اخواني عندي ثقه بان يوجد شباب ماشاء الله عليه لديهم فكر وعقليه وذكاء عالي اكبر ويستطيعون حل اكبر مشكله وياليت لو يكون فيه موقع حكومي لنشارك باقتراحاتنا المهم بموضوعنا هذا نبي نطرح مشاكل وقضايا وقرارات حكوميه ونوجد احسن حل لها فشاركونا واثبتوا للناس اللي اخذين فكره سيئه عن الشباب وعن كسلهم وعدم اهتمامهم ووووو فشاركونا بارائكم وشكرا لكم

وبنبدأ بقرار وزاره العمل الاخير وهو زياده الرسوم 200 ريال شهريا وبصراحه ينطبق على هالقرار المثل الشعبي جاء يبي يكحلها عماها نجي للايجابيات والسلبيات الايجابيات توفير دعم لحافز وللموارد البشريه وتوظيف الشباب بس السلبيات اكثر واشمل الدعم هذا راح يكون من جيوب المواطنين لان الاسعار راح تزيد وبتكون زياده شامله لكل شي وراح تكلف الشركات مبالغ كبيره بس اقل من توظيف السعودي وراح تسوي ازعاج لكل مواطن تاجر او موظف او عاطل يعني بصراحه اشوف مامنها فايده وراح تشوفون كيف راح ترتفع الاسعار بالايام القادمه وعندي اقتراحات لوزاره العمل ومنها ان اي شركه توظف سعودي تعطى مميزات وتسهيلات موزياده بالاسعار ولا نشترط عدد محدد اي سعودي يتم توظيفه تسجل له عدد من النقاط وماراح تكلف الوزاره شي مثلا انجاز اسرع لمعاملاتها وتفضيلها عن الغير متعاون بالتوظيف وبالعكس للشركات الاخرى بشرط ان يكون به شروط لكي لايكون به احتيال على القرار مثل السعوده الوهميه بنطاقات بكذا لن يكون ضرر على احد بل فائده للجميع ........وبالتوفيق للجميع

والله شكلها كذا يعني مانتفلسف واجد واضح ماحد شارك خلاص ماني مشارك بمواضيع مهمه اشارك بقصه رومنسيه او نكت او بقولكم سالفتي مع الذيب بجبال الالب ولا سالفتي انا ودوريات لوس انجلس يوم لحقوني ومعي الكورفت ترا سوالفي واجد اللي يبي يقولي واسدح لكم سالفه ماتخلص الا بعد عقد من الزمني .......وتقبلوا خالص تهياتي ...........

لا نُعمم .. شبابنا ان شاء الله فيهم الخير والبركة

ياخي ماهي صعبه كلها موقع مايكلف شي وحنا بنسدح اقتراحات وماهم ملزومين يطبقونها اذا اعجبتهم الفكره ودرسوها بس بدون لجان تعقدنا من اللجان واقتنعوا فيها يعرضونها على مجلس الشورى ومجلس الوزراء يمكن يحصلون افكار ماتطري على اكثر الناس وبها حلول لمشاكل كبيره وبابسط السبل امنيه فهل تتحقق نرجوا ذالك

كلام جميل بس من اللي بيطبقه ياخي النت فتح لنا مجال واسع لابد ان نستفيد منها لصالحنا

والمشكله الاكبر هي البيئه والناس المحيطين بك وعدم وجود محفزات للابداع يعني حتى لو تبدع بشي و تجيبلك فكره عبقريه ضحكوا عليك وقالوا انت منت بصاحي لانهم عجزوا يستوعبونها وفكرهم تجمد على التفكير التقليدي ويحاربون اي افكار جديده ليس من قناعات بل من اعتقاد رسخ بتفكيرهم وغلفتها بعض التقاليد والعادات بالعيب وكلام الناس وانك تمشي على الموجود وتقتنع به افضل وانا اتكلم عن المشاريع والافكار التجاريه ولو حصلنا الدعم لتغير الحال ولكن........