الخضار ؟؟؟؟

هتلر الشهري · #1 (**permalink**) 27-11-2012, 09:32 PM

السلام عليكم ورحمة الله وبركاتة يا قوم

شباب اانا طالب جامعي وعندي اخوي الصغير ينتظر العسكرية

نويت افتح محل خضار .... فترة الصبح على اخوي والمساء علي انا

السوال هل الخضار فية ربح مضمون من بعد الله سبحانة

د التركي · #2 (**permalink**) 27-11-2012, 09:45 PM

الله يوسع عليك
اي والله فيه ارباح خيالية
تروح لحلقة الخضار قبل صلاة الفجر وانتظر الحراج
وشف الأسعار بالكراتين ،،
وقرر فتح محل حتى لوا تستأجر زاوية في سوبرماركت
والبضاعة ٥الاف تكفي للمحل لمدة ١٥يوم
وحسب المحل
تشتري بالكرتون وتبيع بالكيلوا

راح تعين خير بس عليك بالصبر

هتلر الشهري · #3 (**permalink**) 27-11-2012, 09:55 PM

اقتباس:

المشاركة الأصلية كتبت بواسطة د التركي

الله يوسع عليك
اي والله فيه ارباح خيالية
تروح لحلقة الخضار قبل صلاة الفجر وانتظر الحراج
وشف الأسعار بالكراتين ،،
وقرر فتح محل حتى لوا تستأجر زاوية في سوبرماركت
والبضاعة 5الاف تكفي للمحل لمدة 15يوم
وحسب المحل
تشتري بالكرتون وتبيع بالكيلوا

راح تعين خير بس عليك بالصبر

جميل جدا يعني يحتاج المشروع حوالي 12 الف في اعتقادك من بضاعة من ايجار ......الخ

وفي المستقل كم تتوقع الربح في الشهر

د التركي · #4 (**permalink**) 27-11-2012, 10:32 PM

أهم شي الموقع وأجار المحل
أما البضاعة رخيصة جداً،،،والأرباح تلاحظها شهرياً
ورأس المال بيرجع عليك بإذن الله في شهر او شهرين حسب
مدخولك يومي وحسب البضاعة المشتراه باليومية
لأنك لازم تكون متواجد بالحلقة وتشتري من الحراج
وتزاود مع الناس حتى ترسي عليك البضاعة
أو تتعرف على أصحاب مزارع وتأخذ محصولهم من طماطم
وخيار ونحوه ..أو تتعرف على المحرج وهو يختار لك البضاعة الطيبة
ويبيعها عليك قبل الفجر ولا يدخلها الحراج
وتعطيةاتعابة

أهم شئ لا تفكر بالأرباح على طول
فقط اجمع المبلغ وبعد شهر شف كم الصادر والوارد
كم مصاريفك وكم مصاريف المحل والعامل

توكل على الله وبإذن الله راح تعين خير

سلامكو · #5 (**permalink**) 27-11-2012, 11:27 PM

والله ياخوي ان هل المشروع يراودني من زمان وفية فتره اشتغلت فية لمده شهرين كل يوم جمعة بعد الصلاه تصدق مره اشتريت من الجملة بضاعة كلفتني 475ريال بعتها 966ريال في خلال ساعة ونصف والله ان فيها خير والي الامام

محمد ع س · #6 (**permalink**) 27-11-2012, 11:35 PM

اي من الخضار افضل تباع الجمعه بعد الصﻻة

عطرجي · #7 (**permalink**) 28-11-2012, 12:25 AM

أذا راس مالك صغير لاتفتح محل

تحتاج ونيت وكل يوم جمعة تبيع عند المسجد

لان فتح المحل وماعندك خبرة وراس مالك صغير مخاطره

سوار الذهب’ · #8 (**permalink**) 28-11-2012, 03:12 PM

ان شاء الله تحصل اللي يفيدك

ناصرررررر · #9 (**permalink**) 28-11-2012, 07:10 PM

سلامكو;والله ياخوي ان هل المشروع يراودني من زمان وفية فتره اشتغلت فية لمده شهرين كل يوم جمعة بعد الصلاه تصدق مره اشتريت من الجملة بضاعة كلفتني 475ريال بعتها 966ريال في خلال ساعة ونصف والله ان فيها خير والي الامام

الله يوفقك

ام رنووو · #10 (**permalink**) 28-11-2012, 08:05 PM

بس ضروري تشوف مشكلة الترخيص ولاترى البلديه
تترصد للسعودي بكل مكان ولاالهنود ماخذين راحتهم بكل مكان
فيه سعودي غلبان كان جنب بيتنا يبسط بسيارته جنب البقاله يبيع حبحب
ترصدو له لين استاجر مكان بالبقاله وصار يبيع فيها
طلع ترخيص واستاجر بطرق نظاميه حتى ترتاح من البلديه
وتجارة الخضار والفواكه فيها خير بس يبيلها جهد وصبر

الله يوفقكم ويسهل رزقكم يارب