خسرت في مشروعي والله يعوضني خيرا منه

اخو رايد · #1 (**permalink**) 29-11-2012, 09:01 PM

بسم الله الرحمن ارحيم

انا يااخوان استاجرت مزرعة وزرعت خضار ولكن ماكتب لي الله رزق في هذا المشروع وقمت بتصفية الاشياء اللي شريتها للمزرعة وباقي عندي ونيت متسوبيشي موديل 82 وابغى نصيحتكم يااخوان هل ابيعة او يمكن تشغيلة والاستفادة منه في مشروع اخر
اتمنى ماتبخلوا علينا ولكم الشكر والتقدير

يافارج الهم يارب · #2 (**permalink**) 29-11-2012, 09:13 PM

الله يعوضك ان شاءالله خير منه استفسار بسيط اخوي مشروع الخضار قاعد افكر فيه وخوفتني منه وش أصعب شيئ واجهك او الي سبب خساره اتمنى تفيدني وانا اخوك علما بأأني ماراح أستأجر مزرعه كامله أبغا أستأجر مساحه فاضيه من مزعه شخص قريب لي وازرع فيها أبغى نصيحتك لأخوك والله يجزاك الف خير

نورهآن · #3 (**permalink**) 29-11-2012, 09:13 PM

الله يعوضك خير ان شاء الله
لو انا بنفس وضعك وعندي مزرعة وامكانية
انا كان احولها استراحة للزواجات
عندنا الاستراحة الي تقريبا بـ 3000 لليلة الوحدة
اما ان كان عندك الامكانية لقاعة افراح فالليلة ممكن توصل معك لراتب شهر كامل وزود
الله يوفقك ويكتب لك الي فيه الخير
انا ماعندي خبرة لكن اعطيتك رأيي

سُلطآن · #4 (**permalink**) 29-11-2012, 09:22 PM

[align=center]
ونيت ميتسوبيشي 82 .. اعتقد ما يسوي عليك تبيعه .. خله لك بتستفيد منه بشي خاصه انه ونيت يعني تقدر تشيل وتحط فيها الي تبي .. عندك صندوق وش كبره .. بجييه وقته ..،

اخوي لو سمحت حط اسبآب الخسآره وش السلبيات والايجآبيات خل العالم يستفيدون ..}

الله يعوضك خير ..}
[/align]

اخو رايد · #5 (**permalink**) 29-11-2012, 09:23 PM

اخوي المزرعة يبي لك عمال على كفالتك اول شي لانهم تعبوني ثانيا اذا كانت الموية عندك متوفره وحلوه واتربه خصبه ازرع احواض ( كزبره - جرجير - نعناع - رجلة ) هذي اساسية ايضا يمكن زراعة الكوسة والخس بشكل ثانوي
ايضا يمكن زراعة البامية لان سعرها شبه ثابت طول السنة
اخيرا ركز على العمالة ولاتاخذ الا واحد خبرة يعني مزارع حتى لو راتبة كثير والله يوفقك

اخو رايد · #6 (**permalink**) 29-11-2012, 09:25 PM

اقتباس:

المشاركة الأصلية كتبت بواسطة نورهآن

الله يعوضك خير ان شاء الله
لو انا بنفس وضعك وعندي مزرعة وامكانية
انا كان احولها استراحة للزواجات
عندنا الاستراحة الي تقريبا بـ 3000 لليلة الوحدة
اما ان كان عندك الامكانية لقاعة افراح فالليلة ممكن توصل معك لراتب شهر كامل وزود
الله يوفقك ويكتب لك الي فيه الخير
انا ماعندي خبرة لكن اعطيتك رأيي

شاكر ومقدر مرورك الكريم ورايك سديد لو ان المزرعة ملك والسيولة موجوده
مشكور اخوي

اخو رايد · #7 (**permalink**) 29-11-2012, 09:33 PM

اقتباس:

المشاركة الأصلية كتبت بواسطة سُلطآن

[align=center]
ونيت ميتسوبيشي 82 .. اعتقد ما يسوي عليك تبيعه .. خله لك بتستفيد منه بشي خاصه انه ونيت يعني تقدر تشيل وتحط فيها الي تبي .. عندك صندوق وش كبره .. بجييه وقته ..،

اخوي لو سمحت حط اسبآب الخسآره وش السلبيات والايجآبيات خل العالم يستفيدون ..}

الله يعوضك خير ..}
[/align]

اسباب الخسارة كما ذكرت عدم وجود العمالة التي على كفالتي والموجود في السوق يفتقدون للخبرة
ايضا اغلب الابار الموجودة تكون نسبة الملوحة عالية وعالية جدا الامر الذي يخفظ نسبة الانتاج
الى الحد الغير مجدي اقتصاديا
يعني اللي يبي يزرع او يستاجر مزرعه لابد ان تتوفر لدية الاساسيات التالية :
1- خصوبة التربة
2- وفرة المياة وتكون نسبة الملوحة لاتتجاوز 1000 جزء في المليون وتحسب عن طريق اخذ عينة وتحليلها في محلات الزراعة
3- العمالة كما ذكرت
4- طبعا المساحة تكون مجدية

وبالتوفيق للجميع

شمعة&فكرة · #8 (**permalink**) 30-11-2012, 12:44 AM

الله يوفقك وانصحك تستفيد من الونيت يمكن تستفيد منه بشغله ثانيه وفعلاً الزراعه متعبه اذا ماتوفرت

العوامل الثلاث المياه +العماله + المساحه

الله يوفقك اهم شيء لا تيأس ترا تجربه مربحه لك بخبراتك استمر بتجارتك ولا توقف اغلب الشباب

الي هنا والتجار ذاقو مراره كبواتهم وعادو بالأمل وحب العمل من جديد ووقفو واحسن من وتجاهلو

خسارتهم وصنعو منها ربح