أمس كنت معزوم عند واحد من الأصدقاء
وكنا نتكلم عن تجارة والمشاريع جلس يضحك علينا
قالت بعرفكم على شخص يساعدكم وراح تحققون أرباح عاليه
ماعليك الا انك تسوي لك محفظة وتشتغليون في سوق الاسهم
هو يدير المحفظه بالكامل
والشخص يعمل اتوقع مدير للمحافظ في بنك
هو وربي انه حقق معه ارباح خيالية الله يرزقه
يقول دبل رأس ماله
هو عطاني رقمه بس خايف من هذا المجال
مادري وش هي نصحتكم لي وماخب من استشار ؟؟ محتار
اخوكم
مشاكوس

تعرف الخلا فر فرارك من الذيب
ما دمرنا الا مثل هذه المشاريع كلها كم يوم ويقفل الجوال
او يقلك السوق ما ساعدنا لكن اصبر او يقلك الازمه عالميه لكن اصبر
وفي الاخير تطلب حقك ولا يبقى الا 10%

حسب خبرتي البسيطة في كثير من المشاريع

المشاريع التي يديرها غيرك و لك نسبة أرباح مصيرها الخسارة

لذا فاحذر احذر احذر ......

ماحك جلدك مثل ظفرك

ياخوان خويي وراني محفضته ماشاءالله ارباح عاليه ..
بس انا كنت خسران قبل سنتيين بالاسهم عشان كذا خايف
شكلي بتوكل على الله وادخل معاه
دعواتكم ..

الله يوفقك ويرزقك

شوف أخوي الغالبية خسرانة بسوق الأسهم وأما اللي يقولك أنا أكسب ومن هالكلام فهو إما حالة من حالتين مع احترامي الشخصي :
1- كذاب ونصاب ويبي يسوي دعاية لغرض معين
2- عنده مصدر معلومة موثق وقوي مو صندوق بنك لا أعلى من كذا بكثيييير وهذا خويك مو من هالنوع لسبب إنه لازال بالسوق حتى أمس وطبعا اللي يعرف السوق يعرف بأن الأسبوع الماضي كان كله خسائر فهذا دليل كافي أن خويك ماعنده معلومة وإلا كان باع ومحفظته مايكون فيها ولاسهم ..

نصيحة انحاش
خاصة بعض الشركات تكون محرمة

ادخل فيها ولاتفكر اذا كنت لاتفكر بحلال وحرام اذا كنت ماتبغى فلوسك

والمؤمن لايلدغ من جحر مرتين