أترجه اسمعي أنا وش سويت

يوم اشتريت الايفون كل ماابي برنامج يقول لي بقلوي المهم رحت بنك الاهلي لان حسابي الرسمي بالأهلي
وطلعت بطاقة ائتمانيه مسبقة الدفع ورسلوها اي لين البيت وقالت لي الموظفه كم نحط لك فيها قلت لها اشحنيها الف ريال من حسابي الاساسي

المهم حولوا لي 1000 ريال واصدروها لي بعد 3 ايام اعتقد وصلت للبريد لبيتنا

وللحين اشتري فيها بالنت ورصيدها مانقص كثير يعني كانها بطاقة شحن فهمتي

اذا مافهمتي اشرح لك اكثر بس هذي احسن بطاقة ائتمانيه تشحنينها كل ماخلصت

وتشترين فيها لا تسحب من حسابك ولا فيها مشاكل وحتى لو حصل نصب بالنت
لينسحب المبلغ الي شاحنته فقط

وحسابك الاساسي بعيد كل البعد ولا سحب شهري ولا هذا الكلام

لمن تدخلين الامازون او اي موقع تبين تشترين شي تحطين الرقم الموجود على هالبطاقه ثم الرقم السري حقها من ثلاث أرقام تلاقينه
بالخلف تحت الخط الاسود ويتم عملية الشراء والدفع بالنت ويخصمون من المبلغ الي انتي شاريه فيه وبس ...

الله يسلمك يا الفيصاء وكلامك عين العقل وفادني به أحد الأعضاء برسالة وأسم البطاقة مآستر كارد
أشحنها بالمبلغ اللي أبغاه ووقت ما أبغى دون فوائد أو خصم أو أو
حُلت الله يجزاكم خير
هم وإنزاح إن شــــــاء الله
كل الشكر لكم جميعاً فرداً فرداً

لو تسافرين بره اشحنيها الوووف جدا حلوه بالسفر وتشتغل في كل العالم وتحد من صرفك الشخصي راح تصرفين بحسب ماانتي شاحنه فيه استخدامها افضل من الحساب العام الي نصرف بدون حد معين ^_^

الحمدالله الله يوفقك للخير

أنا فيني مرض الحرص الزائد تلاقيني اشرح بكل شي اعرفه وصار ^_^

أمانة الشرح ومن كتم علم يعلمه عقاب كبير من الله << قلبت محاضرة دينيه

يالله سلام

وأنا كمآن حريصة جداً جداً جداً وما أحب أنخدع !
..
بالتوفيق ,,,

في شي انتقد فيه الشخص الي ارسل لك خاص وسامحيني

لمن يطرح احد استفسار لازم تتجاوب كل شي بالموضوع السبب يستفيد القرأ من استفسارك لو صار كل شي بالخاص كان مافي فائدة

الخاص فقط للشي الخاص أرقام وامور شخصيه

هذا رأي الشخصي والعذر من هذا الانتقاد

لم يكن خاصاً إلا لخصوصية شيءً ما ..!

دايم ملقوفه < سامحيني سلام عليكم