية في الأختبارين ,ترسل الى الخدمة المدنية لمصادقةعليها وتعين صاحب الأوراق على الوظفية ,شرطاً ان لايوجد على صاحب ألاورق الأساسية اي ملاحظة تمنعه من الحصول على المصادقة من قبل الخدمة المدنية ( الملاخظات هي اللي موجودة في النماذج اللي في طلب التعيين اللي تم تعبيته من قبل المتقدم( اللي هو أنت) اما طريقة الحسبة فهي تتكون من أختبارين وكل اختبار عليه 50%
أ- 50% على الاختبار التحريري
ب-50% على المقابلة الشخصية وتندرج منها (الدورات والخبرات واللغات والمعدل في الشهادة والأقدمية في التخرج)

2 الأورق الأحتياطية ترسل ويصادق عليها من قبل الخدمة المدنية وتحفظ في الجامعة وفي حالة وجود مكان شاغل يشغل صاحب الأوراق الأحتياطية هذا المكان (وتنطبق عليه احكام الأوراق الأساسية)

اما بالنسبة للوظائف وتتراوح بين وظيفة الى ثلاث وظائف (بعد قال ثلاث وظائف واجد وانت عارف في الأمور)
بس مدري وش قصده انت عارف في الأمور

في أخير قال أن شاء الله انت من ضمن الأساسي

والله على مااقول شهيد

واي استفسار انا في الخدمة وانتمى للجميع التوفيق والله يكتب اللي في الخير وان شاء الله تروح الوظفية اللي محتاجها ويستحقهاا

ياشباب أنا فني مختبر المرتبة السادسة لازلت ع أعصابي مادقوا فيه أحد جاه اتصال أرجوكم اللي جاه اتصال يعلمنا

بالنسبه لي رحت اتلحوس عند الجامعه اليوم ونشبت لأحد الموظفين وعلمني عن نفسي
قال انت رفضوك قلت ليه
قال جايب في التحريري 33
والمقابله 30
طبعا من 50
المجموع 63 من 100
والي راح يترشحون لازم يجيبون فوق 70 يترشحون والله يوفق الجميع
للاسف تم رفضي وان شالله معوضين خير والله لايضيع لنا تعب ويرزق الجميع
هذا بالنسبه للمساعد اداري المرتبه 6
والوظايف الي عارضينها 2 رسميه
و3 على بند مافهمت قصده بس هذا الي قال لي وبالتوفيق للجميع

أقسم بالله الواسطات لاعبه لعبتها حسبي الله عليهم

ربك كريم ياعبدالله الحال من بعضه

حسبي الله ونعم الوكيل