السلام عليكم ورحمة الله وبركاته.
اخواني ابناء وطني الكرام...
كما في العنوان عطونا نصايحكم وتجاربكم
وكم الحد الادنى من رؤوس الاغنام لتظهر نتائج مرضيه
هناك من يقول اذا ماتوفر300 راس اقل شي ولا ماتستفيد

اود ان اربيها ان شاء الله فب مدينة الجوف والبيع خارج المنطقه.
والله يرزق الجميع من واسع فضله.

والله شوف مسالة الرزق والله ما ينزلك ريال من السماء الا بامر بالله ..... اهم شي توكل على الله


الولد عندة شبك ... وانا ا اشوفة يستفيد الا في الاعياد والعطل يعني يطلع في السنة حولي 40 الف وشبكة مو كبير


هذا والله اعلم

الله يوفقك ويوسع رزقك

الله يرزقك

اذا شريت ال٣٠٠رأس كم بيكون تحتها
لأن الفائدة باللي معها
ولازم يكون عندك دخل جامد حتى تصرف عليها
بالشهر ١٠الاف ريال
حاول تأخذ ١٠٠وتحتها ٥٠او اكثر
وتنتظر سنة وتشوف كم وصل العدد
لأنها راح تتعبك بالضرمه والأمراض والموت لاقدر الله
ومصروف العامل ،وال٣٠٠رأس تحتاج عاملين وضرمة ١٠الاف بالشهر
ووايت ماء
........

مرحبا أخوي بفيدك باللي أعرفه واحد من الاصدقاء بدء برأس مال قرابة عشرين ألف وأشترى ماعز وتيوس وحسب لي الجدوى بعد خصم راتب الراعي و الاعلاف والماء وخلافه , كانت بحدود 700 شهريا مربح صافي يعني حدود 25-30% أتمنى أكون أفدتك ,,

الله يوفقك ويوسع رزقك

الله يفتح لك ابواب رزق لاتعد ولا تحصى ولا تغلق .. بالتوفيق دامه بالحلال الله يكثر رزقك

موفق يارب

توكل على الله البيع والشراء بالحلال
فيه بركه كثير والد واحد من اقاربنا كان يبيع ويشتري
بالحلال استاجر حوش وحط حلاله وعامل الله فتحها عليه وكون
راس مال كبير وترك الحلال صار يشترى اراضي وعقارات
ويبني فلل ويبيعها مشاء الله بدايته كانت بالحلال وبمبلغ بسيط
امكن مايتجاوز عشره الاااف
اسعى ياعبدي وانا اسعى معاك
ان رح تجتهد وتصبر لاتتردد استخير والله يختار لك اللي فيه خير

والله وانا اخوك الحلال فيه ربح لو تصبر عليه سنه لأنه كل 6 شهور تحذف النعجه ان ماخاب ظني..
بس يبيلك تحطلك ميزانيه مصاريف له يبي علف ويبي وايت ماء ويبيله عامل ويبيله تعب ماهو بيووم وليله تلقى الفايده فيه وانا أتكلم لك بصفتي نسبه كبيره من الي اعرفهم عندهم حلال والحلال لازم تتابعه واذا مرض تعالجه يعني لازم تفضي نفسك له والخير فيه مافيها كلام لأكن احسب مخراجك قبل مدخالك وانت سالم واتمنى افدتك