السلام عليكم

تعينت في وظيفة بقطاع خاص والان لي اسبوعين ولكني داومت اسبوع وتغيب الاسبوع الثاني
بدون عذر وبدون ماخبرهم انقطعت
والان برجع اداوم وش حكم نظام العمل في مثل حالتي وهل ممكن ينهون خدمتي لهذا السبب؟
وش تنصحوني فيه

انا اللي اعرفه حسب الشركة
في شركات مهم مهم عندها السعودة زي اللي كنت فيها لو السعودي غاب اسبوع حتى يخصموا من الراتب بس
لو اجنبي ٣ ايام بدون عدر ياخد وورنينق
وثلاث مرات فصل

بس انصحك تشوفي عدر مقنع

طيب وليه ما بلغتي ادارتك بانك بتغيبين !

اكبر خطأ ان الموظف يترك كل شغله ويغيب بدون ما يعطي ادارة خبر لاتخاذ اي اجراء يمكن مديرك يغطي عنك او حتى يحاول ان يدبر بديل حتى يستمر العمل وما يتوقف !

بالتصرف هذا انت احرجت مديرك

بالنسبة للسعوده هم بنطاقات مسجلين لون اصفر يعني الاغلبيه عندهم اجانب
وبالنسبه للعمل ماعتقد في عمل بيتعطل لاني قاعده اشحدهم الشغل مافيه شغل تسلمته الى الان ومكتبي ماعليه ولا شي لاكمبيوتر ولاتيلفون ولا حتى قلم
وحاسه ان القسم كله تضايق يوم جيت لانهم كلهم مصريين ومافيه احد سلمني مهام معينه كل الي عطوني شغل عشوائي يعني لو بيتعذرون بتعطل العمل مالهم حق

ربي يعينك والله ان التجار عندنا يحبو الخير للأجانب والاجانب يكرهو انك تشتغل يبون هما اللي يشتغلوو وانت جالس الله يعينك ويعين كل مواطن سعودي

اختي يخصمون عليك فقط ... اذا كانوا محتاجين اسمك بالسعودة

وتوك بالبدايه تحت التجربة لمدة 3 اشهر ... يعني بامكانك تمشين وتسحبين عليهم

وبامكانهم يستغنون عن خدماتك ....

الله يعينك