جدارة ورقمي السري

أملي بالله فقط · #1 (**permalink**) 24-11-2012, 10:09 PM

السلام عليكم ورحمة الله وبركاته

سالفتي تضحك لو تبكي مدري ؟؟؟
هذا سلمكم الله رقمي لدخول جدارة نسيته والحين لي 3 اسابيع اطارد وراهم مايرسلون لي شي
طبعا يوم الأربعاء رحت مكتب الخدمة المدنية في الدمام وقلت لهم سالفتي قالت لي لحظة خذت بطاقة الأحوال وصورتها وقالت لي اكتبي معلوماتك في هالورقة
عشان بتروح الرياض وبعد اسبوع ادخلي الموقع وارسلي مرة ثانية
عاد انا ماقدرت ارد تدرون ليش ؟؟؟؟
الحين رقم سري لجدارة صار معاملة
طلعت ركبت السيارة سألني زوجي وش صار قلت له تكفى لاتضحكني ترى رقم جدارة صار على غفلة معاملة بتروح الرياض الله يستر كان بعد مالمراسل مايمر يأخذها هههههههه
قلت له تدري عاااااااااد يمكن لو انتي مضيعة رقم وزارة الداخلية او الخارجية كان انحل الموزوووع ,,,, ولو أني مسجلة في الكونجرس الأمريكي ********> مدري وش جابه على الطاري ذاك الوقت
كان انحلت أموره لكن جدارة لالالا وألف لالا
وسألتها طيب لو بيكون فيه تقديم ماقدر أدخل قالت لي لالالا أبد مافيه وظايف بتنزل ولالا شي

أدعوا لي تنحل أزمة معاملتي ولا تصير حبيسة الأدراج ********> داخلة جو مع معاملتها

мℓєєτ · #2 (**permalink**) 25-11-2012, 01:53 AM

اجل مافيه وظايف بتنزززل

طيب نسيتي الرقم فيه حل

الاميل

الرقم اللي سجلتي فيه وقتهااا

بددون دعم معقووله ناسيه كلش

وع طاري معامله ذي ماعندها سالفه مع احترامي

وش دخل فرع الرياض السالفه تنحل من عندها تقدر تدخل السجل ويطلع عندها معلوماتك

شيء عجيب حسبي الله ع نظام جداره الفاااشل

لطيفا · #3 (**permalink**) 25-11-2012, 02:17 AM

بالايميل ياعسل تو مغيره حقي

سولااافه · #4 (**permalink**) 25-11-2012, 02:31 AM

ياقلبي غيريه
مافي اسهل منها
ادخلي الصغحه الرئيسيه وتحت مكان الرقم السري مكتوب اعتقد ؟هل نسيت الرقم السري ؟؟؟اضغطي عليهااا
تجي صفحه ثانيه يطلب منك الايميل الي سجلتي فيه وتحطي الارقام الي تجيك بالصفحه وثم ....استمرااار
تجيك بثواني عالايميل الي حطيتيه
من نص ساعه سويتهاا لانو نسيت الرقم

حظي وأعرفه زين · #5 (**permalink**) 25-11-2012, 04:28 AM

حسبي الله عليهم

سماح سالم · #6 (**permalink**) 25-11-2012, 04:54 AM

الله يعينك يا أختي ... والله ضحكت على المعاملة المرسولة إلى الرياض

لهالدرجة صعب تغير الرقم السري يعني

بستناك · #7 (**permalink**) 25-11-2012, 05:38 PM

-

واه ياقلبي عليك
تو قبل اسبوع صار لي سالفة على الباسورد
كنت حافظتة بفلاش ميموري والفلاش كل الملفات اختفت عشانة مليان
فيروسات من جهاز الدوام .. والايميل متهكر !!

احتست شسوي وووين اروح عشان اطلعه
ووجهت وجهي لله سبحانة وتعالى لاني خايفة من الرئاسة يماطلون معي
او شيء من هالقبيل ونذرت اطلع صدقة بمبلغ معين
عشان هالسالفة تنحل باسرع وقت ممكن ..

واللي رفع السما بلاعمد اني بالصدفة لقيت صورة للباسورد بجوالي
طلعت مصورة شاشة الاب توب اللي فيها الباسورد

عالعموم .. ربي يسهل عليك وتحصلين الباسورد

أملي بالله فقط · #8 (**permalink**) 25-11-2012, 07:36 PM

والله سويت كل الطرق
أرسلت للدعم والمساندة وارسلت نسيت الرقم السري ابد ابد ابد مايرسلووون شي على الإيميل حقي
مدري ليه
أما سالفة المعاملة ياني ضحكت ضحك حسيت نفسي مهمة بجد في اليوم ارسل لهم بالكوووم ولايردون لي رسالة

أملي بالله فقط · #9 (**permalink**) 25-11-2012, 07:51 PM

شغلت المخ والمخيخ وعزمت بعد كلامكم على الهوتميل ورحت للإعدادات وعفست وخربطت حق البريد غير الهام واطلع ارسل من جدارة ووصل الحمد لله لي 3 اسابيع احاول
لكم مابنسى كلام الموظفة الخربوطة عن معاملتي اللي اتحدى وصلت الرياض

مشكورين