26-11-2012, 09:19 PM
|
عضو متواصل
|
|
تاريخ التسجيل: Dec 2011
المشاركات: 80
معدل تقييم المستوى: 470
|
|
|
اللي يطالبون بتمديد حافز يدخلون
السلام عليكم ورحمة الله وبركاته ..
كلنا نطالب بتمديد حافز لكن بعد اللي شفته اليوم اقول دامهم بيذلونا ليه يمددونه ..
البارح وصلتني رساله من طاقات اني احضر اليوم الصباح لمقرهم ع الساعه 9 الصباح طبعاً
رحت لمقرهم حالي حال غيري اغلب الحضور كان من المتزوجات اللي عندهم عيال .. اول ما
دخلت على محاضره عن العمل بعدها نادتني المستشارة حقتي على قولتهم وجلست تقولي
عن الوظايف وتسألني اسئله طبعاً الوظايف فيها تعجيييييز بشكل مو طبيعي للبنت خصوصاً لا
احد يقولي اللي يبي يشتغل بيشتغل لأن اوقات الدومات صعبه سواء على المتزوجه او العزباء
المتزوجه متى تشوف زوجها وعيالها اذا كانت وظيفتها دوامين من 9 الصباح الى 11 ومن 4
الى 10 الليل ويمكن اكثر والأوف او الأجازه يوم واحد في اي يوم في الأسبوع طيب البنت
اللي اهلها في منطقه وهي عايشه بمنطقه ثانيه كيف تزور اهلها في هاليوم تزور اهلها والا
تقضي مقاضيها في هاليوم ؟ في الأعياد كيف الوضع ؟ اذا عندها مناسبه شتسوي اذا
عندها عزا وش تسوي ؟؟ الراتب ما انكر انه يعتبرقوي 4200 لمده ثلاثه شهور بعدها 4700 مع التأمين الصحي طبعا بدون مواصلات .. طبعاً هذي الوظيفه بائعه في محل
كرستيان ديور بالتحديد .. انا محلات التجميل الثانيه رواتبها اقل
الوظايف الثانيه في (مطعم) كوبرشندني قريب يفتح قسم للعوائل الوظايف كاشيره 2300
تقريباً من 11 الظهر الى 5 العصر وخميس وجمعه لازم يكون فيه دوامات ..
وغيرها في مصانع لكن ما استفسرت علنها ..
بصراحه الاقي حتى الوظايف تعجيزيه بالنسبه للبنات .. ليه مو طول الأسبوع البنات يشتغلون والخميس والجمعه يشتغلون بدالهم رجال ؟؟
كذا يسهلون على البنات وعلشان اهلهم بعد يرضون انهم يشتغلون ..
وظايف في المدارس عباره عن بائعه في المقصف.. ومراسله .. ومرافقه في باص
كلهم رواتبهم 1500
والمدرسه يختارونها على كيفهم
بجد كرهت حافز مع شروطهم بالرغم من حاجتنا له
بس ما نقول الا حسبي الله ونعم الوكيل
اغنى دوله بأفقر شعب
|
العرض الشجري
