28-11-2012, 10:25 PM
|
عضو متواصل
|
|
تاريخ التسجيل: Dec 2011
المشاركات: 43
معدل تقييم المستوى: 27
|
|
اقتباس:
المشاركة الأصلية كتبت بواسطة ترند هابط
استخر الله عزوجل انت واخوك قبل كل شي والله يسهل الامور
اخوك عاطل لكن انت عندك جامعه بتقدر تواظب على دوامك بالمحل ؟ هذا الشي فكر فيه
نجي للمحل - حاول يكون فيه كثافه سكانيه - ولو حي شعبي ترى كويس وبيكون اجاره معقول
الديكور لا تتكلف فيه وخليه خشب وعليك بالسفر المرسوم عليها الفواكه وبتضبط مع مرايه - والحين شتاء وعلى حسب منطقتك اذا كانت بارده فانت منت بحاجه لمكيف حاليا
هي تجربه ياتصيب يا تخيب فوالله لو بقى معاك المبلغ كم شهر راح ينقص تدريجياً فاستثمره بشي يفيدك
راح تكتسب خبره + ممكن يكون هالمشروع باب خير عليك
المحل الاول راح يبي له جهد وتعب - لكن خليك متفائل وعندك امل ونظره مستقبليه - فلو نجح المحل الاول فكر بالثاني والثالث الين بس عشر محلات - لو كل محل تطلع منه باليوم 100 ريال مكسب راح يكون دخلك 30 الف ريال - بتقول كيف اقولك كيف
لو حطيت جهدك بالمحل الاول انت واخوك وربي اكرمكم فكروا بالثاني اخوك يمسك المحل الاول وانت تمسك المحل الثاني بدوام جزئي وتجيب معاك واحد ثاني شغال معاك وتعطيه راتب اذا اشتغل المحل راح يكون بينك وبينه الربح - فممكن الربح يغطي اجار المحل واجار العامل والمتبقي لك اذا ضبط شغلك - نفكر بالثالث - الحين انتم عندكم محلين شغالين وربحانه ممكن تفتحو محل ثالث بحيث اذا مااشتغل تكون الاثنين تغطي الثالث بيكون المحل الثالث - طريقة عمله - عامل خاص فيه شغال + ايجار محل + كهرباء + وانت لو يصفى لك 100 مكسب حلو
نمشي على هذا النمط الين تكون كذا محل واتفقنا وقلنا 10 محلات
الحين احنا بنغير النمط شوي يبي لكم باص منزوعة المراتب - وقت حراج الخضار تشتري بالجمله مثل طماطم تشتري نقول 20 كرتون بتطلع عليك ارخص - وقيس عليها جميع انواع الخضار - انت بهالحاله راح تكون اسعارك مثل اسعار محلات الخضار بلحلقه لانك ماخذ كميات بسعر الجمله - وراح يكون اسعارك في متناول الجميع ومنافسه وعليك اقبال
اتمنى اتمنى وصلت الفكره لاني كاتب على السريع وبدون تركيز
ابداء الخطوه الاولى وتوكل على الله وخلي عندك طموح وراح توصل هدفك بامر الله
وفقك ربي
|
الله يوفقكم على الردود ما تقصرون والله عاجز عن شكركم ... يا لبى قلبك يا ترند هابط والله كلامك دورر ....الله يسعدك دنية واخرة
|
العرض العادي
