بسم الله الرحمن الرحيم

الصلاه و السلام على رسول الله ثم اماا بعد


اناا عندي مشكله في العمل و ابي اقولكم قصت حياتي فيها وابيكم تردون وتقولون ليه وش راح اسوي .. القصه هيا ..


اناا قدمت على شركه اكاديميه الجزيره قبل رمضان اناا وواحد من اصدقائي قالو لي نتصل عليك او رجعنا في وقت اخر اهم شي راجعتهم بعد العيد قالو لي نبي نسوي مقابله شخصيه لك قلت اوك وسوو معاي اناا وصديقي مقابله ونجحنا فيها قالو لي قبلناك قلت الحمد الله اهم حاجه سوينا معاهم عقد وسوينا بصمه اهم شي داومت معهم اول شهرين بدون غياب ولى تاخير ومنتضمين في العمل مر الشهر الثالث داومنا نصفه ثم حصلت على وظيفه ثانيه ذهبت على المدير اناا وصديقي قلت له انا حصلت وظيفه ثاني اناا وصديقي براتب اعلى و قريب من سكني ونرجوم منك التجاوز عنا في اسقاط اسماءنا من التامينات و الموارد ورفض قال لي احترم العقد و احترمني انا قلت له في ردي عليه اناا احترمك انت ثم احترم العقد الذي بيننا انا صارلي مقدم استقالتي شهر وبضعه ايام قال لي لا استطيع اسقاط اسمك اللى بعد ثلاث شهور يعني لازم استمر معاه 6 شهور قلت اووك بس عندي شرط ترفع راتبي قال سوف افكر قلت اووك اهم حاجه طلعت لمكتب العمل ابي استفسر منهم في هذه القصه قابلت شخص هناك قال لي طلع برنت من التامينات وطلعت للتامينات واخرجت برنت انا وصديقي واستغربت انه مسجلني قبل قبولي بشهرين وسويت لهم شكوى في مكتب العمل و سويت شكوى في التامينات اهم حاجه وجاءت الجلسه الاولى في مكتب العمل قال لي المحقق ايش طلبات انت وصديقك قلت له طلباتنا
1/ اسقاط اسمي من التامينات
2/ شهاده خبره حقت 3 شهور التي داومتها معاه
3/ اعطائي مستحقاتي
4/ التعويض


ايش رد المحقق علي قال اول حاجه التى تستحق عليها ايه المدعي

1/ اخلاء طرف
2/ مستحقاتك
3/ لا تصدر لك شهاده خبره وليس لك اي تعويض
و الذي كسب الجلسه الشركه حسبي الله و نعم الوكيل اهم حاجه اكمل القصه لكم اتصلت بي الشركه قالو ليه تعال نبي نحل السالفه قلت اوك ذهبت انا وصديقي لشركه قال لي نبي نعطيك شهاده خبره 5 شهور و مستحقاتك اهم شي اقنعني اناا وصديقي في موضوعه قلت ابي اشوف ورد لك وتشاورنا اناا وصديقي فرجعنا له قلنا اووك نحن موافقون قال لنا اناا عندي شرط قلنا ايش هو شرطك قال لي ان تسون تنازل على القضيه التي في مكتب العمل واناا اعطيكم كل الطلبات التي طلبتها قلت اووك اناا شخص على النيه وذهبت مكتب العمل قال لي احدى الاخوان الذي يبي يسجل لي التنازل قال انت تثق في الشركه والله و يعلم الله علي قلت نعم اوثق بهم تدرون ليه قلت اوثق بهم لانهم ناس ملتزمه مربيه لحاتهم و اشوفهم يصلون قلت للمحقق الثاني الذي يبي يعمل التنازل قلت نعم اثق بهم قال لي اووك وسوى لي التنازل وذهب للشركه قالو لي تنازلت قلت نعم فاخرجت ورقه التنازل عنده فقال لي اسقاط اسمك من التامينات سقط و شهاده خبره صدرت و مستحقاتك الان سوف تتحول قلت اووك ورجعت الى الشهاده اللى هي شهر و 15 يوم ويعلم الله اني مستلم راتبين كاملين و ثالث شهر داومت نصه شوفو الضلم فرجعت الى المدير فقلت له الشهاده خاطئه في كتابتها فابتسم فقال ذا شهاده لك تريدها حياك لا تريدها كمل اجراتك اححححح ويعلم الله علي اني رفت يدي الى السماء فقلت يا الله يا الله ياكريم يا سامع الصوت تريني قوتك عليه يا الله يا كريم انك تشله وخرجت من عنده غاضب لانه ضحك عليه وخلاني اتنازل في القضيه و القضيه اذا تنازلت عنها لا تستطيع ان ترجع القضيه .. واخذت الشهاده الخبره شهر و 15 وتم اسقاطي من التامينات و المواد و اعطائي اخلاء طرف ..



سؤال موجه للعضاء المنتداء :/


ماذا افعل الان معاد في يدي حاجه ..؟ الذي عنده حل للمشكله ليت يفيدني ..؟

وين الردود ابي اجوبه منكم

انت غلط انك وافقت على كلامه وتنازلت
ارضى بشهادة الخبره اللي معك
اذا تبي شهادة خبره بنفس المده اللي قضيتها معهم سوي اللي اقولك عليه
خذ برنت من التاينات الاجتماعية يوضحلك تاريخ بدا العمل
خذ البرنت توجه لمكتب العمل اعطيهم شهادة الخبره واعطيهم برنت التامينات وقوله رفض يعترف بعملي الفتره السابقه بعدها الشركه بترد تتصل عليك وتراضيك
لك ودي

شكرن لك وراح اسوي الطريقه انشاء الله وانشاء الله انها تفيد ..

بالتووفيق أخووي

اذا استلمت مستحقاتك واستلمت شهادة الخبره وتنازلت على القضيه ف اتوقع كل شي انتهى مالك الا تنساهم

وتبحث عن عمل جديد وبأذن الله ربي بيعوضك خير لان نيتك سليمه وصافيه
وكرر الحمدلله على كل حال
الله يرزقك بما هو خير لك

تقول انك مسجل بالتامينات قبل ما تباشر بالوظيفه ..

لو اخذت برنت من التامينات شفت المده كم شهر اشتغلت ع كلامك شهرين قبل واشتغلت معاهم شهرين ونصف يعني اربعه اشهرونصف .

الشي الثاني انك تاخذ عقد المباشره من الشركه مع برنت التامينات وبيكون التاريخ مختلف ع كلامك لانك مسجل بالتامينات قبل المباشره .. ارفع دعوه قضائيه لديوان المظالم

ما ادري كم مده العقد الي مو قع عليها بالعقد 3 اشهر ام 6 اشهر

موفق الله يسهل امرك يااااااااااااااارب