يا جماعة ربي يوفقكم جميع ويارب تنقبلون

تكفون دعواتكم أخوي ينقبل معكم شبع عطاله

طوله 163 ..وسجلت له 165

والآمل بالله كبيييييييييييير تكفون ادعوا له معكم

ان شاء الله كلنا ندخل فيها يارب
والله يوفقنا ويوفقكم اخوي
عبدالعزيز عمر يعطيك العافيه
على المعلومات بصراحه كنت
انتظرها مشكور ..

السلام عليكم ورحمة الله وبركاته

يا أخوان تكفوون اللي عنده معلوومه يقولي
وش الأفضل في التقديم
جندي أمن أو راصد جوي أو شرطه جويه ؟؟؟

عيال الدوره بطائف ولا بتبوك .؟

عطالي بصراحه انا كلمة شخص فيها
قال شرطه جويه ورواتبها حلوه وعاليه وانا قدمت على
شرطه جويه ..

والدوره يا اخوي جوني بالطايف طبعا ..

لاهنت

مشكور يالغالي

بس فيه ناس قالت لي جندي أمن أفضل يقولون الشرطه كرف على كيف كيفك ههههههه

ربك ييسرها

بالتووووووووفيق

سلام عليكم صباحكم الله بالخير

يقولك المثل اسال مجرب طبعن بواقع تجرباتي في تسجيلات القوات الجوية اول شي باجوابكم على استفسار اشوفه تكرر كثير الي هو نسبة الثانوي المطلوب ياشباب نسبة ثالث ثانوي خص نص يعني نسبتك حقت ثالث ثانوي ماهو التراكمي فهمتو

ثاني شي انا عاطل من عام 1430 يعني هل حين اربع سنوات عاطل اه بس الله يسر لنا يارب
المهم مرتين طلع اسمي في القوات الجوية يعني قبول مبدائي السنه الي راحة والي قبلها

وراح اشرحلكم كل شي طبعن انا كنت مسجل رصد جوي وللامانه حبيت اوضح لكم الراتب حق الرصد الي يقولكم 7400 مع الاسف ياليتك تقول الصدق احسن لان اقوى راتب شرطه جويه وراتب الشرطه الجويه مايتعدا 6200 وهو اقوى تخصص من ناحيت الراتب ويجي بعده الرصد طبعن راتب الجندي مايتعدا من 5500 الى 5900 فقط للجندي عشان تكونو في الصوره

طبعن ماهي والله تحطيم او شي لاكن انا هنا عشان اقولكم الصراحة بدون مجاملات
السنة الي فاتت طلع قبولي مبدائي وفراحت فرحه مايعلمها الا الله لان جميع الشروط تنطبق علي تمام المهم جاء موعدي الاول ورحتلهم القاعده الجويه ومشت الامور وبعد الموعد الاول باسبوع قالو بيتصلون على الي يعدي المقابله الشخصيه بنجاح المهم اثاريهم مايتصلون ولا شي والي اعتمد على اتصالهم راحة عليه بعد الاسبوع الا انا مسنتر عند القاعده وشوف ورقه معلقه على البوابة الخاجيه واشوف اسمي من ضمنهم وقتها بغيت اطير من الفرحه المهم الي لقا اسمه يعطونه اوراق الشيخ والمستشفى ويوم اعطوني قلت خلاص اكيد اني في الدوره مافيها كلام وخلاصنا اوراق الشيخ و موعد المستشفى والحمدلله نتيجت الفحص لائق قالو خلاص راح يصير فرز نهائي في الرياض والي ينزل رقمه خلاص في الدوره وتنزل الارقام في الموقع حقهم ويوم نزلت الارقام للاسف الشديد مانزل رقمي
يعني تخيلو المرمطه واكثر من مره مراجعه
وسفرايات واخر شي يفوز ابو واسطه على المسكين الي تعب ولاحد يقولي نصيب ومدري وش
ادري نصيب لاكن الواسطه فوق النصيب والنظام واي شي اقسم بالله تشوف الواسطه بعينك
تخيلو في ناس ماطلعت اسمائهم في القبول المبدئي وجايين بدون استمارة واسالهم كيف تجي بدون ماطلع اسمك اكيد عرفتوهم الي متغذين فيتامين (و) قال اعرف الضابط فلان ههههه حسره علينا

وطبعن ماهو بس في القاعده جميع التقديمات الي رحتها عيني عينك يقهروك اخ بس

المقصود من الكلام من تجرباتي يعني الواحد منكم اذا انقبل لا يفرح واجد ويعلق نفسه وبعدين ماينقبل ويتحطم يعني سوى الي عليك والباقي على ربك واذا كتبلك الله الرزق بيجيك ولو بعد حين يعني سجل ولاتحط في بالك انك بتنقبل وتدخل ادوره وتصير تفكر في الزواج والسياره وبعدين مايتحقق حلمك وانما وكل امرك لله ولاتفرح الا لمن تشوف اسمك في الدوره

واتمنا ماثقلت عليكم

واي استفسار انا جاهز يالغالين