[align=center][align=center]السلام عليكم ورحمة الله وبركاته [/align]
اسعد الله مسائكم بكل خير ,,,
اعزائي اعضاء منتدى حلول البطاله ,,,
ماعندي الا الله ثم انتم وقرأت اكثر من موضوع في هذا القسم يدل على مستوى الوعي والخبره التي يمتلكها اغلب الاعضاء بارك الله فيهم ,,,

رجائي وطلبي ان تساعدوني في مشروع يكون ناجح ويسد حاجتي علما بأني في وضع صعب جدا وبالمناسبه والدي يملك مجموعة محلات ومعها سكن عمال لم يتم تأجيرها وافكر ان اخذ محل من والدي وادفع له اجار سنوي اذا فتح الله علي المشكله طلبت الوالد وقال اذا جبت لي مشروع ناجح وتكون دارس جميع جوانبه ومتأكد من المكسب فيه بنسبة 100% تعال اعطيك محل من المحلات الموجوده بأجار طبعا ,,,

وفيه مشكله اصعب اللي هي ان المحلات تقع على طريق سريع طبعا مزدوج واناره بس بعيده شوي عن المنطقه السكنيه علما اننا في محافظه ناشئه في طور النمو وتعتبر متوسطه الى حدا ما ,,,

ملحوظه: والدي على قد حاله ماحيلته الا هذي المحلات له فتره بسيطه من خلصها ولكن ماحد رضى يستأجر المحلات الا بأسعار بخسه جدا المحلات كبيره عددها 4 ولكن جميع اللي طلبوا ستئجارها طلبوها كلها وبمبلغ 20 الف السنه وهذا فيه اجحاف شديد لوالدي مسكين حط شقى عمره في بنائها ومع ذلك ربي ماكتب له رزق فيها سبحان الله وبعد يأس الوالد انا طرحت عليه فكره الاستئجار منه و وافق بشرط يكون مشروع ناجح لانه طفش ومل من الفشل والخساره الله يطول في عمره وسلامتكم هذي كل السالفه ,,, [/align]

اسال الله لك التوفيق اخوي

حدد وين اشان نعرف وش نقترح عليك

وعليكم السلام ورحمة الله وبركاته
استنتج ان موقع المحلات في ديره وغير تجاري لذلك انصحك بايجاد طريقه اخرى للدخول بالتجاره.

شكرا لردودكم ولكن احتاج لاقتراحات وافكار واضحه اكثر بارك الله فيكم

اهل مكة ادرى بشعابها
خذ الخط السريع الي في المحافظة التي تقول عليها من اوله وشف وش اكثر نشاط تجاري دارج على هذا الخط

واذا في مجال للأقترحات فهو محل مواد كهربائية وسباكة

أفا ياذا العلم محد عنده افكار ومشاريع ناجحه اجل الحال من بعضه الله يعين ,,,

اذا منطقتك فيها معلمين ومعلمات فافتح مكتبة

ممكن تفتح مقهى مثل قهوة الطريق


ممكن محل لانارة السيارة وزجاج السيارة


الله يفتح لك ولوالدك ابواب الرزق الحلال ويبارك لكم.

من افضل المحلات على طريق السفر مطعم او بوفيه بس انت ما قلت لنا طريق السفر هذا يربط بين ايش وايش وكم تبعد كل واحده منها ونعطيك ان شاء الله وش افضل