حسبنا الله سيؤتينا الله من فضله انا الى الله راغبون

بنات من هم البديلات ؟ ممكن وحده تقول وش القصة ,
حسبي الله على كل ظالم يصدر أوامر على كيفه ياويله من الله اللي وصلهم للمرحله
ذي المقطع من جد يحزن حقهم وتعبهم وشقاهم ,
كيف أستبعدوهم وكيف ترشحوا ماني فاهمه

اللي حرقت شهادتها .. هذه قلبها قوي

والله حتى لو ما توظفت ما احرقها هذا تعبي شقاي سنين راحت من عمري وانا اجري وراها

حسبنا الله على من اوصلها لـ هذا الحال , ,

ماادري ياترف بس احس انهم مهتمين فيهم واحنا القديمات مالنا حس
وصراحه صح انقهرت عليهم بس احنا مظلومين اكثر
اساس هم اتوقع جديدات وكمان اتوقع اغلبهم وهذا ووواكيد البديلات واااااااسطه الا من رحم ربي
والبديلات بعد ترى ف المدن ماراحوا بعيد
وصراحه اني ماتابعت قضتيهم مره لانهم حاسه انهم اخذوا حقهم من البلبله الاعلاميه
بعدين لهم تثبيت لوحدهم ماراح ياثرون علينا
الله يرزقنا واياهم ويرحمنا من ظلم هذا البشر

الله يرزق الجميع ياشيخه , وتبين الصراحه سيلين ,
حسبي الله على اللي حط الفروقات ذي لأن هدفهم واضح يقللون الأعداد ويصنفون
على كيف كيفهم , وآخر شيء سووه درسوا وخبصوا وقرروا وحطوا القياس ,
لأن الأعداد كبيره يبون الفكه بأي طريقة كانت , والله كل وحده أنا معها قديمه وإلا جديده
وإلا انتساب وإلا انتظام وإلا تربوي وإلا غير تربوي وإلا معها خبرات وإلا معها دبلوم ,
كلهم درسوا وكلهم تعبوا وكلهم ذاكروا وراح عمرهم لهم حق يتوظفون ماله داعي يفرقون
شوفي وين وصل الوضع , صار حملات وتجمعات عشان شيء أصلا المفروض مايبا له حمله ,
لاحول ولاقوة إلا بالله , من جد الله يعين على أحوال الدنيا , والله يرزق كل وحده فينا يارب ,
كلنا ننتظر ونستنى وهم بكل برود , يستبعدون ويصنفون ويعدلون , الله يكفينا شر كل من فيه شر يارب ,
ويغنينا بحلاله عن حرامه ياحي ياقيوم , وييسر لنا أمورنا يارب ولايحدنا على أحد ولاعلى جهدنا ,
إن شاء الله ربي يفرجها ويحلها على كل المسلمين ,

^ لا مو جديدات .. هذا خبر عنهم في جريده الشرق :

http://www.alsharq.net.sa/2012/08/25/455264

اللي ما فهمته انه ليه ما يقدمون الحين على جداره ؟ راح يجي تعيينهم لانهم قديمين وفي الخبر ان بعضهم وصلت اعمارهم لـ40 !

صادق المذيع ليه وصلنا لـ مرحله تكفون ؟ هذا حقنا مو منه يتمنون بيها علينا , ,

حسبنا الله ونعم الوكيل , ,

^
ممكن ياخريجه انهم قديمات بس استغرب كيف حصلوا عقد البديله لانهم اشوف اللي عندي واسطات مررره ف البديله وبعد سنه يصير لهم تثبيت والله هذا اللي اعرفه او ممكن يجي من ربي لكن ماشفت يمكن علشان اللي اشوفهم حولي واسطات بالهبل