[align=center]السلام عليكم ورحمة الله وبركاته

اتمنى تلقون لي حل مع هالمشكلة

انا انضميت الى حافز في شهر 7 من سنة 1433

وصرفوا لي شهر 7 (2000) ريال

وشهر 8 نزلوا لي 1800 بحجة عدم الدخول الدوري للموقع

وشهر 9 بعد نزلي 1800

وقطعوا عليه حافز وقالوا السبب انك خرجت من دورة تدريبيه
وانا والله لادخلت دوره اصلا ولاخرجت وش السالفه دقيت عليهم قالوا راجع الموارد البشريه وطالعت السالفه نصبه !!!

والموارد البشريه قالوا نعتذر عن اللي صار وارجع سجل في اعادة الاهليه في موقع حافز
قلت طيب ماعندي مشكلة وسويت اللي قالوا لي عليه ودقيت على رقم حافز وقالي الموظف اني لازم انتظر ثلاث شهور حتى يتم قبولي

وفي شهر 12 ذي الحجه جاتني رساله من حافز يوم 20 من شهر 12 وقالوا لي انه تم انضمامي مره اخرى للبرنامج وانه يتوجب عليه الدخول الدوري المستمر

و صرت ادخل بشكل يومي لين يوم 5 محرم 1434

ونزل لي 1800 ريال

المشكله في ان المبلغ المفروض انه يتجدد (2000) اذا انقطعت عن البرنامج ورجعت له وهذا بنص البنود والشروط في موقع حافز في الاسئلة المتكرره

وانا والله ما ادري وش اسوي

للمعلوميه انا دقيت على حافز وردت عليه وحده اخلاقها خاااااايسه قسم بالله ياخوان تقول اني متصل بجوالها والله حسيت انها حافز ينزل لي من راتبها

وانا اكلمها والله بكل ادب وقلت لها السالفه وقلت ابي اسوي اعتراض
تدرون وش ردت عليه وقالت:

خلاص خلاص حافز راح يرجع لك من الشهر الجاي 1900 والشهر اللي بعده 2000 يعني الزياده كل شهر 100 ريال
شكرا على اتصالك خذ التقييم معاك

انا والله كنت راح اخربها في التقييم لكن الصراحه انها ما عطتني لا تقييم ولاهم يحزنون صكت بوجهي

انا فكرت في كلامها والله لو بنقالي مايصدق

اذا هم بينزلون كل شهر 100 ريال لين ما تكتمل ال 2000 ليش مانزلوا اول شهر 1900 اللي هو شهر (12) ليش يخلونها الشهر الجاي
ايش يعني يبون يحسسوني اني غلطان ......

اسف والله ياخوان على الاطاله لكن والله من حر مافيني

ياليت تعلموني كلام البنيه صحيح ولا لا زم اتصل واسوي اعتراض لأني قريت في الموقع انه اذا خصم على شخص بالخطأ يتم تعويضه في الشهر القادم بكامل المبالغ المخصومة

مناقض جدا لكلام البنت..!!!!


وسلامتكم [/align]

إذا كان هم غلطانين بالخصم قدم على أعتراض وراح ترجع كامله ومره وحده مو مثل ماقالت البنت

يافديت راسك يالخبير والله اني قايل ماينفع الا بتقديم اعتراض

امسطهم باعتراض على التلفون وخلهم يعطونك رقم الشكوى حتى اذا راجعتهم تعطيهم رقم الشكوى ثمن تزبط امورك ويرجعون دراهمك
همن سيدا على كودو هههههههههههه

عليكم السلام ورحمه الله وركاته

اتصل عليهم

الله يعينك

كلمهم مرة ثانية راح يرد عليك شخص اخر غير الي رد عليك وافهم منه زين وش السالفة

والله يعينك يارب

قدم أعتراض ولا تنتظرهم و أشرح لهم أنهم قطعوها عنك في الاول بخطاء منهم

اتصل عليهم خلهم يعطونك رقم الاعترااااض الله لا يوفقهم

بيض الله وجيهكم والله لايهينكم على المساعده

لا خلا ولاعدم