29-11-2012, 12:44 PM
|
عضو متواصل
|
|
تاريخ التسجيل: Jun 2011
المشاركات: 52
معدل تقييم المستوى: 28
|
|
بسم الله الرحمن الرحيم
انا حبيت ارد عليك لاني عندي حب بدراسة الجدوى وتكاليف المشاريع
شف اول شي بخصوص الصالون لازم تعرف سعر اجار المحل كم يكلف بالسنه
ثاني شي تكلفة الديكور للمحل
ثالث شي تكلفة احتياجات الصالون من طلبات
انا قبل فتره كنت افكر افتح صالون فرحت سالت بمدينتي عن الاسعر
لقيت الكرسي بين 1500 الى 3000 ريال وحسب اختيارك انت
شف احتياجات المشروع عباره عن
كراسي حلاقه
مفاسل
الة حمام زيت للشعر
الة بخار للوجه
استشوار
مكائن حلاقه
الة تقيم للامواس والمشوط
كرسي اطفال حلاقه
طقم كنب للانتظار
وجل الحلاقه واحتياجات الحلاق الصغيره
بخصوص التكلفه على حسب انت وش تبي وكم عدد الكراسي بالمحل انا كنت بفتح صالون 5 كرسي كان بيكلفن كل المشروع مع كرسي غسيل شعر 17000 ريال وانا رحت لمحل ببريده شلون لو رحت لجده او الرياض عند محلات الجمله الكبيره بتكون قسمت نصف السعر
نجي للديكور موشرط الديكور يكون مكلف عشان يطلع فخم هي على الذوق بس
انت وذوقك راح تحدد السعر التكلفه انا بعطيك مثل للديكور الجميل
الجدار الي عند المغاسل حط عليه ورق حائط حلو مكون من لونين والجدران الثانيه حط كل جدار لون لحاله من نفس الوان ورق الحائط
اما العوازل بين الكراسي حط العوازل الزجاج المنقوش وختار نقشه حلوه واهتم بالاناره الجانبيه للصالون
ونجي للاجابه على الاسالتك
السؤال الاول اجابته ماسبق
السؤال الثاني اجابته في محلات واجد مختصه بس بادوات المشاغل والصالونات
السؤال الثالث تقدر تطلع باسم امك بس تكون مسويه لك وكاله على فتح الصالون ومراجعة الدوئر الحكوميه بس
اتمنى اكون افدتك لو بشي بسيط
|
العرض العادي
