اعتقد قنصل عنده رغبة في تخريب الموضوع

عمومااا منورين جميعااااا

السلام عليكم ورحمه الله وبركاته


والله انا ودي ان البنات يسوقون بس الله يهديهن في بعض بنات طبعا مو الكل
لو عطيناهم الحريه وخليناهن يسوقن الله يهديهن يخربن على الباقيات بسب تصرفاتهن
الغير لائقه
وطبعا الخير يخص والشر يعم
يعني سواقه مافيه دام في بنات يتصرفن غلط ومو بقد الثقه والحريه اللي
عطوها اياها اهلها
يعني مالنا غير البر نسوق فيه خخخخخخ

اعيد واكرر موكل البنات مو كل البنات البعض فقط <<< (خايفه تنطن فوق راسي )

وبعدين وش تبن السواقه دام عنكن اللي يخدمكن

بصراحه انا عندي فكره يسمحون للبنات
بشرووط<<(متاثره بحافز)
يعني يعطون تصريح للبنات اللي ماعندهن ولي يخدمهن
مثل اخ او اب يقضي مشاورهن
يسلمونهن سيارات مخصصه وتصاريح للفئه هذي
اما البنات الفسقانات اللي يبن سيارات علشان اسواق وجمعات قهاوي وعروس
هذولا لا لاتعطونهن
شكرا على الموضوع واتحات الفرصه لنا بالنقاش >>>(وخري زين )



تحياتي

مصيرنا نسوق أنا ودي أمي تسوق وننفك من أزمة رجال تعال ودينا وجيبنا او سواقين قليلين أدب

متى بس يسمحون للأمهات يسوقون والحريم فوق 50 عشان يعني يدبرون بناتهم

انتم تقولون صعب لا مو صعب اي ام بكرت العائلة يسمح لها تسوق عشان هي تحتها رعيه تقضي اشغالهم

بعدين عادي حتى لو خربت سيارتها وش فيها بيصلحها لها ولد مثل عيالها مابيصير شي
وش فيها يعني هذا ولد جيرانا يسولف مع أمي يوم يفك لها باب البيت ويقضي اغراض بعض الاحيان ويدق الباب ويعطيها مثل امه وش فيها

بس العيب مو كذا العيب ان اغلب الناس فيها سوء الظن مثل الي لقي حرمته مشتركه بقروب واتس اب عن نصائح لحياة زوجية سعيدة والمسكينه تثقف عشانه ومشتركه بهالخدمه عشانه راح وطلقها

مصيبتنا مافي ثقة واذا انعدمت الثقة خلاص اجل ام كبيرة فوق 50 ماتسوق سيارة ليه ليه وأركب مع بتقاليد نذل مسموح وين الغيره من الرجال

صراحه أنا اكره الولد الي يسوي رجال وهو مايااخذ الام وبناتها لمشاويرها

يعني انت ماتبي تنفع خلي الدوله تصدر قرار للوالده تطلع ليسن سواقه
وتروح مع بنياتها مشاويرهم

يوم يقولون مافي سواقه للاامهات مانبي إحنا بس أمهاتنا ليه لا لكن في يوم بتسوق أمي ونستغني عن مطالب هالسواقين والإخوان ونرتاح

والحمدالله دام متحجبين وحافظين نفسنا ومحترمينها مايهمنا احد

واعتقد انه ماهو حرام السواقه عطوني دليل بتحريمها

فقط الأمهات والنساء فوق 50 فقط فقط

اصلا من حلول البطاله سواقة الحريم

حرمه ام 50 سنة تطلع لها باص تجمع مدرسات الحي او طالباته

يعني الهندي احسن يوم يجمع الطالبات

كثير كثير امور لتنحل ويبقى الامر ليتحقق في يوم بإذن الله

مثل البر ناس من للجماعه بالديرة الاغلب معهم سيارات عادي جدا ^_^

وسلامتكم *

نملة جوعانة منورة ياقلبي والله يعطيك العافية

فعلا الخير يخص والشر يعم ,, صدقتي عاد حنا بالسعودية مو ناقصين تشوية سمعه

حنا واحنا ما سقنا وما سوينا زي الدول المتحررة الا اننا ماشاء الله مخربين سمعتنا بكثرة الكلام والتسليط فقط على الفئة الشينة والتعمييييم .. على الرغم ان هذيك الدول عندهم زينا بس لانهم ما يتدخلون بأحد فعيوبهم مستورة ..

اختي الفيصاء الله يعطيك العافية منورتني ..

فعلا لو أمهاتنا يسوقون كان انحلت مشاكل كثير وفعلا ان مشاكل هالسواقين الله يكفينا شرهم يارب

والله صرنا ما حنا عارفين الصح من الغلط نحلل شئ محرم الي هو ((السواق الاجنبي )) ونحرم شئ ماصدر عنه تحريم بوجة الخصوص (( قيادة المراءة )) ..

شاكرة لك اختي الفيصاء ..