السلام عليكم ورحمة الله وبركاته

بعد دعاء الاستخاره مكتوب ما ندم من استخار الخالق وشاور المخلوقين المؤمنين وتثبت في امره فقد قال سبحانه " وشاورهم في الامر فإذا عزمت فتوكل على الله "

ابي شوركم ونصيحتكم يا اهل الخير وكل من عنده خبره بهالامور ؟؟؟

ما الافضل معيده او معلمه ؟؟؟

انا محتاره بين الثنين ..ونفس الشئ اخاف اغامر واندم ؟؟..

المعيده اقل راتب من المعلمه و المحاضره تساوي نفس راتب المعلمه صح في بدلات بس سمعت انها ما تنحسب مستقبلا في التقاعد وغير كذا مو كل الجامعات تعطي بدلات احيانا معيدات ينزلهم بدلين بس
والزيادة السنوية للمعلمة اكثر وهذا الي مسبب لي حيره و الزيادة للمعيدات او المحاضرات تتوقف بعد 15 سنه اتوقع والمعلمة بعد 25 سنه على حسب المستوى بس سنوات المعلمه اكثر
يعني انا مرتبة شرف وودي بالافضل موحسد ولا ضيقة عين والله يزيدهم ويبارلك لهم يارب على الي راتبها اعلى مني اذا كنت معيده بس احس بقهر اجتهد اجتهد ويطلع راتبي قليل اذا كنت معيده او محاضره خاصه ان حنا كل مالنا والاسعار تزيد بكل شئ

يعني اشوف اغلب الناس يقولون معيده لانها راحة واداوم على كيفي بس وقت المحاضرات الي اعطيها واني ادرس ماستر بسرعه بس وش الفايده اذا درست ماستر وصرت محاضره بيطلع نفس راتب المعلمه الي توها توظفت والي توظفت معي بنفس السنه حتى لو اخذت الماسرت بيطلع راتبها اعلى بكثير

انا ودي اكمل ماستر وسمعت المعلمه الي تبي تكمل ماستر مو مثل المعيده فيها شروط وتعقيدات

واذا قررت معلمه بيكون فيها غربه عن اهلي واستنى النقل اما المعيده قريبه

المعيده اغلب انالس ماخذينها كشخه انو انا معيده وكذا يعني من ناحية البرستيج بس انا ما تهمني المظاهر

محتاااااره الله يجزاكم خير الي عنده خبره بهالامور ومرت بنفس تجربتي تقولي مالافضل

الله يوفقكم ويسعدكم ويحقق امانيكم ...

ياليت أقدر أفيدك والله لااني نفس حيرتك

ونفس الشي ودي اصير معلمه واختار راحة البال واكمل ماستر وانا معلمة

بحيث انو اكمال الماستر مايكون اجباري براحتي متى ماكملت اكمل خصوصا انو ظروف البنت بمجتمعنا مو نفس الولد
يعني لو كنت معيده صح برستيج بس تعب اكمالك الماستر لازم برا السعوديه وخلال سنة تجيبين قبولك بالماستر وتضييق خناق على المعيده

انا بصراحة من الناس اللي جتهم وظيفة معيده واعتذرت والى يومك ماادري ليش رفضت كنت غير مرتاحه وعشت حالة نفسية الله العالم فيها بعد ماتم قبولي وتعبت ومرضت لدرجة غصب قررت الاعتذار

والآن بعد مرور سنه خصوصا بعد ماشفت الاحتياج القليل لتخصصي كمعلمة انصدمت وتمنيت اني مااعتذرت عن الوظيفه بس ثقتي بالله بأنها خيرة من عند رب العالمين الله يشرح صدورنا وويييسر امورنا
صح اني تضايقت الآن بعد ماطارت الطيور بأرزاقها بس الخيرة فيماختاره الله ولوربي يكشف لنا الغيب مااختارنا الا اللي كاتبه ربي والحمدلله على كل حال..

