السلام عليكم
شباب لاهتنو انا تخصصي دوريات امنية ورتبتى وكيل رقيب وانا حاليابالدوره بالمدينة المنوره
ممكن اعرف وش طبيعه عمل الدوريات وكيف الدوام حقهاا ومع البدلات

طبيعة العمل في الغالب يكون إستلآمات شفتات
دوريات في الشوارع تستلم لك دوريه وتمسك لك مربع سكني وتجلس تدور فيه
بتمسك لك ياجيب يافورد وتجلس تلفلف أحيان يكون معك خوي في السياره وأحيان تكون لحالك
المربع السكني فيه من دورية إلى ثنيتن أربع ست ماتدري تختلف حسب مساحة المربع
السكني أو الحي شغلتكم الحفاظ على الأمن وأي مشكله سواء سرقات
أو مشاكل أو مضاربات أو تفتيش يعني من الأمور في هالمربع تكون مباشرة الحاله
من جهة الدوريات المسؤوله عن المربع لك فترة إستلآم محدده ست ساعات أو أربع على حسب
التعيينات تكون في المدن أو المحافظات يعني المراكز الصغيره أو القرى
أو المناطق النائيه لآ مافيه
بالنسبه للبدلآت والراتب ماعندي أي خلفيه يجي من يفيدك بالتوفيق لك ياصاحبي

الدوام 6 في 24 وبعد اربع ايام عندك يومين راحه
الراتب ما عندي خلفيه عنه لكن توقع حول 9 الاف
الدوريات كل اللي فيها نفسيه لان كل شهر بتدخل الدوقيف كذا مره توقيفها واجد
تفتيش كل اربعاء على القيافه والذقن وغيرها
من غير لو ينسرق مربعك اللي مستلم فيه بتدخل التوقيف
لانك لو تلف المربع ما بينسرق

فيها شي حلو تعمل تاخذ تعديات
تجيب سياره مسروقه او مطلوبه تاخذ تعديه 24 ساعه
سياره مسروقه بسواقها او حشيش سرقات شي دسم تاخذ 3 ايام تعديه
تجمع ايامك مع الاوف تطلع 10 ايام
واي استفسار حاظر انا لا اعمل في القطاع نفسه لكن خوياي بالشقه يعملون بالدوريات

بيض الله وجيهكم على الردود الحلووووووووه

افادوك الشباب