السلام عليكم

مشروع مكتب تاجير سيارات يعتبر مشروع مربح ومجدي

طبعا تشوف لك معقب يستخرج لك رخص من وزار النقل للمكتب تاجير سيارات

تقوم وتستاجر محل وتأثثة طاولة وكرسي اثاث مكتب

الائجار مه تجهيز مكتب نقول يكلفك 20 الف

يبقى 80 الف

تشتري سيارات صغير اكسنت مستخدمه موديل 2008 و2009

تحصل الوحدة ب 20 الف

تشتري 4 سيارات اكسنت

وبعدين تتطور وتجيب لك جيوب وغيره

الدخل الشهري المتوقع 15000 ريال

كل مازاد عدد السيارات كل مازاد الدخل

اتمنى لك التوفيق

واذا اردت معلومات زيادة تواصل معي على الاص

موفق خير

رجل أعمال شاكر مرورك وفكرة جيدة الحقيقة ولكن أحتاج تفاصيل هل عندك خبرة بهالمجال تفيدني فيها

رجل أعمال شاكر مرورك وفكرة جيدة الحقيقة ولكن أحتاج تفاصيل هل عندك خبرة بهالمجال تفيدني فيها

أخوي سلطان ألف شكر لك على المشاركة ياليت لو عندك أفكار أخرى تكلمني فيها

يارجال عندك ورشه حداده بتكلف عليك تقريبا 200 الف والآن المملكه في طفره عمرآنيه هائله وكل بيت يبيله درآيش وخرآبيط وعليك الحسبه..

والآسهم يارجال حلالك قدامك على شاشه ولافي يدك شيئ ان خسر ولو فيها خير الأسهم ماعلقت نص الشعب السعودي وهي لعبه هوامير والضحيه الشعب الضعيف..

والعقار لو اشتريته بتخليه سنه سنتين ثلاث ماهو جايبلك دبل وثري مادفعته والمشروع يارجال فيه الربح والخساره والجبانه محدن يحبها وفيه مقوله لواحد من اخواننا في هذا المنتدى استفدت م

بشكل غير طبيعي الي هي يقولك لو نشدت واستشرت الي يقرب لك أي بمعنى شخص قريب لك بيخاف عليك من الخساره ويخوفك من الخساره ولو استشرت تاجر ماراح يعطيك العلم الوكاد

لأنه يبي الخير لنفسه والحمدلله ماهم كلهم سوى ألا من رحم ربي فيهم خير وبركه وسلامتك ياطويل العمر

بيض الله وجهك ماقصرت أخوي وكلامك سليم 100% تحياتي

مشروع التاجير جيد

تحتا ج مكتب وسيارات فقط

وطبعا مافيه خسارة إن شاء الله

لاكن لو خسرت لاسمح الله راس مالك موجود تقبل مكتب وتاخذ فلوسك

والسيارات تبيعها وترجع لك ال80 الف

اتمنى اني افدتك وشكرا

في مشروع عندي بيع فساتين نسائيه سهرات طبعا المشروع تقليدي لكن عندي جوهره تخليك مميز عن المحلات الثانيه وباذن الله خلال 5 شهور واقل راح تطلع راس مالك صافي وربح لا يقل عن 500 الف ريال راح نستثمرها في صناعة ماركه للفساتين خاصه بالمحل من الصين او تركيا اذا اعجبك الفكره مدري مسموح احط رقمي ولا لا طبعا المشروع له اكثر من سنه براسي اذا انت جاد هذا رقمي انا بمنطقة القصيم بشرط يكون المشروع موقعه ببريده
0546556781
محمد الشامان

احلى واحلى جعل ايامك كلها حلوه

بعطيك مشروع وفي الاخير بعطيك نظره بالاسهم

مشروع يكلفك حدود ال 70 الف اللي هو التوزيع

تاخذ لك باص مستخدم بحدود 30 الف منزوع المراتب - تروح للشركات - مثلا - عصيرات الربيع - بيبسي - مويه

لكني افضل تشتغل في البساكيت - جالكسي تويكس وسنكرز وطقتها مع البطاطس فش فاش واخواتها
نرجع لشركات مثلا وقت الصيف - ناخذ المويه من الشركه وتسوي مثلا معاه عقد او اتفاق انك تاخذ منهم بسعر المصنع وانت تصرفه كانك مندوب لشركه لكن تعمل لحسابك الخاص وبعدين هالشركات راح تعطيك عروض لك فمثل لو اخذة 100 كرتون ببسي ممكن تاخذ 5- 10 مجاناً وكذلك المويه - او اي سلعه من المصنع

المستهدفون - المحلات التجاريه البقالات - البوفيهات - حتى السوبر ماركات -

انت ممكن تلقي في بداية الامر صعوبه لان السعودي غير مرغوب فيه واغلب المحلات هذي اصحابها جانب لكن بسعرك راح تفرق لانك راح تاخذها من المصدر حتى لو بعت في البدايه براس المال لكن راح تكسب زبائن

اذا فرضنا - اخذة الباص ب 30 الف ممكن تبداء ب 30 الف - وممكن تستاجر مستودع صغير بال10 المتبقيه ومو شرط مستودع فممكن تخليها عند الشركه وتسحب منهم بشكل يومي
لو فرضنا خسر المشروع عندك باص منزوع المراتب ب 30 الف راح يجيب لك راس ماله - حتى البضاعه ممكن تبيعها براس مالك - يعني ممكن تطلع خسارتك الجهد والوقت لكن الاكيد راح تكسب خبره ومعرفه

في حالة المكسب راح تكسب خير وشوفت عينك الاجانب من هالشغله معينه خير مايعلم فيه الا الله حتى لو استعنت بالبدايه بواحد هندي موزع لكن بشرط ياخذ الراتب فقط مبدئيا وبعدين عموله بسيطه وحاول تدخل شاب سعودي مرافق للاجنبي فيما بعد عشان يفهم الشغله وتعتمد على السعودي في حالة لعب الهندي بذيله

اتمنى وضحت الفكره اخوي احلى

اما الاسهم

انا اعتقد ان التحليل الفني يمشي مع السوق واللي يقول لك غير كذا فهو جاهل واغلب الهوامير هي اللي تنشر هذا الكلام ان التحليل الفني لاينطبق على السوق السعودي - فالمشكله احنا نعتمد على توصيات الاخرين ولاندري هل هي تصريفيه او لا - لكن لما يكون عند الانسان اطلاع ولو بشكل بسيط ويعرف متى يشتري ومتى يبيع فهذا هو الشي الصحيح ويعرف النقاط اللي يدخل عليها - والمهم الاهم وقف الخساره فممكن تخسر الف لكن تتامل انه يرتد او يقلص خسارتك لكن بدل ماتخسر الف خسرة خمسه بسبب لم تفعل وقف الخساره
ومشكلتنا الطمع والحلم بالثراء - اسواق المال خذ رزقك وحط رجلك وقفل هذي الصفقه بربح وادخل صفقه جديده حتى لو اليوم الثاني مو شرط بنفس الجلسه

وفقك ربي واعذرني على هذه المداخله

أخوي محمد الشامان يعطيك العافية ماقصرت فكره جيدة ,,, وبيكون التواصل بينا