ربي يوفقك

فكرتك حلوة جداً وهي في بالي لكن ودي أستفيد ممن جرب

هل أحد يفيدنا ؟؟!

هلا بك اخوي

المشروع ممتاز ولا كن مشكلتة في التسويق فاذا عرفت الطريقة المناسبة للتسويق باذن الله تعين خير

بالنسبة للبيض تشترية ولاكن ضروري يكون ملقح وقابل للتفريخ

اول دفعة انتاج يعني تفقيس ربها وخلها تنتج لك البيض بد ما تشتريه

بيع الديكة وخل الدجاج ومع كل 6 دجاجات ديك

بالنسبة للادوية واللقاحات والحبوب

اقرب محلات بيطرة وزراعة يعطونك اللي تبي ويعلمونك وش الافضل وينصحونك بايسر الطرق

بالنسبة للبيع

باسواق الدواجن سعر الصيصان ابو 3 -10 ايام من 2 ريال الى 4 ريال

نصيحتي لك

اترك الفقاسات والانتاج تراه متعب ويبي له متابعة دقيقة ولو حصل ان الفقاسة

انقطعت عنها الكهرباء لمدة 1 ساعة تخسر كل البيض اللي بوسط الفقاسة ويفسد

انصحك تركز على الدجاج الخارجي اشتر لك كم طقم من كل نوع وربة وخله ينتج عندك الين يتكاثر وابداء بالبيع


صدقني ارباح خيالية ومشروع ممتع جدا وتتابعة وانت مبسوط ومرتاح

ومن افضل الانواع بالسوق واللي عليها طلب

دجاج البراهما





دجاج كوشن





دجاج سبرايت







دجاج صيني



دجاج سلكي




دجاج كوري






ولموضوع الفقاسات من البداية الى النهاية راجع الرابط

https://www.btalah.com/t398813.html


والله يرزقنا وياك من فضلة

سبحان الله وبحمده سبحان الله العظيم

وعليكم السلآم ورحمة الله وبركاته ..

حياك اخوي ..

بالبداية باختصر عليكـ كثر الحكي .. ماعلى كلام اخوي انا السعودي زيادة . .

بما ان لديك امكانية تحط بالسطح انصحك تخلي زاوية 5*5 مغطية بالكامل وتشتري فقاسة

فل اتماتيكـ صحيح غاليه لكن تستاهل جدآ ، اول فقسة اشتر بيض دجاج بلدي وثاني وثالث لحد

ماتتقن عملية التفقيس يعني اتوقع بعد 3 مرة بتكون عارفـ التشغيل ويبقالك شيء بسيط ومع الوقت

بتتعرف عليها ، سبب نصيحتي للبيض البلدي لان الطبق مايتعدى 22 ريال وتتعلم عليه ولو خرب معاك

مايخسرك كثير ابد .. بعد عملية الاتقان تبدأ تبحث عن مربين دجاج البراهما وتشتري منهم طبعا طبق

بيض البراهما غالي قد يصل إلى 400 تزود وتنقص لكن المعدل المتوسط من 250 ريال وفوق .. وتبدأ عملية

تفقيس لصيصان البراهما طبعا هو غالي جدا ويبغاله محافظة ورعاية ولكن لو تقرأ شوي بمواضيع تربية

البراهما بتفهم كل الامور بأذن الله .. بيع صوص البراهما لعمر شهر واقل يصل قرابة 50 ريال ..


- فيه كلام كثير ولكن ماقدر اذكره لك ولاسباب كثيرة منها النصيحة ومنها التوصية وفيها الكثير ..
- مايحتاج لك عامل لو كان الفقاسة لديك بسيطة ماتتعدى 150 بيضة وتماتيك مايحتاج لها متابعة شديدة
لان كل شيء موزون بس انت تكون حريص على عمل الكهرباء ووجود الماء للرطوبة في بعض الفقاسات .
- سعر البراهما يستاهل الواحد يشتغل عليه لو عنده وقت ومكان .
- التسويق لديك مواقع النت ومعروفة جدا جدا والتسويق فيها ماشي
- لو انعرفت بهذا النوع وتخصصت فيه بأذن الله ستعرف على مستوى المربين
- اقيام الطقم ( 2دجاج 1 ديك ) تتراوح اسعارها من 1200ريال إلى مالا نهاية .
- بعد توسع شغلك وتعدد الفقاسات تقدر تستاجر استراحة وتجيب عامل وتوسع المجال إلى تربية قطيع
- في البداية انتبه تربي من صيصانكـ لانها بتخسرك حاول تبيع اول بأول عشان يكون المردود مجزي للاستمرار


*طبعا سبب اختياري لهذا النوع شكله وسعره وقلة الامراض في بعض السلالات تجعله الاول في التربية بعد الدجاج البلدي .

اتمنى اني افدت الجميع ولكن تقريبا هذا الي ببألي واعذروني يالغالين لو قصرت عليكم بأي معلومة
أسألوا وبتحصلون جواب بأذن الله ..

واعتذر لردي كتبته على عجالة وعدم تسلسل الافكار وتوضيحها ..

حبيت اذكر :-

البراهما تتوفر نوعية جيدة في حالة بحثك الدقيق بين المربين ومدى خصوبة البيض .

السبرايت جدآ متعب من ناحية السلالات لانها قلة جدا واسعار شراء الطقم اغلى .

وهذي صورهم زي ماوضحها انا السعودي ..

السلام عليكم

من خلال تجارب العائلة الكريمة عندنا
المشروع متعب جدا جدا جدا
اولا الامراض كثيرة ونص البيض اللي في الفقاسة راح يفسد
لانك تحتاج مختص معاك مثل طبيب بيطري
والصيصان تموت بسرعة بعد التفقيص
يعني مثل ما قلت لك مشروع متعب جدا جدا ممكن أنا جاتني عقده من ذا المشروع الله وعلم
ودائما أقولها
أعمل بذكاء وليس بجهد

لو معك سيولة وتحب التربية أنصحك بتربية الأغنام والتسمين في منتديات متخصصه فيها
على الاقل عندك مواسم تقدر تبيع فيها وتقدر تقسم الحلال وتتعلم يكون لك خطوط إنتاج
شهري وسنوي وتقدر تستفيد من صوفها وحليبها والخ

والله يكتب التوفيق

انا بعد ما جلست عن العمل لاسباب صحيه ولله الحمد سويت فقاسه مكونه من 600 بيضه ولله الحمد نجحت وطلع صيصاان بس كان الفقاسه يدويه والحين بسويها تقليب اتوميتك بس مدري شلون اسويها اوتميتك احد قال لي جيب جك دوش وركبه على فقاسه انا جبيت جك دوش وحول للجك بس هو يطلع ما يزنل واذا تبيه ينزل لازم تقلب الاسلاك ... انا ابي من حضراتكم طريقه شلون اجعل جك دوش يوم يطلع فوق تلاقي ينزل لاجل يقلب البيض وشكرا لكم ياريت يكون شرح بصور واذا في فيديو مشكورين