بنظرتي الشخصيه وبوجهت نظري ايضا اصف الانسان المتكبر المتغطرس الي ما يشوف الناس شي سواء مسؤل او وزير او اي انسان فيه كبر اطلق عليه بالمتخلف

ليش الكبر

الكبر لله
كثير ما نواجه ناس متكبرين خصوصا اذا راح الواحد بيقدم على وظيفه ناس تستحقرك وكانك حمار
مما يجعلك تنقهر وتتمنى ان يكون معك مسدس لا مو مسدس الا شوزن وتقنص راسه لكي تبرد الجمره الي بجوفك

قبل تقريبا سنتان وانا عاطل مسكين ذهبت الى هيئة التحقيق والدعاء العام بالرياض لاقدم على وظيفه واشوف رزقي
واجهت واحد في مخبز تميس وجبت طاري الوظائف وقال خذ كرتي وبكره تجي يم هيئة التحقيق والادعاء العام بالرياض طريق الملك فهد وان شاء الله ابسعى بوظيفه لك اذا جيت عند البوابه دق علي فرحت بصراحه
جاء بكره وسرحت صباحه عقب صلاة الفجر لابس ثوب وشماغ وعقال مظبط نفسي راعي العيشه اقشر وغبر يتكشخ عشان الوظيفه المهم ما اطول عليكم يوم جات الساعه هاه حول 6 وانا عند بوابة هيئة التحقيق والدعاء العام والناس باقي ما جات للدوام الطعت في سيارتي حول ساعتين مغر اناظر السيارات الي تمشي ونوب اقصد ونوب اهرج نفسي تقولون مجنون وهذا بطبيعة الحال شي طبيعي اذا كان الانسان لوحده ساعات تجيه تلك الحالات
المهم يوم جت الساعه حول 8 دوام الموضفين وانا ادق على رفيقي لان ما احد يدخل الهيئه الا بامر من الموضفين دقيت عليه وكلم العسكر الي عند البوابه وقال دخلوه
قالوا لي نزل كل الي معك نزلت بوكي وجوالي ومفتاح سيارتي وساعتي ومسواكي ومسبحتي ويفتشون بالجهاز واروح للدور الخامس وادخل على رفيقي الي واجهته ويدخلني على واحد واجلس عندهم نص ساعه وقالوا لي نبي ندخلك الحين على المدير ادخل عنده باسلوب زين وان شاء الله بتتوظف قلت خلاص
ويدلوني على مكتبه ويوم اقبلت على المكتب وان اطق الباب واشوف ذاك الرجال الحمر الابيض الي كانه طمام املط لا شارب ولا لحيه والكرش هذا كبرها ويشوفني وفي يده سماعة التلفون يكلم ويناظر يمي وانا واقف واناظر فيه ويوم وطى السماعه قال وش عندك قلت ممكن اتفضل قال تعال وواقف ما حتى قال اجلس مغر جلست من كيفي وقام يفتح دروج عنده ويقول لي وش عندك قلت الله مير يسلمك انا معي شهاده حاسب الي وابي اتوظف عندكم هنا وقمت اتكلم يوم خلصت قال بنظره تكبريه واستحقاريه ما عندنا شي وانا ما عندي اي صلاحيه ولا املك وظايف تبي وظايف قهوجيه عندي ب2000 ريال

بغيت اتفل في وجهه من كلامه بس تماسكت نفسي ولله الحمد



يعني لو وراي مصلحه كان وضفني
الناس مصالح في الاونه الاخيره من الزمن الذي نحن فيه الان
عطني واعطيك
ولكن هناك ( الله) سبحانه وتعالى يرزق الطير من السماء
يرزق الانسان من حيث ما يكون


فالكبر موجود عندنا وبكثره
حتى الموظف الي يستلم 3000 ريال صار متكبر

الله يغنيك عن خلقه ..

[align=center]شكراً على التوضيح أم عقاب وكأنك علمتي بأني ما فهمت هذه الكلمتين بس كلمت الموضوع ..من القصيد = أقصد ..
[/align]

يدلوني على مكتبه ويوم اقبلت على المكتب وان اطق الباب واشوف ذاك الرجال الحمر الابيض الي كانه طمام املط لا شارب ولا لحيه والكرش هذا كبرها ويشوفني وفي يده سماعة التلفون يكلم ويناظر يمي وانا واقف واناظر فيه ويوم وطى السماعه قال وش عندك قلت ممكن اتفضل قال تعال وواقف ما حتى قال اجلس مغر جلست من كيفي وقام يفتح دروج عنده ويقول لي وش عندك قلت الله مير يسلمك انا معي شهاده حاسب الي وابي اتوظف عندكم هنا وقمت اتكلم يوم خلصت قال بنظره تكبريه واستحقاريه ما عندنا شي وانا ما عندي اي صلاحيه ولا املك وظايف تبي وظايف قهوجيه عندي ب2000 ريال


تدري اني حقدت عليك
المفروووض تفلت عليه اف بس منك وخربتها لان بكل الحالات هي خربانه
الحين مرتز من الفجر والعقال والشخصيه وجاك هووس من الانتظار والنهايه قهووووجي
مب يستاهل تفله يستاهل طال عمره كف على وجهه اخس وش عندي قوويه


الله يرززززقك باللي تتمنى عاجلا

اللهم لا تجعل بينه و بينك فى رزقه احدا سواك اللهم امين

بنظرتي الشخصيه وبوجهت نظـــري ايضاً اطلق عليه كما اطلقت " متخلف "

اشره علي الرمة اللي جابك يم هذا صراحة ماعاد فيه رجال ودك الواحد لاقال كلمة يوفيبها