السلام عليكم
يشرفني اكون اول من رد عليك
انا من وجه نظري انه عطاك عرض حلو يعني 500 من كل مطعم = 1500
لكن سالفه انك تدخل معه شريك بدون مقابل احس انك ظالمة او بالاحري ذليته عشانك كفيله هههههههه
بالنهاية الله يوفقك ويكتب لك الخير

أنصحك ادخل معه شريك ولا توافق ابد ٥٠٠ و هو يدخل الاف في الشهر انت اولى بها

هذا بلانا ورب النعمه وشوفت عينك كفيله الاول ياخذ 300 ريال وهو يطلع باالألوف وهاتك ارسال مبالغ للخارح

قروبات اجنبيه ومعاه شركاء ويخلون السعودي متستر ويعطونه حفنه من الدراهم اللي لا تسمن ولا تغني من جوع

يا حبيبي قله النص بالنص والا يبتعد عنك

الطمع شين
خليه يكملها 2000 على المحلات الثلاث
وتوكل

اخي مغوار فالبداية اعمل كمعقب بألف ريال لكل مطعم مع متابعة الشغل وبعد ان تاخذ فكرة عن شغل المطاعم اما تدخل معه شريك او تفتح لك مطعم لحسابك الخاص طبع هذا كله بإتفاق معه (المؤمنون عند اقوالهم ) اي لايخذئك الطمع بعدما ترى الشغل وتقوله اما ادخل معك شريك او خروج نهائي لأنها حصلت .

والله يا سيدي الكريم انت لو سألة نفسك ليش الهندي يبي ينقل كفاله ويعطيني 500 ريال على كل محل ربما تجد الاجابه انا من وجة نظري انه من الخطا التستر على العماله لا ونعطيها اسمائنا بعد وتعملون ويكسبون وحنا فرحانين بمبلغ 500 ريال لا ومن ضمن الاقتراحات قرية اقتراح احد الاخون يقول خذ تعقيب الف ريال على المحل يعني انت شغال عند الاجنبي هذا من جانب الجانب الاخر بما انك تقول الرجال طيب وامين يعني انت معتبره صديقك قل له ابيك تشتغل بالراتب والله ما يشتغل لو تعطيه 15000 الف مو 1500 الف وخمسمائه الي هو بيعطيكيها يا خي لا تقول ما عندي راس المال قل احنا تعودنا على الاتكاليه... والله انا اسف اذا انا قسيت عليك بالكلام بس عاد من الحره اللي بقلبي والتستر

اخي الكريم المقصود من كلامي الخبرة ومعرفة السوق ام بالنسبة لتستر حدث ولا حرج لأن الاجانب شر لابد منه ولو تجاهلنا لهم بصمتهم بالسوق ولن تمسح في يوم وليله لأن من يدير اغلب الشركات الكبرى اجانب وانا اتكلم عن تجربة والكلام عن التستر والاجانب يطول تقبل مروري

يا مشاهد من الواقع انت تطبق المثل الي يقول اذا شفة حلال ابوك ماكول كل من طرفه.. يعني ما دام البلد كله تستر ومتسترين ما هو ضارهم خوينا هذا . اكيد من الصعب القضاء على التستر طالما هناك تهاون من اجهزة الدوله بدون استثناءوالمواطن على نفس الشاكله يقوم بتشغيل المخالف والمتخلف ويقول مسيكين خلوه يترزق .والله لو بيدي سلطه ما اخلي متخلف ولا مخالف ب هالبلد والمواطن الي يشغل مخالف او متخلف لحطه بالترحيل لين يكره الساعه اللي شغل فيها عامل متخلف ويحلف يمين ما عاد يعودها بحياته