السلام عليكم ورحمة الله وبركاته اخواني احد اصحابي اليووم انمسك من الهئه في قضيه الرجال عسكري في الامن العام المشكله انه هرب من الهئيه وثاني شي ابتز وحده تكفون الرجال باقي مسلم نفسه تكفون ياشباب وش يسير معه في العمل والله لو ما اعرفكم انكم كفو مجيتكم تكفون ياشباب علموني راح ينفصل او لا

ووالله قضيه جامده وانا اخوك بس اتوقع انه راح ينفصل اقل شي غير السجن الا اذ معه واسطه جامممده الله يوفقك ويجون الاخوان ويفيدونك

الله يهديه ..

قضيته مو سهلة ولايسلم نفسة عندة الان قضيتين الاولى ابتزاز والثانية هروب الاولى ينهي كل شي شي بينه وبين البنت لانة واذا تعرف اسمة او شي خلية ينكر اذا مسكوة في العمل او اي مكان اخر والابتزاز لازم يمسح ارقامها من جوالة وينهي اي شي لانهم يقلبون في الجوال والجوال يكون معاهم ويتحول على طول الموحد عشان ينعرض على هيئة الادعاء العام اذا انمسك المهم خلية يغير ارقامة وصفييييييييييف قب ببمبة مااعرف انتي مين عشان لو صدر بحقة حكم قضائي بالسجن بتروح علية

يبتز بنت ويمكن لعب بشرفها بعد
وتبي تعرف يرجع او لا
!!!!

انشاء اللة يفصلونة هذا ماهو كفو يلبس البدلة العسكرية

انا م’فهمت عليكك الحين خويك وينه ؟

لو كانت هروب عادي من الهيئة بسيطة وتنحل ودي
لكن الابتزاز مشكلته عويصة
إذا عنده واسطة يقدر يدبرها مع أخوياه في الأمن العام ويغيرون في المحضر وتمشي الأمور
لكن إذا ثبتت عليه راح ينفصل ويتحقق معاه ويحكم عليه القاضي وينسجن على حسب الحكم
وطبعا إذا انفصل يمنع من دخول أي وظيفة عسكريةعلى ماأظن لانه بتتسجل عليه سابقة ويتشوه ملفه

سبحان الله ناس تحلم بالأمن العام ودهم يتوظفون ويخدمون وطنهم ويتزوجون ويستقرون وخويك الله يهديه ويسامحه رفس النعمة والأعظم من ذلك انه أغظب ربه
دامك موظف وراتبك كويس يعني انت رجال قد المسؤولية تزوج بالحلال وانبسط وابعد عن الشبهات
خل خويك يتوب ويتذكر ان الله سبحانه أقرب اليه من حبل الوريد الوظيفة ماهي مهمة بقدر معصية الرب
مرده بيموت ويندفن تحت التراب ويخلي الوظيفة لغيره

الله يخارجه
ان شاء الله مايكون سوا شي للبنت هذا اهم شيء في الموضوع وبناءا عليه يتحدد مصير خويك ومصير البنت بعد
استغفر الله وأتوب اليه