ياعآلم وش صار بالدنيا كثرت الأخبار من هالنوع

بس قالوها (خآلف تُعرف )وأقرب طريق للشهرة الخروج عن

المعتاد ودي أعرف هاللي زوجوا رجالهم الله وش عندهن من قلب؟!

بس ماش فيها إنّ السالفة صدقوني مافيه وحده تحب زوجها تهديه زوجة ثانية

مستحيييييل لا وهي تدفع التكاليف وييييين لو انها متبرعة فيها لشاب يتزوج بها

خذت أجر اثنين بدل واحد بس وش نقوول يامثبت العقل والدين بس جد أكيد

انه دابلن تسبدها وموريها الويل وحبت تفتك شوي منه

المهم اللي بيتزوج ولا اللي تبي تزوج رجلها تسوي اللي تبيه بس تخليه خالص لوجه الله

وماتنشره عشان كلن يمدح فيها بس هالبنت شلون وافقت شكله كبيييير عليها لا مافيه أكيد

هالمعلمة الزوج مطلع عينها والطالبة واقفة لها بالمدرسة فقامت وضربت عصفورين بحجر وتخلصت

من همين بوقت واحد

بعدين ترا جيزان قفلت ماعاد يبون أحد هههههههه .

^^^
هههههههههههههههه حلوه جيزان قفلت

وبعدين بصراحه زي اللي يقول تزوج والثانيه مجاناً
هههههه استثمار

حلمي التدريس الحين وش تستفيدي لو ما نقلت جيزان....خليك محضر خير ياحاجة الواحد الواحد يدور الحلال وانت وامثالك تخربون علانا


فكينا الله يرحم والديك.....كنترول كرر

هههههههههه أتوقع بتقفل بزيد عليها الطلب

قنصل أولاً الله يسمع منك وأصير حاجة

ثانياً تراني محضر خير اللي من جدة ويسكن جازان يتغير عليه الجو وتجيه

أكزيما من تغير الجو بعدين تعافه زوجته الأولى ومايحصل زوجه ثانية ويفلس من الزواج بكبره

عشان كذا خلوكم على حريمكم أبرك لكم

بعدين ترا بداية موب هذا مكانها

انا من جدة وعملي في خميس مشيط وابغى انقل جيزان لكن ربي رزقني بوظيفة في جدة....وحاليا في الطايف مايكذبوش عليكم......انا يروحو جيزان واللهي......

انا دافع ثمن بقائي هنا

قنصل البطالة في القمة

تنبيه ع السريع لاتدفعكن العاطفة لكره شعيره من شعائر الله
اللي هي التعدد..
وأنت ياابوفجرمايحتاج تروح جيزآن ترى الحريم بكل مكان
شوف ام فجرإن شاءالله ماتقصر ..

__________________
"لله دُر أمي إذا ابتسمت
تهادت جروح قلبي والتئمت"

التعداد مباح ومالنا عليه كلام بس مشكلتنا بهالنوعيات طيب زوجت زوجها وش له النشر والإعلان؟!

بعدين معليش اللي بيعرس لازم يصير قدها ويدفع كل شيء من جيبه مو تفزع له الله لايجزا العدو خير

معليش احنا ندري وش الشعور وعارفين ان مافيه وحدة تحب زوجها تدفعه للزواج عليها الا في حالات نادرة مثل

عدم قدرتها عالإنجاب أومرضها وحتى لو قالت تزوج وهي مريضة أو ماتجيب عياله ماراح تدور له ولاراح تدفع له هللة

حاكونا بالعقل ياناس مو كل هالأخبار تتصدق الحين ((بعض)) الأزواج يبي يعدد وبس ياتقليد أعمى يانزوة وتروح

ياياخذ ثانية تأديب للأولى من الناااادر جدا من يعدد لغرض العفاف أو (القضاء عالعنوسة)<< أكذب جملة سمعتها

ودائما الضحية وحدة من الزوجات وغااالباً تكون الثانية مااسرع ماترجع لأهلها مطلقة لأنه رضى عالأولى

مانقول إلا الله يثبت علينا العقل والدين ولايعلق قلوبنا إلا برضآآه .

والله انا اشوف كثير من بناتنا السعوديات يؤيدون التعداد بشكل لدرجة ترضى تاخذ متزوج ولا تاخذ شاب

يعني لدرجة حسسوني ان هالشئ فرض وواجب بس من جد ما اقوول غير ..

الله يعين الشباب والله انكم مساكين على تجميع هاحريم ادرى حتى لو ماكان بخاطرهم هالشئ اصلا في حريم يحطون هالشئ براس الرجال ..
والله التعداد شئ سبحان الله عجزت احبة مو قصة غيررة ولا شئ بس فيها اهانة للحرمة ,, وفيه حرام تعب على الرجال , وفيها مشاكل صدق صعب الي يقدر على وضع زي كذا فيها تشتت عاطفى ونفسي ..
احس الي يعدد هذا مدرى وش يحس فيه هل هي تحسس الرجل باحساس انه سلطان زمانة والحريم يحسن باحساس الجوارى حول الرجل والله من جد عجزت افهم لان في ناس تعدد بدون سبب منطقى صايرة تسالي هالامور ولعب بس نسو ان الزواج هذا مسؤؤلية واطفاااااااااااال وتربية والناس تعجز عن تربية طفل واحد فكيف بكذا طفل من كم حرمة احس اطفال المعددين كانهم ايتام مايحسون بوجود الاب ما اقوول غير الله لا يبلاني بهالشئ يارب ..

الله يوفق الجميع والله يهني سعيد بسعيدة ..