السلام عليكم ورحمة الله وبركاته

اخواني انا طالب بجامعة الامام عندي مكافئة ما تصف منه الا 340ريال وعندي ظروف صعبة (السيارة عطلانة وتكلف قير )


احد الشباب عرض علي : انه يسجلني في احدى الشركات على اني موظف عندهم وينزلي راتب 800ريال ؟؟ شهريا


طلب مني صورة من بطاقة الاحوال وصورة من الحساب الموحد ورقم الجوال


وبعدين قالي اذا ارسلتها راح توصلك رسالة تسجيلك في التأمينات الاجتماعيه ؟!

انا الفكرة أعجبتني ,لكن أنا سمعت انه حرام وأبي اتأكد لانة في ناس كثير على الحركة ,انا ابيها إلى ان تخلص ظروفي لاني محتاج ولا اقدر اشتغل في الجامعة من الصباح الى قبل العصر


ياليت تفيدوني .. بالموضوع , وأسف اذا وضع الموضوع في قسم خطأ

هلا اخوي ليش بيعطيك راتب 800ريال سلامات ويحتسبونك موضف ويستفيدون منك في السعودة
اقل شي يعطيك راتب 3000ريال
انا شغال في شركة بدون دوام براتب 3500ريال

لاترسلة اي شي حتي توقع عقد مع الشركة احسن لك
اعتقد انها تاثر ع الجامعة والله واعلم

والله يا أخوي هذا اعلى مبلغ حصلت ,واذا بتوظفني تفعل خير ,
لكن هي حرام حتى على المضطر ؟, اذا في احد سال شيخ ؟أقسم بالله بعض الاحيان ما احصل مبلغ البنزين بس استلف ...وصعب كل يوم والثاني اطلب أبوي يكفي ما عليه من ديون واجار

والله ياخوي أعرف واحد مسجل أغلب جماعتة بشركة

وياخذون راتب 2850 وهم بالبيت ومنهم رجال مطاوعة ( لونه حرام يمكن مايرضون ولكن أشوفهم راضين )

ومن شوري تفاهم أنت وخويك أشرحله طروفك وخله يزود الراتب

لان الرواتب الأن لاتقل عن 3000 ريال

يعني لو عطاك 800 ريال هو كم يستفيد من أسمك ؟؟؟؟؟؟؟؟؟؟؟؟؟؟؟؟
بالتسجيل بالتامينات 2200 ريال بالقليل