طيب أنتي تبقين أو تروحين لأن شكلنا بنطول

انا ابتدائية بكره اخر يوم وبعدها تفقل جلستي مالها معنى وان نزل التعميم اسبوع الجاي المدرسه بتكون مقفله ولا ادري وش اسوي هنا يجي دور الاداره لانه مديرات يعطونا اخلاء طرف ماعندنا

طيب أنتي تبقين أو تروحين مليت اخاف اروح وينزل لارحت لأن بقى بكرة واحساسي يقول ماراح ينزلون شي

يعني بتسافرين وويجي أحد يأخذها من قسم الرجال أنا خايفه ماندري لو نزل ما أحد يرد علينا

انا الحمد لله اليوم اخليت طرفي من ادارة حائل واعطونا رقم للمعامله وقالو متي جاء التعميم هم بيسون اخلاء الطرف لنا ويرسلونه
لادارة التعليم المنقوله لها .. عقبال الجميع يارب

السلام عليكم ورحمة الله وبركاته
أتمنى الجميع بخير وأحسن حال
حبيت أخبركم بالي صار معي اليوم في إدارة المجمعه حيث أني إداريه بإحدى محافظاتها
طبعا حنا رحنا مو علشان قضية النقل لا رحنا علشان قضية قطع الإجازه لاني مجازه ولما تقدمت اجازة المرحله الابتدائيه حبيت اقطع اجازتي علشان يمشي راتبي بالعطله كامل. طبعا مديرتي الله يجزاها بالجنه ماقصرت
رفعت خطاب بطلب قطع الاجازه من لحظة اعلنوا تقديم الاجازه للمرحلة الابتدائيه ورفعت الخطاب اكثر من سبع مرات لمكتب الاداره اللي بنفس المحافظه ولادارة المجمعه ولا حياة لمن تنادي .. فكلمتني وقالت القصه وانهم مايردون لها وشكل الدعوه يبيلها رجال يراجع بقسم الرجال .. وراحنا اليوم وفعلا الدعوه فوضى وسيبه الله حسيب كل من أعطي مسؤوليه وماأخلص بعمله ..والحمدلله طلعنا من عندهم بقرار موافقه بقطع الاجازه مع ان المفروض هالعمل يكون من الاداره مباشرة للمدرسه بدون مايحضر ولي الأمر ويتعنى مشوار 200 كيلو علشان يخلص ورقه مهي من مسؤوليته لكن مااقول لا الله لايحلل من كان السبب في تعطل امري .
طبعا وع الطريق سألنا عن التعميم اللي فيه اسماء المنقولات علشان بالمره اعطيه مديرتي وتعطيني إخلاء الطرف .. قالوا لااااااا لسى ماجانا التعميم من الوزاره !!!!! قلنا كيف نأخذ إخلاء الطرف من المدرسه وبكره أخر يوم دوام .؟ قال عادي ممكن تأخذه من إدارة تعليم المجمعه وبعدين بدري ع إخلاء الطرف لو مآيجي الا ع السنه الجايه عادي مو مشكله وقدامهم إدخال شرائح الرغبات قلنا ومتى هالشئ قال ماادري لكن تابعوا الموقع واحتمال يجيكم رساله ع الجوال . يعني بالمختصر المفيد .. تذكرون معاناتنا العام وصراعاتنا برمضان والقلق والتعب النفسي بينعاد علينا بنفس السيناريو بس مع 2013
قلت لمديرتي هالكلام قالت والله ي بنت الحلال انا اصلا لو يعطونك الاخلاء الان هو الغريبه لانه لازم يخلونكم تكملون سنه متعينين بالمناطق اللي تعينوا بها وقالت لذلك اتوقع اخلاء الطرف مايجي الا ع رأس السنه الجديده اللي هو بعد عيد الفطر الله يحيينا واياكم حياة طيبه ويبلغنا رمضان ويجعلنا واياكم من صوامه وقوامه والمقبولين الفايزين برضاه

حبيت افيدكم بلي عندي وريلاكس ووسعوا صدوركم وانبسطوا بالاجازه وتابعوا موقعهم والله يكتب لي ولكم باللي فيه خير لنا في ديننا ودنيانا


ملاحظه .. الاعضاء الافاضل اللي راسلوني ع الخاص أسفه مااقدر ارد لان مشاركاتي ماوصلت عشره
واسفه للتأخر بالتنويه لاني من زمان مادخلت المنتدى




دمتم متفآءلين




.,

اي بنزل والتعميم وقت يوصل اكيد بنعرف لا تخافي

ولازم الا يخلص اوراقنا من الادارة رجال لانه مافي مكان للنساء رحنا اليوم تبهدلنا ،،اذا احد حاء التعميم نبغى صوره منه هنا