السلام عليكم

انا دخلت كلية الملك فيصل الجوية هالسنة الحين لي عندهم ثلاث شهور
والي موب عاجبني فيها ان التعيين الطيار فيها مايكون فالرياض ( تبوك خميس مشيط...)
وانا سحبت ملفي من جامعة الملك سعود
فسؤال هل اقدر ارجع الجامعة

ارجوكم والي عنده اي حل او نصيحة لايبخل علي فيه

ياخي والله حرام عليك

ضابط طيار وتتركها , صدقني راح تندم

والنقل ملحوق عليه تقدر بعد فترة تطلب نقل

وصدقني ربي راح يسرها لك

أتمنى كلمتي تكون عالقه في بالك وماتنساها ماحييت

اصبر وانا اخوك وليس كل مره تنال على مثل ها الفرصه صدقني سوف يشيب راسك يووم من الايام وتبكي من الندم

[align=center]
: : :

: :

معليش أخوي لكن شلون حكمت أن تعينك ب خميس مشيط والا تبوك !

و أنت للحين ما تدري أنت طيار حربي والا نقل والا عامودي !

أنا أقول أمسك نفسك كلها 3 سنوات و أنت معلق النجمة

الجامعة بتجلس 5 سنوات أقل شي , غير مشوار البحث عن وظيفة

في الأخير أنصحك لا تستعجل , ولو طلعت راح تتحسف

ب التوفيق لكك
[/align]

الله يجزاكم خير على النصحية ماقصرتوو

يارجال شد حيلك والله ان الي مو بوظيفة انه في نفسية اسأل مجرب احمد ربك ليل وصباح انك بتتخرخ ضابط اه اه بس لو يرجع زمن شوي

يا حبيبي انت الضابط طيار فلان بن فلان فكر فيها يا حبيبي

وثانيا لو سحبت ملفك ما يمديك تدخل الجامعه لانك سويت اخلاه طرف وهذا معناه انك فصلت

خليك في الكليه مالك ومال الشباب الا يغرونك وانت باقي عمرك ما تعدى العشرين يعني عمرك 21 وانت معلك نجمه

وكلها 10 سنوات وانت معلق تاج

ناس تتنمى تدخل جندي وانت تبي تترك النجمة وتروح الجامعة

ياخي شوف العاطلين اصحاب الشهادات الجامعية وتذكر انك لو سحبت من الكلية 5 سنوات دراسة واقل شي يبي لك سنتين عاطل بعد الجامعة يعني 7 سنوات وقتها يكون عمرك 26 علشان تلقى وظيفة وان لقيت وظيفة الراتب لايتعدى 6000 او 7000 نصيحة كمل كلها 3 سنوات وتعلق النجمة وترفع راسك وراس اهلك وراتبك يصك 12 الف بالراحة وعمرك 21 تقدر تكون نفسك وتصنع مستقبلك بنفسك وتراك في الكلية الجوية افضل قطاع من ناحية الراحة بلا منازع

لاتفكر بالتعيين ولاتوسوس واذا كان فيه احد لعب براسك من زملائك في الدورة ليش مايسحب من الكلية ويروح الجامعة اذا كان صادق

انا كنت اتمنى واحلم اني ادخل الكلية هذي او الحرس الوطني لكن الله ماكتب