فنصيحة من اخت جربت وقدمت واختبرت وتعبت اول وظيفة تجيك وافقي عليها سواء معيدة أو معلمة وربي بيسهل أمرك الوظايف ماتجي بالساهل واحرصي على رقية نفسك لان الناس ماترحم لااشافوك شاطره ومعدلك وزين واخذه مرتبة شرف أولى تقعدوا لك ومايدرون انك بسبهم تعيشن بتعب نفسي وحسد

الله يسهل لك امورك ويكتب لك الخيره ادري طولت عليك بالكلام بس هالشي عشته كتجربه واتمنى انهاما تتكرر لغيري
ادعي لي بالوظيفة والتعيين هالسنه من طلعت ع الدنيا وانا اجتهد بدراستي عشان اتوظف واساعد اهلي ماابي اقصر عليهم بشي وامس يوم شافوا الاحتياج ضاقت صدروهم

حاسب توظيف ببنك يارب يكون رفضك خيره لك
ويارب يفرحك في هالسنه بالوظيفة المناسبة لك من جميع النواحي وييسرلك جميع امورك
اسعدتيني جدا بردك ربي يسعدك دنيا واخره

والحديث الطويل ولا كلمتين ..جدا جميل كلامك

انا خايفة اني اندم

المشكلة وظائف الاحتياج قليلة وطالعه بنفس وقت التقديم للجامعات يعني الحيره راكبتني صح

وشئ ثاني نسيت اسأله المعيدة تكون رسميه نفس المعلمه ؟؟؟؟


الله يرزقك يارب بالوظيفه العاجله غير اجله

امل الامه مشكوره الله يجزاك خير ولك بالمثل واكثر على كل دعوه

الحمدلله يارب على كل حال والاستخاره مثل ماقلتي اهم شئ

الله يرزقك بالوظيفه العاجله يارب

قدمي في الثنتين
اغلب الجامعات تستخدم الواسطة عشان تقبل معيدين
اما التعليم العام فالوظيفة فيها مضمونة ان شاء الله

اما بالنسبة لرائي
اذا عندك محرم راح يروح معاكي بعثة
اختاري وظيفة المعيدة و بعد سنة ابتعثي على طول لان سنوات المعيد مو محسوبة في الخدمة المدنية
يعني لو جلستي 3 سنين و بعدين ابتعثتي و اخذتي الماستر و بعدين رجعتي كملتي 15 سنة
ينحسبلك 15 خدمة وعليها تاخذي راتب التقاعد
بغض النظر عن الراتب و البدليات
لكن التدريس في الجامعة افضل بمليون مرة من المدرسة
اجازات سفريات منتى ملزمة بتوقيع دخول وخروج
تجي على وقت محاضرة لو حتى محاضرة وحدة وتخرجي
لو درستي انتساب صيفي تاهيلي دبلوم تاخذي دبل في الراتب
لكن لو درستي في المدرسة لكي نصاب محدد من الساعات كرف
توقيع دخول خروج مناوبة رائدة فصل مشرفة نشاط انتدابات دورات المناهج الجديدة
و اذا جات موجهة تزبطي البنات و الفصل تكاليف و مصاريف كثيرة
ماتاخذي راحتك في كيفة الاسئلة ممكن تفرض عليكي الموجهة اسئلتها في الاختبار
مافي وقت محدد للاختبارات ممكن تختبر الطالبة 20 مرة في الشهر
مو زي الجامعة مرتين او 3 مرات في الحالات الطارئة

عموما انتى استخري و ان شاء الله ربي يوجه لك اللى فيه الخير

معيدة وأنتِ مغمضة
المعيدة بالجامعة لها تقريباً 40 بالمائة زيادة على الراتب الأساسي خلاف المعلمة في التربية والتعليم ولا شيء بس الراتب الأساسي
المعيدة تعينين عنند أهلك
المعيدة مالها توقيع حضور وإنصراف
المعيدة تكملين أجباري الماستر والدكتوراه وهذة النقطة بحد ذاتها تكفي
والمميزات كثيرة لكن هذا اللي خطر على بالي الان

هلا اختي اول شي اتمنى لك التوفيق بالدنيا والآخره

كراتب ما فيه مجال للمقارنه وظيفتك كمعلمه فيها راتب افضل بكثير من كونك معيده وبمراحل

بالنسبه للراحه انتي شابه اتعبي الحين وارتاحي بعدين والوظيفتين فيهم تعب لا حد يقولك معيده وتلقين محاضره وفمان الله لا ترى راح يتم استغلالك من قبل الدكاتره سوي وافعلي

نجي للمكان لا يخفى عليك انه وظيفتك كمعلمه راح يكون فيها غربه على الأقل لمدة سنه لانه الوضع الحين افضل من اول مع حركة النقل السنويه وكذا


بالاخير شوفي انسب شي لك يعني لو اخترتي تكوني معيده فيه مجال انك تكملين دراستك وتصيرين دكتوره لانه انتي انسانه طموحه